بيناتنا

هزيم 07 · 2010-12-17, 16:50

السلام عليكم

انت مقبل على مسابقة توظيف وعندك معرفة كبيرة هل تستعملها ؟ ولماذا ؟

للسؤال خلفية فكونو جديين والسلام

شريان الحياة1988 · 2010-12-17, 16:55

لا استعملها انا عندي معرفة في سونطراك و في اماكن اخرى و ما حبيتش ناخد بلاصت شخص اخر نفضل نخدم بذراعي

bernaoui-mo7 · 2010-12-17, 16:56

استعملها لان الوقت الحالي ما يفوت غير مول لكتاف

smisma87 · 2010-12-17, 16:57

نستعملها وياربي تطيرلي خدمة ههههههههه

هزيم 07 · 2010-12-17, 17:05

اقتباس:

المشاركة الأصلية كتبت بواسطة smisma87

نستعملها وياربي تطيرلي خدمة ههههههههه

والله راك ضحكتيني بارك الله فيك

الأميرة بلقيس · 2010-12-17, 17:48

انا حاليا كن نلقى معريفة نستخدمها
لازمني معريفة باه نجيب كونطرا تاع مديرية التشغيل راني ديبلومي من 2004

hadhom · 2010-12-17, 18:15

السلام عليكم
لوكان عني معرفا لن استعملها ابدا
الرزق بيد الله انا متاكدة بلي المكتوب هو لي يصرى لو جتمع الجن والانس على ان يضروني بشيء و الله لا يريدها لن تقع و لو اجتمع الجن والانس على ان ينفعوني بشيء لن ينفعوني الا ادا هو اراد.....
لدلك اسلم امري لرازقي
تقبلو مرور اختكم فاطمة الزهراء

زاد اليقين · 2010-12-17, 18:32

يعني بالمسابقة تستعين بالمعريفة لايااخي هذا شيىء ليس بالجميل اما عن انك تعرف شخص في شريكة وتقدر تخدم بواسطته يعني تضع الدوسي وهو يساعدك فانا لااجد المانع هنا

الامل المشرق · 2010-12-17, 19:01

اجابة على سؤلك
نعم استعملها بلاك راه ربي كاتبلك فيها و ذاك الانسان سبة برك
واذا طلب مني المعريفة عشاء او قهوة كيما راهم يقولو فلا استعملها
لانها تعتبر رشوة ومنصب الشغل يكون حرام في حرام يالوكان تعيا تصدق

chahine karim · 2010-12-17, 20:50

السلام عليكم

المعريفة كلمة واحدة بصح عندها بزاف معاني و كل واحد كيفاه يفهمها.
بخصوص إستعمال المعريفة في مسابقات التوظيف، نقولك أخي بأنه عمري ما فكرت فيها و إلا تمنيت تكون عندي.
مدابيا الخدما اللي كاتبهالي ربي جي بالحلال ماشي ندّي حق مترشح آخر و من بعد نقول مكتوبي.

كيما نقولوا الأفضل ينجح مهما طال الوقت، ممكن نجوزوا كاش مسابقة ميكونوش فيها أصحاب المعريفة.
كيما العام الماضي شاركت فواحد المسابقة تخص رتبة متصرف بالمستشفى، كامل كانوا يقولوا بأنه المنصب محددا مسبقا و صاحبه باين، حتى المدير كان يجري باش ينجّح هداك المترشح.
لكن بعد ظهور النتائج تبين أن الناجح في تلك المسابقة هو إنسان بسيط جابها بجهدو و معندوش المعريفة حتى هو مصدقش بأنه نجح.

لهذا وجب الصبر و المثابرة و التحلي بالإيمان و ما كتبه الله لنا.

ســـــــــــــــــــــلام.

لقاء الجنة · 2010-12-17, 21:06

بصراحة.....انا عن نفسي شخصيا اكيد استعملها.........بل و لازم استعملها.......

اظن ان الامر ما فيه حتى مشكل.....

tariko · 2010-12-17, 23:52

أكيد راح نستعملها على خاطر بيها وياربي تصحلك الخدمة منصب واحد دزاير gاع تلقاها ريحا للكونكور وين تصحلك يا خو

obrigado24 · 2010-12-18, 08:41

أنا عندي معريفة بصح نستعملها خير للضرورة القصوى

روح القلم · 2010-12-18, 14:42

هههههههههههههههههههههههههه
أضحكتني الموضوع يوم ضحكت على نفسي و قولت أعرف العديد من المدراء و لكنني لم أطلب منهم يوما خدمة حفاضا على شخصي المحترم .... و لقد قالت لي احد الصديقات يوما أنتي مجنونة و إذهبي إلى شخصك المحترم لكي يرزقكي بعمل .......... لكنني أعدت الضحك عليها بالقول أن راضية بما قدر لي و إن كان الله قدر لي عمل ما فما أحد في هاته الدنيا سينزعه مني ... فقط علينا بالمحاولة و عدم اليأس .......
شكرا على الموضوع مع أن المعريفة اليوم مطلوبة كثيرا ...

الكبتن عمر · 2010-12-18, 14:51

الناس بالناس

وساعات واحد يقول فلان مصلحي او تع مصالح

والاغلبية عندوا مفهوم خاطئ لكلمة مصلحي او تع مصالح

اولا حياتنا كلها مبنية على المصالح...
اليس عملنا مصالح
اليس حياتنا في البيت مصالح
اليس تعاملاتنا كلها راكبة على المصالح
والمصالح التي تصلحنا وتصلح الاخر
لماذ نقراه بالغلط................................

الوساطة مش عيب عندما تكون محترمةوتحافظ على ذاتية الطالب للعمل
مش عيب عندما نستعمل المعريفة في بلاصتها