جملة بالجيجلية ما يفهمها غير تاع قبها د بلاد

[saruna]

السلام عليكم
هادي جملة بالجيجلية و الشاكر يشرحها و ادا جبتو جواب صحيح نزيد نعطيكم حالجملة .
حطو حطو بيطا في حا بوطو
يلايلايليايليايليايليايليايليايليلي
هايا اخواني الجواجلة وكل من يفهم الجيجلية

[هناء البال]

و الله ما قشعت حاجا فيها اشرحينا من فضلك

[*صمت الليالي*]

لم افهم شيئا

[saruna]

مشكوورين على المشاركة يا حمودي و يا هانا

سوف اشرح الجملة

حطو حطو بيطا في ح بوطو معناها





و ضعو مصباحا ابيضا في عمود

[nesrinou]

هههههههههههههههه

آآآآآآآآو تع قبها قبها ؟؟

فهمت لكلمات اكييييييييد بصح ماشي هذا لمعنى بذات لوووووووول

خلاف لجواجلة تع لسونثغ يقولو طو ماشي الضوء ... مريطة ماشي مريضة

انا نقول مريطة اكيييييييييييييد

[nesrinou]

بالمناسبة نقدر نتعرف عليك سارونااااااااااااااا ؟

[زهور الياسمين]

خخخخخخخخخخ
عاباتلي شينويييييية
هههههههه
شكرأآآ

[nesrinou]

ههههههههه آآآآآآآآآو حطو يعني وضعو
حطو يعني ضوء بيطا اي ذات لون ابيض في حابوطو poto عمود كهرباء

[ضوء القـمر]

أنا فهمتها خاطر راني مخطوبة لواحد جيجلي لو كان غير خليتيها شوي

[saruna]

مشكورين كلكم بارك الله فيكم .

1- مشكورة اختي نسرينو على تصحيحك للجملة بارك الله فيك
2-مشكورة اختي زهور اليسمين على المرور العطر جزاك الله خيرا
3-مشكورة اختي فاتي وان شاء الله زواج سعيد و عمر مديد ادعو الله ان يرزقك الدرية الصالحة وان تنعمي بالهناء في حياتك ان شاء الله . اميييين .

بارك الله فيكم كلكم

[رستم النوايا الحسنة]

السلام عليكم ورحمة الله وبركاته

يظهرلي لجواجلة يقولوا
حالبوطو ليس حابوطو
سلامي الحارللجواجلة الباهيين
والطيبين

وهذي هدية للجواجلة
من عند أخاكم رستم

[saruna]

بارك الله فيك اخي رستم

تختلف اللهجات بين المناطق و لكن معظم الجواجلة يقولون حابوطو - حبواطة د طوماطيش .....

مشكور جزاك الله خيرا على الهدية الرائعة و العطرة

ومهما كانت و لايتك فانا متاكدة من ان ناسها من خير الناس . سلام حار لناسكم ايضا

وجزاك الله خيرا على الرد الممتاز

اختك سارونا

[nesrinou]

لا شكر على واجب سارونا

بصح الجواجلة lvrai يقولو بوطو ماشي البوطو

وجابتها سارونا شريت بواثة د ( السكون او الفتحة فوق الدال ) طوماطيش لووووووووول

بصح سارونا قلتلك مانقدر نتعرف عليك ماجاوبتنيش ؟

[الفارس]

السلام عليكم.

حبيت نشارك فالموضوع أخا داحبّ ؟؟

صحيتو.

حمّرة كونت نحوس فّمنتدى أتّاع الجلفة حتى جبرت روحي نkـرا فمّوضوع هدا .

دبصّح الهدرة ادّينّا شوية عاkــرة بارابور للهدرة ادّي لخرين .

أمّي حنا نفهمو بعطانا و نهظرو بزّربة و نزيدو للّاسم ادّلحاجة الحا قبلها. .
حبّبيبوطة ادّمّرkة .
حkـطة . و خلّي و خلي.

و الناس ما علابالهمش بلّي الهدرة ادّي لانسبيكثور الطاهر آي ماش اتّاع الجواجلة سونطر.

آي دّلميلية . و هوما يـkولو آي ادّلجواجلة . ديش ادّي جاب هدا لهادا .


اسلام عليكم .

[hajer.joujou]

السلام عليك مشكورين على الموضوع الرائع المثير ع الجواجلة اقول لكم اخواني كفاكم استهزاءا بالاخرين و باش يكون في علم الجميع ماشي كامل الجواجلة
الجميع ماشي الجواجلة كامل يهدرو هكذا هاديب هدرة الجواجلة سونثر مالا ما تعمموش على الكل و زيد ما نظنش كاينة حاجة تضحك في هدرتنا حناااااااااااا
تضحك في هدرتنا حنا الجواجلة وانا نظن بلي الشي دي كتبتو مفهووووووووووم عاادي و المثل يقول ((الجمل ما شافش لعروة تاعو
و شاف لعروة صاحبو)) شكرا مجددا