سألوني أنتِ بتحبي؟
قولتلهم آه طبعًا بحب
قالوا طيب وصرحتيله بحبك
قولتلهم أنا أول كلمة بقولهاله لما بكلمه بحبك
وبقعد الليل كله أتكلم معاه
قالوا :
أمال ليه راسمة علينا دور الملتزمة وقارفانا في عيشتنا عفة ومش عفة
قولتلهم طيب مش تسمعوا باقي كلامي
قالوا: ما خلاص بانت هنسمع إيه تاني
قولتلهم مش عاوزين تعرفوا مين دا ؟
قالوا : قولي مين سعيد الحظ اللي قدر يخطف قلبك ويفوز بيه
قولتلهم:
حبي مش زي ما فهمتوه
حبي مش زي اللي تعرفوه
حبيبي ربي اللي بتعصوه
أنا لو بعدت عنه بتوه
أأظن دلوقتي قصدي فهمتوه
أما عن اللي بتعملوه
والحب اللي تقصدوه
دا وهم بتعيشوه
وتفضلوا تزينوا فيه وتكبروه
وفي الأخر بتصدقوه
على أمل اللي مشيتوا معاه تتجوزوه
وبتسلموا قلبكم للشباب يضيعوه
وأجمل شيء في قلبك يسرقوه
يسرقوا عفته وبعدين يحرقوه
ولما يفكروا في الجواز صدقيني هيرموه
وهتكون أول حاجة قلبك يكسروه
هيقولك مش هتكوني أم لبنات يشرفوه
لأن البنت لأمها والواد بيطلع لأبوه
أنا عايز زوجة لها قلب عمر الشباب ما يميلوه
ولا عن طريق العفة يحيدوه
فياريت تفكيركم يكبر والواقع تستوعبوه
وترجعوا لعفتكم ولعب الشباب تفهموه
كله دا مكر وخداع أكيد أنتم حفظتوه
آن الآوان تطهروا قلبكم من اللي لوثوه
ودخلوه يتسلوا بيه ويخربوه
ومن العفة والحياء يجردوه
ضمدوا جراحه وقبل موته ألحقوه
جرح القلب جرح عفة بأيديكم جرحتوه
قلبك دا جوهرة مش بكلمة حلوة يستلموه
ومش كل اللي سلمتيهولهم يستاهلوه
___________
قلبك المفروض عليكي تحفظيه
لراجل واحد بس اللي هتتجوزيه
هو اللي هيخاف عليه ويحميه
أنا عايزة قلبك بالف سور تحصنيه
قولي قلبي أمانة ومش هخون زوجي فيه
وخلي العفة شعارك اللي مستحيل تدوسيه
وخلي الطهر تاجك اللي لا يمكن ترخصيه
ولو في جزء من حيائك فرطتي فيه
أرجعي دلوقتي بسرعة ورجعيه
لان زي ما هتكوني أنتي زوجك هتلاقيه
( تقرير عن مشاركة سيئة )، و الموجودة أسفل كل مشاركة .
2013-09-08, 17:37
سألوني أنتِ بتحبي؟
العرض الشجري