طريقي الي البيت///واحلام قد تكون///كفرا في زمننا ؟؟

[thorpe]

بسم الله الرحمن الرحيم

السلام عليكم ورحمة الله تعالى وبركاته

اولا حبيت نقولكم اسف على التاخر في الردود وعلى عدم تواجدي بكثرة لاسباب طارئة الله غالب ماشي بيدي راكم عارفين كون نصيب ما نتحركش من قدامكم ههههه
لا علينا هيا بلا تفلسيف بزاف ندحل فالموضوع
كي العادة نحب نجي من الواقع او بالاحرى من واقعي الذي اعيشه
هيا يا سيدي وانا مروح للدار يعني وانا في طريقي اوقفني صديقي سلمنا على بعض وقعدنا نتبادلو اطراف الحديث
ايا بلا ما نحكي البدايةوالمقدمات مع انا ما نحكيش بزاف وزيد هو اكثر وارواح نجيك هههههههه
ايه ونحن نتحدث عن الماضي وايام الدراسة و العمل وووو وندخلوا في موضوع نخرجوا من الاخر حتى وصلنا للمفيد هههههههه الراجل بدا يتخيل ويحلم قالي
حسين كي تروح ضرك واش تدير قلتلونتعشا و نكونيكتي في النيت نسهر شوي ونرقد
قالي يعني تدخل نورمال ؟
هههههه حرت من السؤال قلقتلو كيفاش حبيتني ندخل مقلوب للدار كيفاه نورمال هاذي ؟
هههه قالي لالا يعني من قبيل وانت تضرب فالكارع مع صحابك وزيد تدخل وحدك تدير كلش تسخن العشاء تتعشا وترقد و و و و و حتى كرهني فالمروح للدار هههه
ايا وبدا يحلم وخوكم راني معاه ههههه
قالي والله العبد كون جات عندو دارو وحدو الله الله وسيارة مليحة كان يدور ويحوس بيها وزوجة ما عندي ما نحكي تنتظر فيه حتى يوصل ايييييييه واش نقول تقول تفرجت فيلم الله يبارك خيال ماكانش عند كتاب السيناريوهات والافلام
ايه قلتلو حاجة مليحة شكون الي ما يحبش هذا ؟
لكن الراجل راه مع الفيلم هاذي مراة جميلة في بيته وهاذي فيلا على نافيامي طاج وهاذي سيارة الله الله هههههه
ونسا بلي راه قاعد برا مع حسين لمزيا ماكانش المطر باه ما يفطنش ههههه
معليش من بعد قلتلو راك تحكي صح ولا غير تخرط ؟
قالي والله مني بصح ياك ماشي حرام
ه نقولكم الصح انا بانتلي حرام قلتلو يا ولدي الشي الي راك تحلم بيه حتى نصو ما تقدرش تحققو ضرك ما تنساش راك قدي يعني 23 سنة رانا شبنا بلا ما كاين والو وانت مازالك تتفرج الكوميكات واقيلا هههههه
ايا حكينا شوي وتفارقنا وخوكم متوجه للبيت مازالني نفكر فالشي الي كاني يحكي فيه
قلت والله ممكن عندو الحق ياك اي انجاز يبدا بفكرة وبحلم لكن يجيني هاذاك الشيطان الي عندو فرشيطة في اليسار ويقولي هه يا ولدي راك تخرف راك في لالجيغي ما تنساش...... واشمن افونير واشمن بيت خاص واشمن واشمن واشمن......... ايه نقول والله غير سور صاحبي يا اما هبل وطكطك يا اما شرب دوا ماساعدلوش العقلية عليها يحكي هكاك هههه
ايييييييه حتى وصلت للبيت شعلت الجهاز كونيكتيت دخلت لمنتدى الجلفة وكتبتلكم الموضوع هذا باه تقولولي
يعني من حقنا نحلمو احلام كهاته مع اننا نعيش واقع منافي ومغاير تماما لما كان يدور في ذهن صديقي ؟
هل التفكير في حدود الواقع تشاؤم او انه رضا وقناعة بالنصيب؟
هل السيارة والبيت الخاص والزوجة امور تستحق ان نجهد انفسنا بالكذب عليها في حلام اليقضة ؟
اليست اشياء اساسية وضرورية ؟
اليست من حق كل فرد من مجتمعاتنا ؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟

في الاخير اريد ان اقول اسف مجددا على قلة التواجد وايضا على طول الموضوع
ارجو ان ينال اعجابكم كما ارجو مناقشته
مع اطيب السلاااااااام اخوكم حسين thorpe

[عادل الجلفاوي]

وعليكم السلام
اولا مهاته الغيبة ان شاء الله يكون خيرااا

اما القصة فهو الامر الذي نفكر فيها جميعا وكل واحد يحلم به وقد يموت ويدفن معه حلم الاستقرار والعيش بحياة كريمة
ولكن الظروف خويا الحين عكس تيار الاحلام
بارك الله فيك

[thorpe]

المشاركة الأصلية كتبت بواسطة عادل الجلفاوي

وعليكم السلام
اولا مهاته الغيبة ان شاء الله يكون خيرااا

اما القصة فهو الامر الذي نفكر فيها جميعا وكل واحد يحلم به وقد يموت ويدفن معه حلم الاستقرار والعيش بحياة كريمة
ولكن الظروف خويا الحين عكس تيار الاحلام
بارك الله فيك

الله يهديك لست اغتاب اخي عادل ولم اذكر صديقي بشر وكان هذا مجرد حوار دار بيننا ارجو عمد اساءة الفهم من فضلكم
اعود لردك معك حق والله كلنا نحلم لكن اليس من العيب ان نحلم باشياء تعتبر ضرورية واساسية ونحن في دولة لا تنقصها من الخيارات شيء؟
على كل حال بارك الله فيك وجازاك كل خير وشكرا جزيييييلا على ردك الطيب والمشرف

[ب.علي]

من حقنا أن نحلم أخي حسين

ولكن الحلم شيء والواقع شيء آخر
أخي حسين القناعة كنز لا يفنى
والأنسان منا يرضى بما قسم الله له
وَارْضَ بِمَا قَسَمَ اللهُ لَكَ تَكُنْ أَغْنَى النَّاسِ

-----------
الحسين يسلم عليك

[عُضو مُحترم]

المشاركة الأصلية كتبت بواسطة thorpe

الله يهديك لست اغتاب اخي عادل ولم اذكر صديقي بشر وكان هذا مجرد حوار دار بيننا ارجو عمد اساءة الفهم من فضلكم
اعود لردك معك حق والله كلنا نحلم لكن اليس من العيب ان نحلم باشياء تعتبر ضرورية واساسية ونحن في دولة لا تنقصها من الخيارات شيء؟
على كل حال بارك الله فيك وجازاك كل خير وشكرا جزيييييلا على ردك الطيب والمشرف

ههههههههه الغيبة يقصد بيها
لماذا هذا الغياب؟؟
و ليس الغتبة


معليش

==============================

ببساطة كنت مثل صديقك احلم

و لكني تفطنت للامر مبكرا اقصد في الواحدة و العشرين

فهمت ان الحلم محرم
و ممنوع علينا و على امثالنا

و اذا اردنا تحقيق احلامنا

علينا التنازل عن بعض مبادئنا

يعني ممكن تسرق ... تفتح رصيد فالبنك
تكذب تبيع مخدرات ....تشري سيارة
تخدم النقود المزورة ........ تشري فيلا
تكذب على بنات الناس ... تتزوج

أما بالحلال ما شكيتش

اذا قدرت تجيب هاذيك الخبزة بالحلال راك سيد الرجال

مشي حتى تجيب مرا و سيارة و فيلا

هههههههههه

===================

وزيد صاحبك يتشرّط قاللك تزوج وحدة شابة؟؟؟؟؟

اذا صحتلو نص واحد ...... راه مليح

ههههههه

==============

ربي برحمتو

عيش اليوم
و ما تخممش في غدوا
ممكن تموت الليلة

ههههههههههههههههه


هاذي حكمة من اختراعي

[thorpe]

المشاركة الأصلية كتبت بواسطة أبوحسين

من حقنا أن نحلم أخي حسين

ولكن الحلم شيء والواقع شيء آخر
أخي حسين القناعة كنز لا يفنى
والأنسان منا يرضى بما قسم الله له
وَارْضَ بِمَا قَسَمَ اللهُ لَكَ تَكُنْ أَغْنَى النَّاسِ

-----------
الحسين يسلم عليك

يا مرحبا بالاخ العزيز ابو حسين
والله كلامك جد واقعي وجميل الله يخليك كفيت ووفيت
الله يسلمك ويسلم ويحفظ ابنك الحسين بلغه سلامي انا ايضا

[thorpe]

المشاركة الأصلية كتبت بواسطة *الفتى الصغير*

ههههههههه الغيبة يقصد بيها
لماذا هذا الغياب؟؟
و ليس الغتبة


معليش

==============================

ببساطة كنت مثل صديقك احلم

و لكني تفطنت للامر مبكرا اقصد في الواحدة و العشرين

فهمت ان الحلم محرم
و ممنوع علينا و على امثالنا

و اذا اردنا تحقيق احلامنا

علينا التنازل عن بعض مبادئنا

يعني ممكن تسرق ... تفتح رصيد فالبنك
تكذب تبيع مخدرات ....تشري سيارة
تخدم النقود المزورة ........ تشري فيلا
تكذب على بنات الناس ... تتزوج

أما بالحلال ما شكيتش

اذا قدرت تجيب هاذيك الخبزة بالحلال راك سيد الرجال

مشي حتى تجيب مرا و سيارة و فيلا

هههههههههه

===================

وزيد صاحبك يتشرّط قاللك تزوج وحدة شابة؟؟؟؟؟

اذا صحتلو نص واحد ...... راه مليح

ههههههه

==============

ربي برحمتو

عيش اليوم
و ما تخممش في غدوا
ممكن تموت الليلة

ههههههههههههههههه


هاذي حكمة من اختراعي

هههههههه والله انت وحدك يا خويا الصغير والكبير في نفس الوقت
ما تلومش والله ما فهمت رد الاخ عادل ارجو المعذرة
هههههه اما بالنسبة لك راك باين كهت من الحقيقة والحلم وراك تحوس على بديل لهما
معليش واش رايك نحرقو لالمانيا ونحلمو اليز لثم هه ممكن كاين فرصة

بخصوص الحكمة نتاعك والله فووووووووووووور ههههه الله يحفظك

[مايليس]

لابد من صعود السلم درجة درجة وعند الوصول للمنتصف في بلادنا يجد الواحد نفسه شارف على 50 الناس في الخارج تقاعدت وفي بلد العز والكرامة ما زلنا نبنيو في المستقبل
ربي يجيب اللي فيه الخير

[نور الايام]

ربي كبير اخي ثورب
الصعوبات التي نعيشها في مجتعنا كنا في غنى عنها لو كان فيه عدل

الله يجيب الخير و يفرج هم كل مكروب

بارك الله فيك

[مصرية من الجزائر]

شوف ياأخي
بخصوص شراء العربية
ألم تعلم أن المشي رياضة:d
دعك من موضوع السيارة وغيرها ...
بخصوص الفيلا
الفيلا فيها غرف كثيرة
وتحتاج من ينظفها ويرتبها
ومن كثر الغرق
لا تعرف أين تجلس..!!
الشقة ذو 3 غرف جميلة وتفي بالغرض
ولن تحتار في أي غرفة تجلس:d

ام بخصوص الزوجة
فيه الآن الزواج من صينية وبأسعار منخفضة
وهذه الصينية تفي بالغرض
ولا تأخذ مساحة كبيرة في الغرفة:d
....................
تعلم ياأخي
أن التلفاز هذا كان مجرد حلم
والإنترنت وغيره كان مجرد حلم ...
في الأفلام القديمة تري البلورة التي يستخدمها الرجل
ليري الناس في مناطق آخري
هذه الآن أصبحت التلفاز !!
كان مجرد حلم وتحقق لواقع
ليس العيب في أننا نحلم..يجب ان نحلم ويصبح عندنا أهداف
حتي نستطيع أن نوصل لها
أحلامك بسيط لا أحد يعلم
يمكن تكسب المليون وفي لمحة بصر يصير عندك كل هذا
بالتوفيق أخي

[ameryahi]

إذا أردت أن تحلم لا يجب أن تصحو من نومك حتى لا ترى الحقيقة المرة
فمن كان في نعمة وفقدها أسوء ممن لم ينعم بشيئ

أرجوا فقط ان لا يحدث لك ما حدث للأعربي الذي تحصل على جرة فيها عسل ووضعها في مكان فوقه وراح يحلم ويحلم يرى أنه باع جرة العسل وبدا يتاجر بدارهم الجرة وأشترى الأغنام والأبقار .... وتحصل على الخدم والحشم وكان ينهر ويزمجر فيهم ويعرف العصاء ويضربهم ولكن عندما رفع العصاء وضربهم في الحلم الواقع أنه ضرب جرة العسل فأنكسرت على رأسه وتدفق العسل من حوله وهكذا يصحو من النوم فلن يجد لا الخدم و لا الحشم ولا البقر والغنم حتى جرة العسل فقدها

ربي يجيب الخير

[*مصطفى*]

السلام عليكم
جميل أن تكون لك هذه الأحلام وكل شيء يتحقق بعد خطوة فقط عليك بالصبر والمثابرة
فلو تأملت من حولك فليس كل من يملك ولد مالكا بل الكثير أقلعوا من الصفر أي لم يكن
لهم شيء
تستطيع أخي وبالحلال كذالك خالط الناس واقتدي بمن هم أحسن عملا
أكيد ستجد عقبات وأهوال لكن بالصبر تجتازها
وفقك الله للخير وقر عينك فيما تمنيت من خير

[م.جواد]

السلام عليكم و رحمة الله تعالى و بركاته
ان شاء الله غيابك هذا خيرا
اما عن الحلم و احلامي لم يعد لها وجود منذ زمن برغم من انني دخلت الشباب توا فانا اصبحت اعيش اليوم بيومه و انا ما حدث بالامس
لماذا اجهد تفكيري و اتعب نفسي بشيء لا يمكننه ان يتحقق و اذا تحقق اكون في اخر العمر فلا يعود له اهمية
مشكور اخي حسين على انعاش الاحلام في

[ذكرى مضت]

اقول كلمة واحدة فقط ....... يا جماعة الخير احمدوا ربي راه السخط يجيب عقاب ربي ......

قول لصاحبك يروح يضرب طلة في المستشفى و يشوف الشباب اللي حلموا الشفاء برك .......

و قولو يروح يشوف الاحصائيات تاع الشباب فوق الاربعين و مزال متزوجش و مشيكتش راح يتزوج .......

الحمد لله يا رب على كل حال ....... مشكووووووور حسين على الموضوع

[عُضو مُحترم]

المشاركة الأصلية كتبت بواسطة thorpe

هههههههه والله انت وحدك يا خويا الصغير والكبير في نفس الوقت
ما تلومش والله ما فهمت رد الاخ عادل ارجو المعذرة
هههههه اما بالنسبة لك راك باين كهت من الحقيقة والحلم وراك تحوس على بديل لهما
معليش واش رايك نحرقو لالمانيا ونحلمو اليز لثم هه ممكن كاين فرصة

بخصوص الحكمة نتاعك والله فووووووووووووور ههههه الله يحفظك

شفت خويا حسين

حتى انت مقتنع باللي مستحيل تحقق احلامك من دون الدوس على مبادئك

كلنا تربينا على ان نبني بلادنا
نعيش فيها ونموت فيها

و بالصح انتي قلت لي نروحو لالمانيا
=============================

من اجل تحقيق احلامك يجب ان تهجر بلدك؟؟؟؟