نكتة العام الجديد2011 بقلمي

~~peace_messenger~~ · 2011-01-03, 23:50

السلام عليكم إخواني و أخواتي

اردت ان اشارككم هذه القصة التي عايشتها و الفريدة من نوعها -
لقد اتعستني بقدر ما اضحكتني.

أنا استاذ متعاقد لغة فرنسية ( اقصد كنت) ،خدمت في منصب في الدوار 90 يوم - عطلة مرضية من 14/09/2010 حتى 14/12/2010 و مبعد عيطولي نكمال اليومين الــــلخرين15 و 16 الـــلي قبل العطلة..
وفالسمانا الــلخرة تاع العطلة رحت للمفتشية وكل يوم يقولولي الجواب هذا:
1-المفتش ماش هنا .....
2-هذا وين خرج المفتش ......
3-غدوا وارجع.......

ومبعد رجعنا من العطلة رحت الصباح بكري و خدمت الأحد 02/01/2011 يوم كامل خاطر سمعت بلي المعلمة لي انا في بلاصتها مابغاتش تخدم فالدوار و بعيد على الفيلاج لي تسكن فيه هي.
قلت في بالي (بلاك ربي جابلي قسم) و هذاك اليوم كي خلصت الخدمة رحت للمفتش و قالي بالحرف الواحد :
نتا مهبول كيفاش تخدم باطل ،راك في وضعية غير قانونية ، و لوكان يطيحلك واحد من التلاميذ تباصــــــي.

روح تروح و ماتزيدش تخدم حتى نعاودولك الكونترا.

و يوم الإثنين 03/01/2011 على الساعة : 08و45د و أنا راقد يعيطلي المدير و يقولي لازم تجيب الوثائق و الكراس اليومي خاطر عينوا معلمة في بلاصطك.؟؟؟؟؟؟؟؟

قلتلوا كيفاش يعينوا في منصب مالادي Poste في Poste، قالي اخويا انا خاطي ، البارح رحت للمفتش و قالي غدوا تجيك معلمة تاع الفرنسية جديدة معينة من اللأكاديمية.

و نضت من الرقاد و غسلت وجهي و رحت نجري للمفتشية .
و كي وصلت قالولي المفتش مكانش و حتى لعشية باش يجي.

هبط للدوار وين كنت نخدم و سلمتلهم الوثائق و الكراس اليومي ، و جيت خارج لقيت طفلة بابيـــــــشة تكون واحد 25 سنة صقصاتني: خويا صباح الخير المدير راه هنا ؟
دخلتها وفالطريق للمدير ، صقصيتها واش تحتاج قالتلي بعتوني نقري Français.
قلتلها انا هو لي كنت VACATION وراني خليتلك الوثائق فالإدارة .
قالتلي ميرسي بصح علاش حبست الخدمة ماعاجباتكش بلاصة.
قلتلها انا لالا قالولي بعتنا شيخة معينة في بلاصطك .
طفلة حارت و قالتلي لالا انا راني حتى انا Vacation
و انا بقيت حاير
!!!!!!!!!!!!!!!!!!!!!!!!!!!!!!!!!!!!!!!!!!
قالتلي كيفاش يبعتوني و انت كاين و حاب تقري ؟؟؟؟؟؟؟

قلتلها ربي يعلم ؟؟
بالاك المفتش يصوم فــاليام تاع رمضان لي كلاهم .
و كي وصلنا للمدير :
قاللها : مرحبا ،تفضلي و شرفتينا و ..............مرحب بيها احسن ترحيب.
قدمت نفسها و قالتلوا اعطيني البرنامج الأسبوعي نشوفوا :
عطالها البرنامج و شافاتوا و تبدل وجها و رجعتهولوا و دارت عندي و قالتلي اخدم يا الشيخ انا مستحيل نخدم كل يوم على 8 .
و هزت حوايجها و خرجت و انا بقيت بلا راس.

يعني واحد يحوس على خدمة حتى و تكون في المريخ و واحد يشوف اذا البرنامج يعجبو ولا، لالا

و كي روحت طلعت للمفتشية( ديما المفتش مكانش) و قلتلهم المعلمة بطلت ، قالولي وارجع مبعد.
و روحت للدار و من الزعاف ماتغديتش و وكلت عليهم ربي.
و لعشية عيطلي المدير فالتيليفون و قالي قالك المفتش اطلع تسنيي التعيين.
و كي العادة المفتش ماكاااااااااانـــــــش .
وصلت قالي نايب المفتش :المفتش سمع عليك هدرة و بلي ماتخدمش مليح و ماكش قادر على التعليم و..........على هذي جاب معلمة في بلاصطك.
قلتلوا أنا علاش مايجينيش زيارة و يشوف الخدمة و هذيك الساعة يحاسبني ؟
و ديجا هذا هو العام اللول تاعي فالإستخلاف.
قالي النايب : آ ولدي المهم انا راني قلتلو أعطيه فرصة و قنعتوا و قالي ضرك نديرلوا زيارة و نشوف.
قلتلوا يا سيدي يجي من غدوا.
قالي للنايب تاعو: قالك المفتش روح غدوا تخدم ولعشية كي تروح وجدلنا دوصي جديد و جيبو نديرولك التعيين.

طولت ف الحكاية بصح اسمحولي حبيت نوصل لحاجة وحدة :

عاد الإستخلاف بالمعريفة ولا لزم الواحد يكون طفلة و بابيشة الباشعة راهو يصرالها كيفي.
سمع عليا هدرة -

هههههههههههه

- فــــــــ:الحمام تاع العجايز و مايحكيوش حكاية كيما هذي-

كان يقولي : حشمني واحد معريفة ولا سيادي بعتوها و خلاص انا نفهم روحي.

ربي يستر برك في هاذ البلاد.

abdou213 · 2011-01-04, 00:31

اقتباس:

المشاركة الأصلية كتبت بواسطة peace_messenger

السلام عليكم إخواني و أخواتي

اردت ان اشارككم هذه القصة التي عايشتها و الفريدة من نوعها -
لقد اتعستني بقدر ما اضحكتني.

أنا استاذ متعاقد لغة فرنسية ( اقصد كنت) ،خدمت في منصب في الدوار 90 يوم - عطلة مرضية من 14/09/2010 حتى 14/12/2010 و مبعد عيطولي نكمال اليومين الــــلخرين15 و 16 الـــلي قبل العطلة..
وفالسمانا الــلخرة تاع العطلة رحت للمفتشية وكل يوم يقولولي الجواب هذا:
1-المفتش ماش هنا .....
2-هذا وين خرج المفتش ......
3-غدوا وارجع.......

ومبعد رجعنا من العطلة رحت الصباح بكري و خدمت الأحد 02/01/2011 يوم كامل خاطر سمعت بلي المعلمة لي انا في بلاصتها مابغاتش تخدم فالدوار و بعيد على الفيلاج لي تسكن فيه هي.
قلت في بالي (بلاك ربي جابلي قسم) و هذاك اليوم كي خلصت الخدمة رحت للمفتش و قالي بالحرف الواحد :
نتا مهبول كيفاش تخدم باطل ،راك في وضعية غير قانونية ، و لوكان يطيحلك واحد من التلاميذ تباصــــــي.

روح تروح و ماتزيدش تخدم حتى نعاودولك الكونترا.

و يوم الإثنين 03/01/2011 على الساعة : 08و45د و أنا راقد يعيطلي المدير و يقولي لازم تجيب الوثائق و الكراس اليومي خاطر عينوا معلمة في بلاصطك.؟؟؟؟؟؟؟؟

قلتلوا كيفاش يعينوا في منصب مالادي poste في poste، قالي اخويا انا خاطي ، البارح رحت للمفتش و قالي غدوا تجيك معلمة تاع الفرنسية جديدة معينة من اللأكاديمية.

و نضت من الرقاد و غسلت وجهي و رحت نجري للمفتشية .
و كي وصلت قالولي المفتش مكانش و حتى لعشية باش يجي.

هبط للدوار وين كنت نخدم و سلمتلهم الوثائق و الكراس اليومي ، و جيت خارج لقيت طفلة بابيـــــــشة تكون واحد 25 سنة صقصاتني: خويا صباح الخير المدير راه هنا ؟
دخلتها وفالطريق للمدير ، صقصيتها واش تحتاج قالتلي بعتوني نقري français.
قلتلها انا هو لي كنت vacation وراني خليتلك الوثائق فالإدارة .
قالتلي ميرسي بصح علاش حبست الخدمة ماعاجباتكش بلاصة.
قلتلها انا لالا قالولي بعتنا شيخة معينة في بلاصطك .
طفلة حارت و قالتلي لالا انا راني حتى انا vacation
و انا بقيت حاير
!!!!!!!!!!!!!!!!!!!!!!!!!!!!!!!!!!!!!!!!!!
قالتلي كيفاش يبعتوني و انت كاين و حاب تقري ؟؟؟؟؟؟؟

قلتلها ربي يعلم ؟؟
بالاك المفتش يصوم فــاليام تاع رمضان لي كلاهم .
و كي وصلنا للمدير :
قاللها : مرحبا ،تفضلي و شرفتينا و ..............مرحب بيها احسن ترحيب.
قدمت نفسها و قالتلوا اعطيني البرنامج الأسبوعي نشوفوا :
عطالها البرنامج و شافاتوا و تبدل وجها و رجعتهولوا و دارت عندي و قالتلي اخدم يا الشيخ انا مستحيل نخدم كل يوم على 8 .
و هزت حوايجها و خرجت و انا بقيت بلا راس.

يعني واحد يحوس على خدمة حتى و تكون في المريخ و واحد يشوف اذا البرنامج يعجبو ولا، لالا

و كي روحت طلعت للمفتشية( ديما المفتش مكانش) و قلتلهم المعلمة بطلت ، قالولي وارجع مبعد.
و روحت للدار و من الزعاف ماتغديتش و وكلت عليهم ربي.
و لعشية عيطلي المدير فالتيليفون و قالي قالك المفتش اطلع تسنيي التعيين.
و كي العادة المفتش ماكاااااااااانـــــــش .
وصلت قالي نايب المفتش :المفتش سمع عليك هدرة و بلي ماتخدمش مليح و ماكش قادر على التعليم و..........على هذي جاب معلمة في بلاصطك.
قلتلوا أنا علاش مايجينيش زيارة و يشوف الخدمة و هذيك الساعة يحاسبني ؟
و ديجا هذا هو العام اللول تاعي فالإستخلاف.
قالي النايب : آ ولدي المهم انا راني قلتلو أعطيه فرصة و قنعتوا و قالي ضرك نديرلوا زيارة و نشوف.
قلتلوا يا سيدي يجي من غدوا.
قالي للنايب تاعو: قالك المفتش روح غدوا تخدم ولعشية كي تروح وجدلنا دوصي جديد و جيبو نديرولك التعيين.

طولت ف الحكاية بصح اسمحولي حبيت نوصل لحاجة وحدة :

عاد الإستخلاف بالمعريفة ولا لزم الواحد يكون طفلة و بابيشة الباشعة راهو يصرالها كيفي.
سمع عليا هدرة -

هههههههههههه

- فــــــــ:الحمام تاع العجايز و مايحكيوش حكاية كيما هذي-

كان يقولي : حشمني واحد معريفة ولا سيادي بعتوها و خلاص انا نفهم روحي.

ربي يستر برك في هاذ البلاد.

و عليكم السلام و رحمة الله
الحمد الله كي رجعولك لبلاصة ...........
و انا نقولك ماكان ني سمع عليك هدرة ماكان والوا...........
هذا حب يزحلقك ...يليكيديك و يخدم الطريق مع صاحبة السلامة ......................
لاكادامي و المفتشين يا يخدموا دراهم و رشوة يا يخدموا زين و أنوثة ههههه
تصيبوا شيخ مطيار يريق على وحدة صغيرة و الله ما تعرف منين تصد للدرس و الذر دايرين فيها التير ........... و هي صابرة المهم الحبات .....ماكياج و تلفون و يعجنوا في اللويز في يديهم و الطاكيات على العام ..................
و انت نهار كامل تزاحم في لي بوس .................
المهم نتاع لاكاديمي و المفتشين قاع كيف كيف ....مطبوعين مثل الدراهم ...................
ربي يجيب الخير و ان شاء الله تنجح و تترسم و تتهنى من لعبة البيلاردوا هذه ....

wahiba18 · 2011-01-04, 19:54

والله يا اخي اضحكتني كثيرا بصح انت نية وربي ما خيبكش ونتمنولك النجاح باش تتهنى منهم ونحكيلك قصة مضحكة اخرى مرت درست في منصب معلمة كانت تتكون لمنصب مديرة اعطوني هدا المنصب على انه منصب استخلاف مانقولكش الفرحة والانضباط ولما حان الوقت انتظرت الاجر ويا اسفااااه تصور قالولي لا يحق لهم تعيين لحد وانكرو دلك من المدير الى المفتش والعيب ليس فيهم بل في لاني كنت غبية المهم بعد ما سمت عليهم تعلمت الدرس وعطاوني منصب كمتعاقدة في احدى القرى لمدة اربع سنوات كلما ينجح احد اخاف لكن كان ربي يستر وما يخرجونيش حتى الحمد لله ورضى الوالدين نجحت راني في ثلاث سنوات و الله ماكنت نعرف لا مديرية تربية ولا والو بصح ربي على نيتي سلكني من الكلاب دير تكلك في الله هو العالم و المجيب وهو الدي تركك لاتجد المفتش وتحضر لتعطيهم الوثائق وتلتقي بالبابيشة وانتزع منها الرفض لترجع لرزق كتبه لك والله لن يقدر الجن والنس على انتزاع رزق كتبه الله لك ولو اجتمعوا

الأستاذ الصغير · 2011-01-04, 20:07

السلام عليكم خويا
احكم في البلاصة وهاذا مكتوب ربي قدرهولك رغم انف هذا المفتش
ومادامك مستخلف ما تخرطوش عليك يحوس يفهم اعطيه كان جيت مترسم ما ننصحكش بذلك ولكنك مستخلف ما تكرديلوش باين عليه نسوي هذا

elryme · 2011-01-04, 20:14

لا حول و لا قوة الا بالله العلي العظيم
ربي وكيلهم و ما الرزق الا من عند الله
هو المعطي و هو المانع ف الحمد لله في كلتا الحالتين

attaoui · 2011-01-04, 20:21

لا حول و لا قوة الا بالله العلي العظيم

~~peace_messenger~~ · 2011-01-04, 20:29

اقتباس:

المشاركة الأصلية كتبت بواسطة wahiba18

والله يا اخي اضحكتني كثيرا بصح انت نية وربي ما خيبكش ونتمنولك النجاح باش تتهنى منهم ونحكيلك قصة مضحكة اخرى مرت درست في منصب معلمة كانت تتكون لمنصب مديرة اعطوني هدا المنصب على انه منصب استخلاف مانقولكش الفرحة والانضباط ولما حان الوقت انتظرت الاجر ويا اسفااااه تصور قالولي لا يحق لهم تعيين لحد وانكرو دلك من المدير الى المفتش والعيب ليس فيهم بل في لاني كنت غبية المهم بعد ما سمت عليهم تعلمت الدرس وعطاوني منصب كمتعاقدة في احدى القرى لمدة اربع سنوات كلما ينجح احد اخاف لكن كان ربي يستر وما يخرجونيش حتى الحمد لله ورضى الوالدين نجحت راني في ثلاث سنوات و الله ماكنت نعرف لا مديرية تربية ولا والو بصح ربي على نيتي سلكني من الكلاب دير تكلك في الله هو العالم و المجيب وهو الدي تركك لاتجد المفتش وتحضر لتعطيهم الوثائق وتلتقي بالبابيشة وانتزع منها الرفض لترجع لرزق كتبه لك والله لن يقدر الجن والنس على انتزاع رزق كتبه الله لك ولو اجتمعوا

شكرا على القصة المضحكة و على النصيحة.
رانا كيف كيف و دارولنا تقريبا نفس العفسة.
ياخي ناس بكري يقولو : النية تسلك مولاها.

~~peace_messenger~~ · 2011-01-04, 20:40

اقتباس:

المشاركة الأصلية كتبت بواسطة الأستاذ الصغير

السلام عليكم خويا
احكم في البلاصة وهاذا مكتوب ربي قدرهولك رغم انف هذا المفتش
ومادامك مستخلف ما تخرطوش عليك يحوس يفهم اعطيه كان جيت مترسم ما ننصحكش بذلك ولكنك مستخلف ما تكرديلوش باين عليه نسوي هذا

شكرا على النصيحة
خويا بلا ماتوصي راني درتلهم TAPAGE ليوم و دارولي محضر تنصيب sur place
لي يوكل امرو لله مايخيبوش و الحمد لله