هل انا فعلا ؟؟؟؟ اتمنى مساعدتكم ؟؟

OMAR_alg · 2011-01-14, 19:52

انا تلميذ في سنة السنة ثانية ثانوي اعدت من قبل سنة اولى ثانوي
وان اعدت هذهع سنة ساطرد مشطلتي انا هذا العام اريد العمل بكل ثقة لكن لا افهم الدروس؟؟
البارح رحت نريفيزي الغاز الميثالي في فزياء قريب بكيت مافهمت والوا رياضيات كيف كيف غير علوم لي هي حفاظة رغم اننا نملك استاذ كارثة ؟؟

واش لازم عليا ندير خاوتي فروض واختبارات قربو ؟؟

*أســيـــــرツالــبــســـمـــة* · 2011-01-14, 19:56

شوف خويا

أقرا الموضوع تاعي

https://www.djelfa.info/vb/showthread.php?t=477581

ومبعدا أقرى هذا

https://www.djelfa.info/vb/showthread.php?t=478738

وكي تخلص قولي أوكي؟

OMAR_alg · 2011-01-14, 20:08

قريت الاف من تلك مواضيع بدون فائدة ؟؟

sandy belle · 2011-01-14, 20:18

خويا اعمل ليكور باش تدعم روحك مادام عندك النية انك تدرس فاكيد ربي راح يعاونك .

OMAR_alg · 2011-01-14, 20:33

راني ندير بصح ماكش اختلاف كبير ؟؟

ساجدة م · 2011-01-14, 21:14

حل التمارين بزاف معليش ما تفهمش حاول تحل وشوف الاجوبة مع صحابك

*أســيـــــرツالــبــســـمـــة* · 2011-01-15, 07:34

اقتباس:

المشاركة الأصلية كتبت بواسطة omar_alg

قريت الاف من تلك مواضيع بدون فائدة ؟؟

لالا خويا الفائدة ماش كيتقراه..............

الفائدة كي تستوعبو و تعمل عليه

درك نعطيك نصائحي أنا

ابتداءا من اليوم

دير هدف حاب تحقو في أقرب وقت (مثلا معدل17)

حضر دروسك تاع غدا في كل المواد

غدا في القسم تبع للأستاذ مليييييييح و ماتخلي حتى كلمة تفوتك

كي تروح للدار راجع دروسك لي درتها هذاك النهار كلها

ومبعدا حل واجباتك

ومبعدا زيد حضر للدروس تاع الغد

وكي يفضلك الوقت حل تمارين خارجية في العلوم و الرياضيات و الفيزياء

وبصح لازم تصلي صلواتك في وقاتها والصبح تنوض تصليه في وقتو

ويلا لقيت مشكل في تنظيم الوقت راح نعاونك بإذن الله

ربي يوفقك

OMAR_alg · 2011-01-16, 16:51

كيفاش نحضر للفروش واختبارات لجاية مثلا ؟؟

nina1000 · 2011-01-16, 19:05

اهلا خويا والله انا عندي نفس المشكل نتاعو منقدرش نركز زنحفظ وسببه النت مي مدام عندك النية والارادة سيي كيفاش تقرا والا راك علمي وجاتك المات والفيزيك صعيبة روح ادبي فاها الحفاظة ياسر واش نقلك ربي معاك بالتوفيق لينا اكل سلااااااام
د

~~_أمل جديد_~~ · 2011-01-16, 19:45

أخي اعتمد على الدروس الخصوصية و الدراسة في البيت
و ضع هدفا لك في حياتك تستطيع انجازه حسب مقدرتك
و اتكل على الله فانه خير المتوكلين
اتمنى لك التوفيق من كل قلبي اخي

OMAR_alg · 2011-01-16, 22:42

بارك لله فيكم
ان شاء لله يالخاوة ولي عندو اي دعم مذابيا *****
umsaomar

ساجدة م · 2011-01-17, 20:53

اخي اتبع هذه الخطوات وباذن الله الله لا يخيب ظن مؤمن
انهض مبكرا صل صلاتك اقرا ما تيسر من القران راجع القليل من الدروس او المواد انتاع لحفاظة
كي تروح تقرا حاول تركز مع الاستاذ ولي ما تفهمهاش سقسيه عليها حتى ولو كان اغبى سؤال فهذا يعود عليك
وامبعد زيد حل كاش تمرين مع صحابك وحاول تفهم كاش حاجة ولو صغيرة ما تحقرش لحوايج الصغار
وامبعد كي تروح لدار دير قش توقيت انتاع لعشية وشوف واش عندك ودير عليه حوصلة عامة اي مراجعة بقدر ما تساعدك على اكمال الاستعاب في القسم
وكي جي لعشوا قم باداء صلواتك المفروضة واقرا ما تيسر من القران وصلي بعدها ركعتين
وريح راسك شوي
وامبعد ابراتيكي روحك بشوية تمارين
حاول تحلها واديها لاستاذ يشوفها ووريلك الخطا وحل جميع واجباتك وراجع وقبل النوم اقرا شوي منة ومنة لانو كي تراجع وترقد تبقالك راسخة في الذهن وامبعد قبل ما ترقد اقرا شوية قران وااقرا المعوذات واية الكرسي ونم على بركة الله من جهة يمينك
ولا تنسى الدعاء الصالح ليفرج الله عليك وعلى المؤمنين اجمعين اللهم امين
وما دير حتى حاجة في بالك غير المراد لي باغي توصول والمنال والهدف انتاعك وربي يكون في عونك وعونا كامل امين
اللهم اشرح لنا صدورنا وفك العقدة من لساننا يفقه قولنا
في حفظ الله ورعايته
وفقك الله ووفقنا جميعا
اللهم اميييييييييييييييييين

abdou1995 · 2011-01-17, 21:44

السلام عليكم
اخي عليك التوكل على الله ,اقرا الادعية و القران في الصباح (بعد صلاة الفجر) و في مساء قبل ما ترقد
عليك بالمداومة على الدراسة(حل التمارين الكتاب,دروس الخصوصية,الكتب الخارجية)
و ان شاء الله بعد اسبوعين ستجد نفسك لا تستطيع الابتعاد عن الدراسة

ـــــــــــــــــــــــ
وجهة نظري و جربتها بنفسي

ربي يوفقك
ربي ينجحك
ربي يسهلك

ــــــــــــــــــــــــــــــ