[align=center][color=000000[color=[align=center]FF0000]]بحلم ببكرة
النهاردة الصبح طلعت شمس تانية
شمس وعدت حلمنا ماتغبش ثانية
شمس حامية *** شمس حانية
شمس بتضم الشوارع والأماني
شمس ليها طعم تاني
بالكرامة مدفياني
طمنت قلبي اللي قاسا
إنه مش هيقاسي تاني
فجرت فيَّ الحماسة
والإرادة والتفاني
علمت قلبي في ثواني إنه رغم الحزن عاش
وإن رغم سنين طويلة من حياتي معشتهاش
لسه جرحى ما ألتأمش
لسه عمري منتهاش
لسه بفرح لما أشوف شمس النهار
وإني برضوا رغم طول الإنتظار
لسه قادر أبتدي
واحلم ببكره
ويبقى عندي ألف فكره في تحدى المستحيل
لسه قادر أصحي م النوم الطويل
وأغسل الوش اللي صدى
واسبق الريح اللي عدا
يمكن العمر اللي عدا الحقة
يمكن العمر اللي باقي أسبقة
يمكن الحلم اللي نفسي أحققه
يتولد تاني النهاردة من جديد
يمكن الوهم اللي نفسي أصدقة
لو ف أخر يوم ف عمري
يقدر إنه يخلي قلبي
يفرح ببكره من جديد
يعشق الفجر الوليد
او يبتسم ويموت سعيد[/color][/color[/align]][/align]
( تقرير عن مشاركة سيئة )، و الموجودة أسفل كل مشاركة .
2007-02-15, 16:21
بحلم ببكرة
العرض العادي
