وصفات جديدة جديدة جديدة

[soltana]

اولا الشكر الجزيل للاخت عفاف الجزائرية

تارتولات بالديول والمرقاز

لبارح جربت وحد الطريقة بالديول والمرقاز عجبتني وبنتها مليحة حبيتكم تشوفوها واذا عجبتكم طبقوها

باكي ديول
انا استعملت ديول حارين يعطو ذوف احسن من العاديين
و شويا زبذة ذائبة
وتقريبا رطل مرقاز يعني وحد 8 او 9 حبات
وصفار بيضة

نفصل اوراق الديول على بعضها
ونلويها تصبح مثل سيقار ونقصها شرائح صغيرة تصبح بهذا الشكل


وبعد ذلك نسمنوهم بشويا زبدة

نجيبو لي مول نتاع لي تارتولات نحطو فيهم شويا ديول مقطع


ونفتحو المرقاز نحمسوه وبعد ما يطيب ننزعو منو هذاك الدسم نتاعو
ونحطوه فوق الاوراق نتاع الديول

وبعد ذلك نزيدو نغطيوهم ببقية الديول المقطعة

ونحضرو صفار بيضة نزيدولها مغرفة صغيرة نتاع ماء ونخلطوها

ندهنو المولات من فوق

نغطيوهم بورق المنيوم باه ما ينشفش الديول
وندخلوهم للفرن


وبعد ما يخرجو ننحيوهم من المولات ونحطوهم وشهية طيبة



على العموم الوصفة نقطعو البطاطا بالعرض نقليوه نص قليان نقطروها من الزيت ومباعد نحطو طبقة بطاطا وطبقة دجاج مفتت ومحمصبالبصلة والكسبر وطبقة بطاطا ونديرو من فوقها البيشاميل والفرماج

تارتولات



العجينة استعملي اي عجينة عندة مورقة ولا بريزي ولا حتى عجينة العشر دقائق

والحشو استعملت دجاج مقطع رقيق محمص في قليل قليل من البصلة
نقطع تاني فلفل حار شويا برك ونقطعو رقيق ونخلطو مع الدجاج وشويا كسبر مقطع رقيق
ونضيفلهم ملح فلفل اكحل نكسر بيضة ونزيدلهم القشطة يعني لاكرام فراش
ندير العجينة في لي مول وندير فوقها الحشو وندخلها للفرن تنشف حتان تاخذ هذا اللون
وبالصحة عليكم

سفيرية بالزيتون



يعني زيتون مرقة زيتون عادي ونشرشمو 2 حبات بطاطا كي يطيبو نمرسوهم مليح نديرولهم شويا ثوم ملح فلفل اكحل وكسبر مقطع رقيق
ومباعد نديرو نجيبو لحم مرحي نحشيوه في الوسط بشويا فرماج ونديروه كربوعة صغيرة ونحمصوه في الزيت
وكي يطيب اللحم نزيدو نحشوه في وسك البطاطا
يعني الفرماج داخل اللحم واللحم داخل البطاطا
ونلهوثو هاذي لابول في الفرينة وبعدها في البيض وبعدها في لاشابلير الخبز المرحي
ونقليوهم
وكي يطيب كل شي نحطو الزيتون ونحطو فوقو لي بول هكذاكيما مصورة

السابقة




رحيت صدر دجاج درتلو ملح فلفل اسود ومعدنوس كي العادة
ومباعد جبت حبات زيتون حشيتهم بالفرماج روج
ومباعد حشيت اللحم بالزيتون يعني الزيتون في الوسك والدجاج من فوق
دورتهم على الفرينة البيض ولا شابلير وقليتهم
وعملت صوص بلونش بعد ما طابت حمصت الشومبينيون في مقلات ودرتو في لاصوص ولحت معاها نص حبة قارص
وكي طاب كل شي حطيت لي بول نتاع الدجاج في المرقة

لي شوصون




3 كيلات فرينة بكيلة زيدة ولا سمن قرصة نتاع ملح وشويا خميرة
اعجنيهم بالماء وخليها ترتاح شكلي دائرة حطي الحشوة نتاعم في الوسط وقلبي
واقليها في الزيت
الحشو انت وما عندك

سوفلي

عجينة العشر دقائق
حشيتهم بالدجاج المرحي حمسته في الزبدة والفلفل الاكحل وشويا بصلة وملح
وفرماج وانت وحسب الحشوة اللي عندك
يعني واش تحبي تديري فيهم
ومن فوق كي تقلبيهم ادهنيهم بصفار البيض مخفف بشويا ماء
وذري عليهم الجنجلان
وبصحتك



هاذي مرقة جلبانةبالبولات نتاع اللحم
المرق صوص بيضاء عادي نحطو الحم وبصل وثوم وورقةرند وملح وفلفل اسود وكسبر وشويا زعيترة
نحطو فيهم طراف اللحم
نخليهم يتحمصو شويا ونمرقيوهم شويا
اذا حبيتي تفوري الجلبانة
خلي المرقة تنقص تبقى شويا وكي تفور الجلبانة حطيها في المرقة
واقلي بولات اللحم في شويا زيت وحطيها مع المرقة
واذا ما فورتيش الجلبانة خلي شويا مرقة وحطيها والقي عليها الطنجرة تصفر شويا واقفلي النار



اما على هاذو لي ميني ميني ميني بيتزا عملتهم بعجينة البيتزا كاس زيت كاس ما دافي و كاس حليب دافي و مغارف كبار خمارة و حبة بيض وملح و مغرف سكر وتلمي بالفرينة و تخليها ترتاح
قطعتها كاري وحطيت صلصة الطماطم في الوسط وقطع لحم مقطعين صغااااار ومحمسين وطبقت الجوانب وضغطت عليهم بحبة زيتون
ومن فوق دهنته بصفار البيض مخفف بشويا ماء



اما الوصفة التانية لي كانيلوني انا اشتريتهم واجدين ايضا مي انتي تقدري تعوضيهم بلي كراب يعني تحظري عجينة لي كراب تطيبيهم ومباعد تحظري الحشو حسب الموحود عندك لحم او دجاج
وتديريهم في الوسط وتدوريهم رولي
ومباعد تحطي شويا صوص طومام في البلاطو وتحطي لي كراب نتاعك وتحطي من فوقهم لاصوص طوماط والفرماج المبشور
اما لي كانيلوني الجاهزين تحضري الحشو حسب مقدورك وتحشيهم وتعملي نفس الكيفية
نتمنى تكوني فهمتي عليا

وراني تعبت فنقلها ما تنساوش التقييم