قصة ريم التي قتلها ابوها بسبب خطى طبي فادح

الباشـــــــــــق · 2010-12-27, 18:26

ريــــم بنت امهـــا وأبوهــــا الوحيـــدة أشتكت من الــم في بطنهــــا
وكانـــت متحملـــة الألــم تقــول أنــها سوف تــطيب ولا تــريد تشـــغل
أهلــها ، حـــتى ما تحـــملت وطـــاحت مـــن الـــتعب وأخــذوهـــا للطبيب
وحصـــل خــطاء مـــع ملف مــراجــعة أخــرى حــــامل
لتشــــابه الاســــــــــــماء
لمــا زف الخــبر لوالــدهــا قال: كيــــف وهي عــــذراء !!!!!!!!
أخــذها من المســـتشـــفى والشــــيطان يوســـوس في راســـــه
حــتى قرر يمســــــح الفضيحــــة بيــــده .... ونســــي أنهــا وحيـــدته
لــو أنـــه بس ســـالها صـــارحهـــا
كان قــدرت تثبت كـــل شــــــي ، وتنفي كــــل شـــــــــــــي
بس ما صــــار لانه نحــــرها
الله يرحمـــها بواســــع رحمــــــته

الشاعر الامير عبد الرحمن بن مساعد
عندما بكى الأب وحكى له القصه
يقولون بأنها حقيقة: !

هي تكابر ما اشتكت
وهي تكابرما بكت
فيها امل انها تطيب
لييين طاحت
اييييه طاحت
وودوها طبيب

قال:
حامل توها اول شهر
لاتشيل اشياء ثقيله
وامنعوها من السهر

كيف حامل والبنت عذراء ؟

قال:
انت ابوها وانت ادرى
يمكن اخطت مع حبيب

قام ابوها وماتكلم
ناسي منهي وشنهي
ماذكر انها وحيده
مالها اخوان واخوات

صد عنها وما سألها
مادرت وش ف الحكايه
تسأله وهي تبتسم
يايبه وش قال فيني
ليه ماتبغى تعلم
وش يقول فيني الطبيب
يايـبـه تكفى تكلم
يايـبـه قلي فديتك

غير الوجهه وطول
كان في النيه عجل
واسألت ريم بخجل
يا يبه انت ضيعت بيتك !

وقف الموتر وحوّل
ثم مسكها مع شعرها
ومال عنها ثم نحرها
وغرقت ريم ف دمها
واظلم الليل وقبرها
شك فيها في شرفها

ما اقسى قلوب الرجال
صدَّق حتى الخيال

حتى ماتت مابكوها
مادرت اظلموها
وما سألت ليه وانكروها
وما سألت ليه اطعنوها
وليه يقتلها ابوها

وبعد ما ماتت بيوم
وقبل لايذّن الظهر
رن هاتف البيت رد ابوها
قالوا بيت فلان؟؟..
ابشرك طلع تحليل بنتك سليم
بس غلطنا بالأسامي
وشف ملف بنتك امامي
بنتك معها زايده

مادرى الدكتور ان ابوها قتلها
يوووهـــ
لو انه بس سألها !