هنا نحكو على احمد او يحيي

القذافي999 · 2010-12-23, 11:33

اعد كتابة الموضوع بالعربية الفصحى وشكرا

ryyyma · 2010-12-23, 11:57

ههههه و الله غير جيت نكتب صاحب الضحكة الصفراء قبل ما نقرا الموضوع

يااااو السيد في بلادو و ماشي معترفين بيه

هي بالعربية كااااامل اللي حاكمين البلاد ما يصلحوش الا أن هادا المخلوق أكثر منهم

++++

خويا مهدي لا مجال للمقارنة بين هتلر و اويح

على الأقل هيتلر خلا تاريخ عظيم وراءه

و نقول لأويح يا وليد الناس روح شوف عليمن تكذب لأنو الشعب الجزائري كره من المسرحية ديالك و ديال أمثالك

ryyyma · 2010-12-23, 12:02

خويا عبد الله

كل من هو في الحكم في الجزائر لازم يكونو الخصال التالية فيه

الكذب
النفاق
الحقد
عدم القناعة
حب الذات
.....

و غيرها الكثير

ماشي غير هادا

علاش وزير الشؤون الدينية قليل همو؟؟

تَــــــيْمَـــــآءْ , · 2010-12-23, 12:06

هههههههههههههههه مسكين وقيل ماشي عايش في دزاير
انا ترسخولي شويا جمل ملي قالهم يشوكو والله غير يشوكو
في وقت انو الدول فالجامعات بعد برمياراني يروح يحوس على دار يكري في عوض حنا .... ... (مشافش نسبة الدعارة لكل يوم تزيد في جامعاتنا مشافش يلي يدخل للاقامة سكران زاطل معلابالو بالدنيا )

في وقت لي نسبة البطال ترتفع فالدول حنا راه تتناقص (معليش يفهمني منين جات الافات الاجتماعية يخي من فرااغ الوقت وقلت الخدمة شاب حاب يزوز ميلقاش يلجأ للمحرماات)

في وقت لي الدول تنقص فالخلاص حنا نزيدو فيه (مشافش كل ميزيدو دورو يزيد سعر السكر ياا جماعة السكر راح سولي عسل الكسلو ثمنتاشنلف لحليب التالي ربعينالف ؟؟؟؟؟؟؟؟ )
مع احتراماتي للجميع شيء ينطق

و وووو وخلي لي فلقلب فالقلب ربي يهديه
مي فريمون يعرف يهدر لكان يسمعو واحد اجنبي يقول الجزاير جنة
ربي يهدي هذا ما نقدرو نديرو
سلااااااام

سُمو الأمــيرَة · 2010-12-23, 12:11

حين اسمع لكلامهم هي قصور ومباني تشيد...وبين اللحظة والاخرى تهدم القصو وتسقط المباني...الله يهديهم

* hanane*kh

thorpe · 2010-12-23, 12:46

انا حرت برك فيه قال بلي نسبة البطالة تنقص
كيما قالها لطفي دوبل كانو ارواح نديرو لحساب
شوف نفرضو انو عدد الشباب البطال في الجزائر هو 5 ملاين
مليون ماتو وقت الارهاب
مليون هاجرو للخارج وكملو حياتهم وقرايتهم لثم
مليون حرقو نص مات في البحر ونصر لحق وراه فالحباس نتاع ليسبان وطليان
مليون راهم كرهو من الشوماج كاين الي راهم فالحبس من المشاكل نتاع الشارع وكاين الي وراحو للعسكر والجوندارم باعو عمارهم
999 الف واحد مداير طابلة دخان ويبيع الزطلة فيها وبقى 1 راه لقاولو خدمة عند الدولة في تشغيل الشبابا
واااااااااااااي راحت البطالة وراحت الرتايلة ( العنكبوت) من جيوب الجزائريين راح الحراق والتشومير هههه

maro3434 · 2010-12-23, 12:58

كيفما تكونوا يولى عليكم

maro3434 · 2010-12-23, 12:59

حاسبوا انفسكم قبل ان تحاسبوا غيركم

القذافي999 · 2010-12-23, 13:05

كنت ننتضر في واحد يحب يتفلسف كيما صاحبنا

نقلك انو عبد الحميد كشك رحمه الله كان يشتم المسؤلين علنا

بارك الله فيك

الصراحة · 2010-12-23, 13:22

هذا المسعول المليونير لا يصدق فعلا ان المواطن الجزائري الشريف تحت خط الفقر المدقع ويداس عليه بالنعال من الادارة الى التعليم الى الاقتصاد الى الصحة .

بعد ان جعل نصف الشعب بدون عمل ومشرد سابقا عاد اليوم بسلطة قوية ديكتاتورية ليقضي على ما تبقى من النصف الثاني .

ماذا سنقول وبغال البرلمانيين في مرابطها تعلف وكلاب تنهش من لحم الشعب .

ولكن العيب ليس في هؤلاء النكرة واتباع حزب فرنسا العيب فينا نحن الشعب الجبان الذي لا ينش ذبابة عن وجهه .

يقولون الشعب الجزائري راجل " ياو طب طب " لوكان هو راجل لا يسكت على هتك عرضه ونهب ماله من حفنة مرتزقة وكلتهم فرنسا على الشعب المعزول .

على الاقل وهو اضعف الايمان عدم المشاركة في الانتخابات وخليها تتخلط لانو المثل يقول " خلطها تصفا "

تعبنا من الكلام والهدرة الفارغة بينما رؤساء في العالم الشعب يبزغ على وجوههم وويرميهم بالزبالة عندنا في الجزائر الشعب ينتحر وسي اويحي يضحك عليه .

مازال سوف نشهد مرحلة الهرج والمرج بعد عشرية من ذبح الشعب ستحل مرحلة مماثلة اذا استمر الوصع على ماهو عليه .

واش نقولو الا نوكلو ربي هو القادر على مثل هؤلاء الطغاة المتجبرين الذين طغو في البلاد واكثرو فيها الفساد .

للعلم اويحي يستحوذ على اكبر حصة من الكعكة وتقريبا جاعل الجزائلر مستثمرة خاصة .فلما يقول"ماشي خسارة في الشعب ...يستاهل " فمعناها انو حاس نفسو يدفع من جيبه على الشعب .

الله ينتقم من القوم الظالمين .

القذافي999 · 2010-12-23, 13:34

اقتباس:

المشاركة الأصلية كتبت بواسطة الصراحة

هذا المسعول المليونير لا يصدق فعلا ان المواطن الجزائري الشريف تحت خط الفقر المدقع ويداس عليه بالنعال من الادارة الى التعليم الى الاقتصاد الى الصحة .

بعد ان جعل نصف الشعب بدون عمل ومشرد سابقا عاد اليوم بسلطة قوية ديكتاتورية ليقضي على ما تبقى من النصف الثاني .

ماذا سنقول وبغال البرلمانيين في مرابطها تعلف وكلاب تنهش من لحم الشعب .

ولكن العيب ليس في هؤلاء النكرة واتباع حزب فرنسا العيب فينا نحن الشعب الجبان الذي لا ينش ذبابة عن وجهه .

يقولون الشعب الجزائري راجل " ياو طب طب " لوكان هو راجل لا يسكت على هتك عرضه ونهب ماله من حفنة مرتزقة وكلتهم فرنسا على الشعب المعزول .

على الاقل وهو اضعف الايمان عدم المشاركة في الانتخابات وخليها تتخلط لانو المثل يقول " خلطها تصفا "

تعبنا من الكلام والهدرة الفارغة بينما رؤساء في العالم الشعب يبزغ على وجوههم وويرميهم بالزبالة عندنا في الجزائر الشعب ينتحر وسي اويحي يضحك عليه .

مازال سوف نشهد مرحلة الهرج والمرج بعد عشرية من ذبح الشعب ستحل مرحلة مماثلة اذا استمر الوصع على ماهو عليه .

واش نقولو الا نوكلو ربي هو القادر على مثل هؤلاء الطغاة المتجبرين الذين طغو في البلاد واكثرو فيها الفساد .

للعلم اويحي يستحوذ على اكبر حصة من الكعكة وتقريبا جاعل الجزائلر مستثمرة خاصة .فلما يقول"ماشي خسارة في الشعب ...يستاهل " فمعناها انو حاس نفسو يدفع من جيبه على الشعب .

الله ينتقم من القوم الظالمين .