نصيحة من فضلكم

[سماح رياض]

أنا أبلغ من العمر17سنة
أدرس 1ثانوي علمي
أعيش مع زوجة أبي وجدتي لأن أبي مطلق أمي
المهم أنا أحب قرايتي لدرجة ما تتصورهاش
لكن ظروف البيت يعلمها ربي
تقدملي ولد عمتي رجل بمعنى الكلمة
حافظ لكتاب الله محاسب صاحب دين و أخلاق عالية
لكن هناك من يقول لي
1- كملي قرايتك خير من ألف راجل
2- وكاين من يقولي روحي عرسي و كملي دراستك عند راجلك
مع العلم أني نقدر نكمل مع الحلتين الأولى و الثانية
لكن ماهو الحل راني حاسة مخي طار من التخميم
أريد حلا عاجلا من فضلكم

[قمر الهضاب]

يا ختي شوفي وش يخرج عليك ويلا شايفة روحك مكيش قادرة تقراي في داركم وولد عمتك راجل صح وعندو كلمة اتفاهم وتكملي قرايتك عندو وتزوجي واتهناي من مرت باباك ولميزيرية نتاعها

وربي يوفقك ختي رغم انك مازال صغير على الزواج بصح الظروف تكبر بن آدم قبل الوقت هذا رأيي في انتظار آراء الااخوت الاخرين

تقبلي مروري

سلاااام

[سماح رياض]

مشكورة أختي على النصيحة
لكن أين بقية المنتدى
أريد رأيكم

[قمر الهضاب]

ظرك يجيو ماتخمميش والله يعاونوك وينصحوك رانا هنا كامل خاوة وكيما لقيتهم انا في محنتي ان شاء الله تلقايهم انت ثاني

[shadow30]

اختي العزيزة=نقلك الصراحة انو كااااامل لما كنا في هدا السن يعني صغاار كنا نقول ملقراية منحوسو على والو=هدا مبدا والله انا شخصياا كنت مامنة بيه لدرجة متتصوريهاش كنت نقول مستحيل اني راح نحبس دراستي على جال ا شي_______بصح فوالله صدقيني كتزيدي تكبري شوي برك راح يتغير تفكيرك نهائيا =رانا متخرجين ومكملين لقراية ومستعدين نببقاو فدار وزيد فهد بلاد البطالة حض قليل فلخدمة
اما بخصوصكي انتي وبضروفك
اولا=عايشة مع مرة باباك وزيد ظروف كما راكي تقولي يعلم بيها ربي
تانيا=مشاااااء الله ربي يحبك كبعثلك واحد كما هدا حافض كتاب الله وخدام لاباس عليه وزيد قلك كملي قرايتك معاه
الحل واضح وضوح الشمس===اقبلي وتزوجي فواله لمرا ما تسترها غير دار راجلها
تالتا===ماتنساايش صلاة الاستخااااااااارة وتوكلي على ربي
هدا هو رايي شخصيا ان شالله نكون فدت بيه وربي يوفقك انشالله ويسعدك ويسدد خطاكي

[MEDOUL]

الاخت العزيزة كل الناس تعرف ان مستقبل المرأة في بيت زوجها ، اللي يقول كملي قرايتك خير من ألف راجل و غيرها و اخدمي و غيرها رايدلك الخير و شايف لكن الحياة الزوجية لها ألف مشكل و ممشكل ، نصيحتي لك تزوجي و أعرفي كيفاش تحافظي على زوجك ، خدمتو هي خدمتك دارو هي دارك همو هو همك ، عيشي معاه في كلش ما تخليش كلام الناس يدير بيناتكم الراجل يحوس على مرة توقف معاه تعاونو تننصحو ، إذا لقاها قافزة راه ما يسمحش فيها ، ما تخممي لا في مستقبل لا والوا كي تزوجي إذا حب يهداك تقراي راه دار فيك خير كبير ، و إذا كان مكتوبك مزير راكي تكملي و ما يهداكش تخدمي ، في الأخير ربي يوفقك و يعطيلك ما تتمناي ويبعد عليك الشر إنشا الله .

[نينا الجزائرية]

روحي تزوجي يابنتي ديري دارك

[سماح رياض]

مشكوريييييييييييين على الردود العطرة
لكن أين البقية راني مش حابة نحس روحي وحيدة

[عُضو مُحترم]

لا لا ما راكيش وحدك

رانا قاع عايلة وحدة

=============

انا نقوللك تزوجي

و اقراي ...

اذا نجحتي في قرايتك تبارك الله

اذا ما نجحتيش

ما خسرتي والو
عندك بيت و زَوج
وربما اولاد

==============

ربي يهنيك اختي

[قمر الهضاب]

وانا من رأي الاخ ياسين الفتى الصغير وهذا ما قصدته في ردي لك اضربي عصفورين بحجر وربي يوفقك لما هو خير وسداد لك

[fatouma alg]

اختي اتزوجي وكملي قرايتك خير لك
ربي يوفقك ويوفقنا

[مصريه جدا]

انا كمان مع راى الاعضاء
اضربى عصفورين بحجر واحد
اتجوزى وادرسى فى نفس الوقت

وان شاء الله ربنا يكتبلك الخير

[الخالدي59]

إبنتي الفاضلة

في رأي إذا كان عمتك وأتمنى أن تكون على قيد الحياة بإمكانها أن تكون في درجة أمك في المعاملة والحرص والتوجيه عليك

وخصوصا وأنت في هذا السن ونقص التجربة فالزواج بإبن عمتك والعيش في بيت عمتك أحسن خصوصا إذا كنت تشعرين ببعض المعاناة

بسبب بعد الأم عنك

أما الزوج كما يقولون / أهل مكة أدرى بشعابها / أتمنى أن يكون كما وصفتيه لنا

أتمنى أن تكون عمتك وابن عمتك خير سند لك بعد الله تعالى

الله أعلم

[أحلام سرمدية]

عصفورين بحجر واحد الزواج والدراسة يا بنت الناس احسن لك