ايييييي ايامات سعدان قد ماتت ههه كاس افريقيا باي باي

ميلانو · 2010-10-10, 18:02

اي اي يا او صدقوا لي قالوا الندامة تجي في الاخير ماش في الاول هضرنا وقتلنا روحنا باش يروح سعدان ونهار كامل وحنا عقابوا والراجل دار المستحيل ومستعرفناش وهاهو راح وخلانا نعانيو واش هدا المنتخب واش هدا الاداءالمبهدل ياو نقلكم غير قولوا باي باي للكرة الجزائرية نهار نرجعوا نقدروا العبد هداك نهار نديروا فيها حاجة ياو باي باي
ههههههههههه اداء ولا اروع ياو الناس جروا فينا خاصة هدا الاعب غزال والله رهوا ماش غير لاعيب ياو خلاها من تحت لفوق
حب نفهم حاجة برك هداك غزال علاه جبوه يلعب وهو البالوا ميعرفش يشوتيه لي عندوا جواب يهضرهولي رني حنهبل

شاربة بيبسي ومضيعة · 2010-10-10, 20:11

وبلحاج نسيتوا زوج خطرات هداك المهاجم خيطوا !!!!
تقدر تقولي شكون كان يخيط بلحاج من قبل؟؟؟؟

الأدرارية · 2010-10-10, 20:49

الفريق كامل راه يلعب غير علدراهم وسعدان غير مسحو فيه الموس وغزال نتوما اللي غبنتوه

etoile filante · 2010-10-10, 21:17

والله ما يليق ببصلة
4-6-0 هذي كتلنا و كتل اللعبين بيها

زوبيارو · 2010-10-11, 01:10

كي راح سعدان قلناها انتم السائرون الى الخلف ؛شعب لايحب مشاهدة كاس افريقيا باهتمام لانو منتخبنا يشارك فيها ولاكاس عالم لايعبر فيها المنتخب للدور الثاني وكاننا من اسياد الكرة في العالم ؛وزيد جابو مدرب قالو عليه جنرال خاطر سعدان سوسيال ؛ويا ريت خليتو السوسيال ولا ....ولا.... ولا هذا الحمرال اللي راح يجيبلنا العار ويعاود يرجعنا لزمن المشاهدة على التلفاز من دون تحواس ولا حواس لغياب المنتخب عن الحدث....

@[نســـــيم ♥ الجـــــود]@ · 2010-10-11, 06:16

و الله راكم تخرفوا هدا ماكان

only · 2010-10-11, 11:03

شكرا لله على انهزام منتخبنا
معاك يا الخضرا دارو فيك حالة

زهرة 29 · 2010-10-11, 11:47

اهلا ميلانو واش راك
والله قتلكم باي باي للكرة الجزائرية
وقلتلكم لاتلقو الاتهامات على سعدان والشتائم
والان لاينفع الندم
لا اعتقد اننا سنرجع نفرح من جديد
المغرب هي من سيتااهل للامم افريقيا

ياريت فريق عربي مغاربي
يلا بااااااااااااااااااااي

عالمة الطب · 2010-10-11, 11:51

قول راهم يلعو على جلنا هما خسرين خسرين

ميلانو · 2010-10-11, 11:57

اقتباس:

المشاركة الأصلية كتبت بواسطة زهرة 29

اهلا ميلانو واش راك
والله قتلكم باي باي للكرة الجزائرية
وقلتلكم لاتلقو الاتهامات على سعدان والشتائم
والان لاينفع الندم
لا اعتقد اننا سنرجع نفرح من جديد
المغرب هي من سيتااهل للامم افريقيا

ياريت فريق عربي مغاربي
يلا بااااااااااااااااااااي

اهلا بك ختي وشراكي لباس .......
ههههه متخافيش ختي انا ان شاء الله حيعيطلي روراوة ونروح بلاسة بن شيخة وتشوفوا المنتخب كي يرجع كي زمان فوز وراء فوز انتضروني انا ميلانو