الرجاء من الجميع الدخول (موضوع للنقاش)

azizdhs · 2010-10-28, 13:33

السلام عليكم
لا أدري من أين أبدأ موضوعي هاذا ...
لانني فعلا أتحسر لحال بعض الإخوة الجزائريين .. و الله العظيم يديرولك واحد اللقطات صح يحبسولك العقل تاعك ..
و المشكل انه ليس شخص واحد بل إكتشفت أن الكثير يحملون هذه العقلية ( جايحين ) ..
مشي مرة مشي زوج .. كل يوم يطيح عليك واحد و يطلب منك أشياء غريبة ..

راح نطيلكم عينة صغيرة من هاذوا الناس الي نحكي عليهم و الأمثلة كثيرة
اليوم جاني واحد في MSN
هاذا الشخص في الحقيقة عندي مدة طويلة و أنا m'ajoutihe في مسنجر تاعي ..
المهم كالعادة دايما نهدروا على ربح من النت من أجل تبادل الخبرات .. و مساعدة بعضنا بعض (في الحقيقة جامي جاب عفسة مليحة)
ياسيدي و كل مرة يطيح عليا بقصص و خرافيات .. لا أدري من اين يأتي بها ..
اخر إبداعاته اليوم

بدأ الحوار معي كالعادة السلام عليكم
رديت عليه السلام ..
قالي خويا راني درت مدونة تاع ألعاب و نطلب منك تساعدني
قتلوا نعم ??
قالي سلفني 10 دولارإلى هنا كل شيء عادي ...

قالي سلفني 10 دولار باش نلحق 500 دولار .. هههههههه
قال عندي 489 دولار و خصني 10 دولار باش تولي 500 دولار .....

اسئلة للنقاش

خاوتي ما رأيكم في اشخاص مثل هؤولاء
ماذا تقول لهم ..

كلمة حرة ..

ismailsabra88 · 2010-10-28, 13:48

السلام عليكم
اهلا اخي
ربما كان شايف دولار في كاش بلاص اخرى واي يكون طلب من الجميع 10 دولار باه يجمع 500

HMFouad · 2010-10-28, 13:49

الله يهدي ما خلق خويا عزيز

سلفني أنا تاني 490$ باش نلحق 500$ ونسحب، ههه

هاذو هم الجزائريين يبغوا يعيشوا بالهف وعلى هذا قعدنا غير نرجعوا للوراء

هذه غير قصة من مئات وآلاف القصص

نقولوا ربي يهدي ما خلق وصايي

عميروش · 2010-10-28, 14:48

بالفعل ربي يهدي ماخلق

و المطلوب الحذر الشديد من هؤلاء الأشخاص

و لكن ما أعجبني في القصة

هو فكرة التواصل من أجل تبادل الخبرات

بالتوفيق للجميع

Rolondo · 2010-10-28, 15:05

مالا واش ريكم لوكان نقلكم عندي 1 دولار و نحتاج 999 باش نلحق ل 1000
ايا مالا لي يسلفني يكتب اسمو هههههههههههه
ناس هبلت و طارت بيها الطيارة

amine mspb · 2010-10-28, 15:48

الله غالب
هذه هي البلاد لازم تكون واقف
ربي يهديهم

GOOD.MAN · 2010-10-28, 22:24

بلاد ميكي

هده هيا بلادنا

ومادم كاين لي بالعقلية نتاع البروفيتاج نبقااو ديما لخريين

الغرب ما يستغلووش بعضاهم بل بالعكس يساعدو بعضاهم

وعلى هادي نجحو

مي احنا وااالو حاشة البعض

Taki Dz · 2010-10-28, 22:58

هههههههه

والله هذه آخر قصة سمعتها

والله صرتلي شحال من قصة كيما هادي في الأمسن

قالي واحد انا أبيع قيزا كارد ههههه قلت له بكم قال 50 دولار فقط لكن لك انت بـ47 دولار فقط

قلت له انت من اين قال لي من الجزائر

قتلوا مالا صحا خويا هههههههههه

والله يا احبتي لا ادري لمذا يفعل بعض الاشخاص هكذا

ألا يخافون الله؟؟؟!!!

ألا يعلمون أن الأموال المسروقة حرام؟؟!!!

من سرقة حسابات الآخرين و الغش و البروفيتاج ووووو............اخ

مذا لو كان الجزائريين و العرب كلهم صادقين .....!!

والله لا يبقى اي غش و لا سرقة و لا اي شيئ سيئ

اللهم أهدي كل الأمة الاسلامية الى الطريق المستقيم

تحيــــــاتـــــي

khikho9 · 2010-10-29, 00:26

الله يهدي !!

azizdhs · 2010-10-29, 00:30

شكرا لكم على الردود

و الحمد لله مزال كاين العديد من الرجال الجزائريين فيهم الخير .. و ناس صادقين و ربي عاطيهم حساب قلوبهم ..

اما البقية فنقولو ا لهم ربي يهديكم و يهدينا ..

walid2008 · 2010-10-29, 01:09

ههههههههههههههه

الله يكون في عونك

Taki Dz · 2010-10-30, 17:25

اللهم آآآآآآآآآميــــــن