إلى الأخت سوسو حليمة

أبو عبد المالك2007 · 2010-09-11, 23:06

أولا: عيدك مبارك وكل عام أنت وعائلتك بألف خير
كيف هو حالك وحال عائلتك؟ أتمنى أن تكونوا بخير...والله اشتقنا لكم كثيرا
أود معرفة آخر أخبارك
السلام عليكم

أبو عبد المالك2007 · 2010-09-17, 08:24

؟؟؟؟؟؟؟؟؟؟؟؟؟

sousouhalima · 2010-09-18, 10:18

سعد ايامك خويا تو . صحا عيدك انت وكل افراد العائلة تعيدو وتزيدو يا رب . بخصوص اخر اخباري عدت الى العمل والحمد لله . وقد اسندت اليا اربعة مستويات هذا العام هي :1 ا - 1 ع ت - 2 ا ف - 2 تق . المشكل الوحيد يكمن في التوقيت يوميا انهي العمل على الساعة 4.30 . راهم قالولنا رانا جبنا لوجيسيال رايح يفرزنا . ان شاء الله يكون كلامهم صحيح . نسيت نقولك بصحتكم لخلاص تصرفوهم بالصحة و الهناء يا رب . العاقبة لترسيم ان شاء الله و ما نتكلاحش هذي المرة في الباروك .

أبو عبد المالك2007 · 2010-09-20, 19:18

الحمد لله كي راكي بخير وعودة ميمونة إن شاء الله و نتمنا لك تنجحي هذا العام في المسابقة وتريحي من سياسة البريكولاج....أما فيما يخص الخلاص راهم خلصون في عام كامل ولكن بدون مردودية ...عموما الحمد لله المبلغ لا باس بيه حوال 18 مليون وشيئ حاجة ...أما العمل كيما تعرفي ياك حبست التعليم وهذا العام راني أعمل كمساعد تربوي متربص في ثانوية ولله الحمد أنها تبعد عن المنزل حوالي 400 متر....تهلاي في روحك ....سلام

sousouhalima · 2010-09-20, 21:44

مساء النور و عودة ميمونة ان شاء الله للجميع . مشكورررر على الدعاوي تاعك ما تعرفش شحال راني محتاجة ليهم . المبلغ الي خلصتي فيه راه مصروفة تحكم بيها يديك . ومن المفروض هذا العام تولي تخلص كل شهر بشهرو . هذي حاجة باهية . ربي يعينك مع التلاميذ على خاطر هذا راه جيل صحانيت الوجه . حاجة نطلبها منك راني نعرف بلي مازال الحال عليها انما نقولك عليها من الان .بخصوص اختبارات وفروض الادب العربي في الثانوية التى تشتغل بها ابعثهالي ومشكورررررررررررر مرة اخرى راح نتعبك معايا .

أبو عبد المالك2007 · 2010-09-24, 09:03

واش عليه سوسو تعبك راحة بإذن الله ماراحش نتأخر عليك لأن طلباتك كلها أوامر....أما التلاميذ فلله الحمد والله لم أجد معهم صعوبة في التعامل وبالخصوص أني أعرف أغلبهم وهم يعرفوني جيداويعرفون شخصيتي وأخلاقي والحمد لله....ربي ينجحك ويفتح عليك أبواب الخير

sousouhalima · 2010-09-24, 20:38

ربي يخليك خويا تو . راح نتعبك معايا شويا ابحث عن مذكرات السنة الثالثة ثانوي شعبة الاداب و شعبة العلوم . ولم اتمكن من ايجادها في هذا المنتدى . ان كنت على دراية برابط معين يمكنني من الحصول عليها فلك كل الشكر. ووان لم يكن لديك فساعدني بالبحث .من فضلك المساعدة .

أبو عبد المالك2007 · 2010-09-28, 16:49

مساء الخير آسف على الغياب .. ما كانش مشكل سوسو .سأحاول وسأبحث معك إن شاء الله ...ربما سأسأل بعض الأساتذة ...إن شاء الله تكوني بخير

sousouhalima · 2010-09-30, 14:51

مشكورررررر وربي يخليك . ما تزيدش تطول علينا والا الخدمة اداتك ؟؟؟؟؟؟ربي يعينك .

أبو عبد المالك2007 · 2010-10-01, 09:17

اقتباس:

المشاركة الأصلية كتبت بواسطة sousouhalima

مشكورررررر وربي يخليك . ما تزيدش تطول علينا والا الخدمة اداتك ؟؟؟؟؟؟ربي يعينك .

والله يا سوسو كيما قلتي الخدمة شغلتنا وراكي تعرفي الوقت راه ضيق ماشي كيما في الصيف وزيد حنا عندنا منزلين والمنزل الذي أقيم فيه حاليا هو الأقرب للثانوية ولا يحتوي على الأنترنيت أما المنزل الكبير الثاني فهو بعيد قليلا ولا أذهب إليه إلا في وقت الحاجة أو عندما يكون لدي الوقت الكافي فعذرا مجددا...أما فيما يخص قضيتك فإني سألت بعض الأساتذة ولكن ليسو ممن يبحثون في الأنترنيت للأسف ولكني سأبحث مجددا معك...حظ موفق.....سؤال: خلصوكم في المردودية ولا مزال؟ وإذا كان الجواب نعم ..كم المبلغ؟ ...................سلام

sousouhalima · 2010-10-07, 14:52

مساء النور خويا تو نتمنى تكون بخير يا رب و سامحني على التعب . بخصوص المدكرات مين تقعد ابحث معي . انا تاني والله ما نقعد نخدم دائما من 8 الى غاية 4.30 . راني وليت في حالة .اما بخصوص المردودية مازال ما كاين والو .سقسيت عمي حسن رئيس المصلحة قالي كشما في ديسمبر ان شاء الله . اما ما يهمني هو هل كلام بن بوزيد حول امكانية دفع مستحقاتنا كل شهر او كل شهرين صحيح ام مجرد كلام يمساء النور خويا التو . ربي يكون في عونك و سامحني على التعب صبرنا بيه فقط .ربي يجبلنا الصبر .

allmaza · 2010-10-07, 15:10

وين الغيبة يلا سوسو
النتائج خرجت في تيزي وزو كون تسمعي حاجة قوليلي بخصوص ولايتنا
رحت لسيدي مانع قالي محكوم المنصب من قبل بقاتلي غير تع الحج وقتاش تخرج و قداه المدة,’؟؟؟
رديلي يعيشك c nnنتفاهمو نهار الاتنين نروحو نهدرو مع المدير

sousouhalima · 2010-10-11, 11:01

اولا ابشركي انني نجحت في مسابقة التعليم الثانوي في عنابة . مازال الشفاهي نفوتوه في 27 من هدا الشهر ان شاء الله و العاقبة ليك يا رب و لي جميع الاساتدة . اما بخصوص منصب ديدوش مراد ما عنديش مشكل نروح معاك و نتكلم مع المدير على خاط كان من المفروض نحكمو انا . وان شاء الله ما يكون غير الخير .

sousouhalima · 2010-10-21, 18:00

اين انت خويا تو ؟؟؟؟ وين هذي الغيبة ؟؟؟ نتمنى تكون بخير و عافية يا رب . راني متغشا منك .

sousouhalima · 2010-10-24, 17:51

اين انت خويا تو ؟؟؟؟؟؟؟؟؟ اتمنى ان اسمع اخبار طيبة عنك