اللي تعرف ادير الديول اتقولي

[mahboula15]

السلام عليكم انا راني حابة انطيب الديول بصح ماعرفتش كيفاش نرفد العجينة وانحطها فالمقلى درتها بالبانسو بصح ماخرجتليش وقولولي تاني العجينة تكون جارية ولا متماسكة وايلا عندكم الصور مادابيكم اتورولي وشكرا وصحو فطوركم

[LOUSI]

أسهل حاجة يالأختي لازم تتحملي شوية درجة الحرارة وتخفي يدك أنا نعملها ماهي جارية ماء خلاص ماهي ناشفة ماتمشيش في المقلاة
ولازم تخليها ترتاح بعد ماتعجنيها شوية .

[mahboula15]

بصح ختي كيفاش تحكميها وتدهنيها على المقلاة انا هادجيك اللي ماعرفتهاش

[la rome]

أختي تنحي المقلاة من فوق النار و هي سخونة و تمشي العجينة نتاعك فوقها بيدك حتى تتحصلي على طبقة رقيقة ثم وبسرعة تحطيها تشيح فوق النار
و ما تنسايش تطيبيها في مقلاة ما تلسقش و إذا ما عندكش ادهني مقلاتك بكتانة فيها زيت ثم بأخرى شايحة

[أم براء]

لي عندها الكيفية بالتدقيق تعطيهالي أنا ما تعرفش خلاص كيفاش تتخدم و شكرا

[تغرينية]

من موضوعكم نستفيد عمري ما خدمتوا الي عندها الطيقه بالتفصيل الممل تقولناو شكرا مسبقا

[lili2]

انا اختي تدير معنديش مقادير عجينة مي نعرف طريقة وهي جديدة ويخرج ديول هايل
حاجة تقول قد متريح عجينة يجي ديول مليح
طريقة ديري طجين فيه ماء يغلي كي يغلي ماء ديري عليه مقلة تكون تجي قدوا ولا صينة تجي قدوا يعني يطيب في حمام مائي كيما تدوبي شكولا
ديري بانسوا تدهني بسرعة في مقلة ومن بعد تقلبها وتنحي وتقدريديري يدك مي بانسوا خير ويكون من نوع سيركوم يعني مفيهش شعر هداك وميتحرقش وهو ميلصقش

[ميرة31]

السلام عليكم و رحمة الله و بركـاته


أقدم لكم اليوم طريقة سهلة لصنع ورق الديول...الذي نستعمله كثيرا في شهر الرمضان
في صنع العديد من الاكلات اللذيذة
وخاصة البوراك الذي نملؤه بحشوات متنوعة ...


المقاديــــر:




زلافة دقيق من النوع الممتاز
ملح
و قليل من الماء
نخلط المقادير جيدا ونضيف الماء على مراحل
حتى نحصل على عجين سائل ومتجانس نوعا ما





نضع مقلاة تيفال على وعاء به ماء يغلي على النار ...
نطليها بقليل من الزيت كل مرة وضعنا فيها العجين بالطريقة التي سأبينها





نأخذ فرشاة كبيرة خاصة بالمطبخ ونغمسها جيدا في العجين
ثم نمسح بها وجه المقلاة بشكل دائري متجانس
ننتظر قليلا حتى تتماسك العجينة





نرفعها باحتراس ونضعها على منديل نظيف ونتابع العملية حتى انتهاء العجينة كلها






لا تضعي الاوراق فوق بعضها الا بعد ان تبرد

[حواء الجزائر]

شكرا اختى ميرة31على الطريقة المشروحة حتى انا جربتها مرة والخرجت ليا .

[أم براء]

شكراااااااااااااااا لكي أختي ميرة و لكن تقصدين بالدقيق la farine؟