اول محاولة لي في الماكرامي

[khadija la brune]

السلام عليكم توجور جديد مع خدوج ليوم بغيت نوريلكم شا خدمت غادي نحكيلكم قاع كي جات نهار الاثنين ما قريتش حشية كرهت الجامعة الور هودت لدار وفي الطريق تفكرث بلي خويا قالي بلي فمركز التكوين المهني لي فالبلدية نتاعنا دايرين لي كور للمراة الماكثة فالبيت قلت نروح نشوف شا راهم يديروا الور كي دخلت لقيت غي نسا كبارات و متزوجين غي انا صغيرة فيهم لقيتهم يتعلموا فالماكرامي دخلت بلاتاي اعطاوني خيط كثر خيرهم و قعدت الاستادة توريلي كي ندير في اقل من ساعة و نص تعلمت شعال من عقدة كي رحت لدار قعدت غي نعاود فيهم قلت والله غي نسيي نخدم حاجة بلي تعلمته حوست فالنت لقيت اعمال شابة و زدت معاها افكاري المبدعة خرجت ب هدا العمل ان شاء الله يعجبكم مع العلم اني ما كنت نعرف قاع كي داير هدا الماكرامي غي نسمع بيه