و الله صرنا كارثة

[princebio]

يا جماعة شوفو الحال اللي وصلنالوا..عاد شاب عندو ماجستير يروح يتسول عند المسؤول عن الشؤون الإجتماعية في البلدية، هذا الاخير ما عندوش حتى النافيام... بلاد ميكي،
حنا تاني رانا غالطين، مخليينهم يديروا واش يحبوا، الدولة راهي دولتنا يا ليجان ،( الرشوة ، المعريفة ، ابتزاز الفتيات في شرفهم من اجل المناصب ،) و الله عندي 30 يوم حضرت جمعية عامة لانتخاب مكتب حزب الأفلان ، و الله أغلبهم ماعندوش مستوى متوسط ، و الله غاضني الحال بزاف قلت هاذوا هما اللي حابين يحكموا لبلاد ، وين رحنا حنا ، أنا عندي 2 دبلوم نخلي هذا التافه يحكم فيا...و االله رانا غالطين
المثقفين الغربيين يقولوا أين توجد الثقافة توجد المعارضة ، و حنا زعمة الفئة المثقفة( الجامعيين زعمة)
و الله ما تبدلت لبلاد غير كي نديروا وقفة صحيحة مع بعضانا
تحبوا من غدوا نديروا مظاهرة و أنا أول المشاركين و الله مستعد أني أدخل الحبس... و تحيا الثورة و الغضب من أجل الحق
راني عارف درك تنحوا الموضوع تاعي المهم راني وصلت شوية من واش في قلبي

[adlan abdelkader]

,وين قريت وشكون لي قراك و شكون لي دار هاذ التسلسل من نافيام للماجستير ..... هي لبلاد لي قريت فيها بلاد ميكي كيما تقول ...راك حاب دير شرط المستوى للترشح لمناصب انتخابية مالا هنا ما توليش ديمقراطية ... و لخرين التوافه صحاب النافيام كيما تقول هوما انصاف جزائريين .....ما تكونش مغرور فليس كل جامعي مثقف و ليس كل مثقف جامعي ...

[belbou]

المشاركة الأصلية كتبت بواسطة adlan abdelkader

,وين قريت وشكون لي قراك و شكون لي دار هاذ التسلسل من نافيام للماجستير ..... هي لبلاد لي قريت فيها بلاد ميكي كيما تقول ...راك حاب دير شرط المستوى للترشح لمناصب انتخابية مالا هنا ما توليش ديمقراطية ... و لخرين التوافه صحاب النافيام كيما تقول هوما انصاف جزائريين .....ما تكونش مغرور فليس كل جامعي مثقف و ليس كل مثقف جامعي ...

انت باين بلي حابس عند النافيام بصح مثقف

[samene]

walah rani m3ak akhouya walah walina fhad lablad ma3andna hata hak fiha mem tjibou bjouhdak ana majeure de promo had l3am f la biologie tam3ouni galouli raki tfouti magistére é apré galouli nn
makanch tam3ouni b micro li darouhoulna f takrim wkhalawna
wnhar 3agabna l magistére ki nass wach mn drs quest
apré 1e semaine 3awdouh binathoum bla masma3na wdarou rayhoum f les resultats
ngoulak khouya rabi ysabarna bark wyhatamhoum kaml li ga3din yal3bou bina

[سندريلا SF]

عندك حق خو

[princebio]

إلى adlan abdelkader
زعمة راك داير من تحت شعار تاع الديمقراطية و انت راك تحكي زي جماعة الحزب الواحد، جماعة الموصطاش و النيف في التلفزيون برك
وين قريت .....قريت في كلاصة تاع 40 طفل
قريت عند الشيوخة اللي كانوا يسلكوا 12.000 دج و كانوا يعياو معانا مساكن، كانت كاينة النية
هذا التسلسل يا خويا لعزيز عبيناه من النظام الفرنسي كيما راه كوبي كولي
و على العموم رانا قرينا بدراهمنا، بدراهم البترول، درنا لامان فيهم قلنا بلاك يسيروها مليح من الفوق، مي لصقوها بالسكوتش و خلاوها، و الله يخطينا البترول غير نولوا زي الصومال.
و على النيفوا ، و الله تقولي برك ، عطينا رجل سياسي محنك عندنا، هذي كامل غير بسبت جماعة البريمار و المتوسط لقديم ، زعمة المستوى لقديم راهوا فور ، نشفى نهار كنا صغار يكلحونا بهاذي الهدرة.
و نقولك حاجة بلاد ميكي و قليل فينا، و خلينا من الشعارات تاع الحزب الواحد اللي خلاتنا ديما متخلفين، قالي شكون اللي قراني، يقريني بسيف عليه، راني راقد على محيط تاع بترول،
وحنا رانا نطبقوا في سياسة الزرع البعلي، يعني تحرث الارض و من بعد تلوح الزريعة و ما توقفش عليها، و في اللخر تاع العام تجي تقول نحصد ( دعها فإنها مأمورة)
و نزيد نقولك حاجة ، حنا رانا مازلنا نمشوا بعقلية العالم الثالث ، أطول جسر، أكبر ملعب، أضخم مسجد ، عدد الطلبة وصل ل5 ملاين ، كي يشوفونا يقولو الله يبارك مي الصح يجيب ربي، و هاذي كامل ورثناها من الحزب الواحد ، حزب المجاهدين، و ابناءهم، و نساءهم، و عمومهم ، ونسابهم...إلخ
ربي يجيب الخير،

[eglwach47]

والله لا راني نستنى فالحالة تتخلط وتحيا الثورة ويحيا الغضب راني حاب نشوف كل الطلبة الجامعيين وزيد عليهم خرجي الجامعات نوقفوا وقفة واحدة ونلتاهموا هذا الحكومة الظالمة

[hichem244]

المشاركة الأصلية كتبت بواسطة princebio

إلى adlan abdelkader
زعمة راك داير من تحت شعار تاع الديمقراطية و انت راك تحكي زي جماعة الحزب الواحد، جماعة الموصطاش و النيف في التلفزيون برك
وين قريت .....قريت في كلاصة تاع 40 طفل
قريت عند الشيوخة اللي كانوا يسلكوا 12.000 دج و كانوا يعياو معانا مساكن، كانت كاينة النية
هذا التسلسل يا خويا لعزيز عبيناه من النظام الفرنسي كيما راه كوبي كولي
و على العموم رانا قرينا بدراهمنا، بدراهم البترول، درنا لامان فيهم قلنا بلاك يسيروها مليح من الفوق، مي لصقوها بالسكوتش و خلاوها، و الله يخطينا البترول غير نولوا زي الصومال.
و على النيفوا ، و الله تقولي برك ، عطينا رجل سياسي محنك عندنا، هذي كامل غير بسبت جماعة البريمار و المتوسط لقديم ، زعمة المستوى لقديم راهوا فور ، نشفى نهار كنا صغار يكلحونا بهاذي الهدرة.
و نقولك حاجة بلاد ميكي و قليل فينا، و خلينا من الشعارات تاع الحزب الواحد اللي خلاتنا ديما متخلفين، قالي شكون اللي قراني، يقريني بسيف عليه، راني راقد على محيط تاع بترول،
وحنا رانا نطبقوا في سياسة الزرع البعلي، يعني تحرث الارض و من بعد تلوح الزريعة و ما توقفش عليها، و في اللخر تاع العام تجي تقول نحصد ( دعها فإنها مأمورة)
و نزيد نقولك حاجة ، حنا رانا مازلنا نمشوا بعقلية العالم الثالث ، أطول جسر، أكبر ملعب، أضخم مسجد ، عدد الطلبة وصل ل5 ملاين ، كي يشوفونا يقولو الله يبارك مي الصح يجيب ربي، و هاذي كامل ورثناها من الحزب الواحد ، حزب المجاهدين، و ابناءهم، و نساءهم، و عمومهم ، ونسابهم...إلخ
ربي يجيب الخير،

السلام عليكم
عندك الحق يا اخي
جماعة بكري قوللهم كون جيتو انتم صالحين ما توصلش البلاد لهاذ الدرجة لي حنا فيها
سلمو المشعل للشباب

[samsoon city16]

عندك الحق يا خويا واش تحب راك قولتها بلاد ميكي مي غلطت نورمالمو زيد كملها بلاد ميكي ماوس فئران في يدهم le pouvoir والقاريين حملة الشهادات ، الخشاخش يتراماو حامل ماجيستير في حومتي مداير مسكين طابلة تاع الحشيش و المعدنوس و مول 6eme في بيرو يلقي الاوامر واش المطلوب منا نعارضو مانا في خير نسكتو مانا في خير
واش نديرو اقترح علينا

[mustapha_500]

يا أخي هدا هو الزمن الذي تكلم عليه رسولنا محمد صلى الله عليه و سلم الرجل غير مناسب في مكان المناسب

[insah]

salam alikom kamel kla mek sah rana m3ak w dir fi balak adolm machi mlih rabi kayen alayka fakt bi ado3a ala adalama mostajaba 100% douna an nenssa ana allah wahdaho kafil bihim ili da hak machi hako wa allah ykhalass ana ra ni netfaraj wa allahi ala ba3d adalimin rabi haram adolm ala nafsso rah yakhod hak kol madlom matkhafouch naharhom krib incha allah fi nasihti hiya atmasko berabi madi3oche wa ma hadihi ila adonya assah raho and rabi yakfi anah rabi kayen wa allahi lasto hazina wa ana chakhsiyen rani nchof adolam yawmen an yawm yaskotouna chara sakta wa alhamdo li allah tahya aljazayer yahya al3ilm wa allaho khayron nassira

[habib31dz]

عندكم الحق في كل ما تقولون ولكن الكلام بيننا في منتدى لا يكفي علينا بالتحرك في الميدان وهدا بتأسيس جمعية مثلا ولتكن جمعية خريجي الجامعات البطالين مثلا للدفاع عن حقوقنا والمطالبة بها ألا تلاحظوا إن كل سياسات التشغيل المتخذة حاليا هي مجرد سياسات فاشلة لمص الغضب وفقط كيف يضحكون على حاملي شهادات جامعية بما يعرف بعقود الإدماج المهني daip حيث يتقاضى الشاب المسكين 12000 دينار في الشهر كفانا كذبا و استهزاءا كل شيء واضح وضوح الشمس متى يتمكن الشاب خريج الجامعة من العمل؟؟ من شراء بيت؟؟ من تكوين أسرة؟؟ البلاد على فوهة بركان مشاكل اجتماعية لا تعد ولا تحصى وفي الأخير يقولك كل شيء على ما يرام حرام ما آل إليه وضع الشباب بصفة عامة والشباب حامل الشهادات على وجه الخصوص .... الحق يأخذ ولا يمنح سلام

[amine mobile]

يا أخي راني معاكم بلاد ميكي. والذين يدعون الديموقراطية خدمنا فالإنتخابات و شفنا

[قمر الزمان رؤية]

السلام عليكم و رحمة الله

بارك الله فيكم اخواني اراكم قد اتفقتم على فكرة "بلاد الشباب يحكمها الشيوخ "

يجب انشاء جمعية للدفاع عن حقوق الطلبة و خريجي الجامعات و قفوا معا ضد هذا الحكم الباهت الذي لا هدف له سوى أكل مال الشعب "المغبون "

اذا لم تأخذوا حقوقكم بأنفسكم من الذي يأتي لكم بها ؟

أتمنى من كل قلبي ان تقفوا وقفة واحدة لاسترجاع حقوقكم و ربي يوفقكم ان شاء الله.

[الدانة العاصمية]

لآ تعليق

حتى يصبح للتعليق أهمية

فاذآ سطرت هنآ تعليقآتي سأكون ممن يقول ولا يفعل

سأكتفي بهذآ الدعآء فوحده الله هو القآدر

"حسبنآ الله و نعم الوكيل"

مشكور أخي