هل صحيح أن زيدان فضل فرنسا؟

ameryahi · 2010-09-28, 18:47

في مقال نشرته النهار قال اللاعب الدولي السابق محمود قندوز أنه اعتزل الكرة بفعل الحقرة
فزيدان لذي تملص عن الدفاع على ألوان وطنه الأصلي الجزائر، فيما دافع بكل قوة عن ألوان منتخب فرنسا، فرش له البساط الأحمر واستقبل استقبال الأبطال بل الملوك بينما كنا ندافع عن الألوان الوطنية يقول قندوز. وهو ما يجعله يطرح التساؤل عن مغزى وسبب هذا التمييز؟!.
فهل صحيح أن زيدان باع الجزائر من أجل عيون فرنسا

PROXX · 2010-09-29, 11:11

لالا الكل يعلم ان زيدان بدا بالجزائر دار تاست و قالولوا تربح نتا لعبك لعب شلايط

النور نور اليقين · 2010-09-29, 14:40

شفناك يا قندوز في القنوات العربية
و الله بهدل بينا
هو يظن بلي الصراحة هي انو يقول واش يحب في اي وقت
في حين ان الصراحة هي ان تكون صادقا في كل ما تقول - لا ان تقول كل ما تفكر فيه
شوفو ماجر ( رغم اني ضده كمدرب )
لكنه يعرف واش يهدر و ديمة يحط علام الجزاير بين عينيه
يوصل افكاره بلاما يندب ويسود على المباشر

ثم ماهذه المقارنة الغبية بزيدان
قندوز ولد لبلاد - وما لازمش يدير حسابات مع بلاده - وماهوش من احسن لاعبي القرن في العالم
صحيح اني ضد كل من لعب لفرنسا
لكن ما يشفع لزيدان انه فطن

دمعة راحلة · 2010-09-29, 15:14

زيدان فضل الجزائر لكن الفهايمية للي عندنا و يشبهلهم الفاهم تاع قندوز قالوله نتا تقيل هو خيرمن لوخرين قاع لالعب لفرنسا دايما يتفكر بلاده ماشي كيما بنزيمة و ناصري و الجماعة تاع الحركا لي راهم باغيين يلعبوا لفرنسا مور السيليما لي داروها في جنوب افريقيا المحليين تغاوعنا خيرمنهم بميات خطرة خاطر يلعبوا قلب ماشي كيقهم

شاربة بيبسي ومضيعة · 2010-09-30, 04:18

محسوب حب يقنعنا بالي زيدان ماجربش يلعب للدزاير
وراح ديراكت لفرنسا إملا واش تفسر تعبيروا عن حبوا للجزائر في أي مناسبة تذكر فيها الجزائر

Mustapha93 · 2010-09-30, 06:38

شكرااا لكل الردود المدافعة عن النجم العالمي زين الدين زيداان والله اسمو برك يشره
زيدان .........................القندوز
والله كي الي يقارن العصا بالسيف
قندوز يستغل اي مناسبة واي ضهور على الشاشة لكي يمنشر الجزااائر وتاريخ الكروي للبلاد
زيدان يستغل كل مناسبة وكل ظهور على الشاشة بتاكيده كل مرة انو اصولو جزائرية ومش متحشم بيها ومفتخر
ونااس كلها شاهدا
وزاراتها المتكررة للجزائر وللمنتخب لرفع المعنوياات
واكبر دليل مبارة سلوفينيا حضرها زيدان وفضل مشاهدة الخضر على مشاهدة الديكة
وهاجمه الاعلاام الفرنسي
شوووووووووووووووووفوووووووووووووووو الفررررررررررررررررررررررررررررررررق
يا قندوز روح على روووووووووووووووووووحك انت وقلبك لسود تمت بغيظك على الي اكبر منك

etoile filante · 2010-09-30, 10:17

ولماذا يختار الجزائر
لنكن صريحين كون اختار الجزائر هل
-يفوز بكاس العالم
-يصبح افضل لاعب في العالم

لا وابدا لا
وانا مع زيزو في ه=ا
مع سيلسة البريكولاج في بلادنا
مموش جابو كون يروح يلعب مع منتخب فرنسا افضل له
لانو واحد كيما سي غزال يلعب ومموش يتفرج هذي صعيبة بزاف

ameryahi · 2010-09-30, 20:08

وهل تنكرون فضل قندوز على الكرة الجزائرية؟

ameryahi · 2010-10-01, 18:13

اقتباس:

المشاركة الأصلية كتبت بواسطة المحارب الجديد

ومادخلك أنت في زيدان يختار فرنسا أو الجزائر هذه حرية شخصية

مزية راني بعيد عليك لو كان جيت بجوارك تضربني
يا أخي هذا ليس كلامي بل كلام قندوز انا فقط نقلت الموضوع
ثانيا إذا لم نتدخل في هذه المواضيع فعلى المنتدى السلام لاش دايرين المنتدى في رايك
أليس للتمنشير فقط
هذي خدمتنا ياولدي العزيز فأعذرني

etoile filante · 2010-10-01, 22:07

فاقد الشيء لا يعطيه خويا ameryahi

ameryahi · 2010-10-02, 18:43

اقتباس:

المشاركة الأصلية كتبت بواسطة etoile filante

فاقد الشيء لا يعطيه خويا ameryahi

والله لم أفهم قصدك جيدا يا أخي ولكن إن كنت تقصد قندوز فقد كان له أشياء ومنحا للجزائريين وفضله علينا كبير فلا تكن جاحدا

وشكرا لك على المداخلة

the-shark · 2010-10-02, 19:03

حسب معلوماتي لم يتم استدعاؤه اصلا
لكنه سبق و اختار فرنسا فلما نبقى نفتخر انه من اصل جزائري اليس الاولى ان نكرم صايب ماجر ......

المحارب الجديد · 2010-10-02, 19:22

اقتباس:

المشاركة الأصلية كتبت بواسطة ameryahi

مزية راني بعيد عليك لو كان جيت بجوارك تضربني
يا أخي هذا ليس كلامي بل كلام قندوز انا فقط نقلت الموضوع
ثانيا إذا لم نتدخل في هذه المواضيع فعلى المنتدى السلام لاش دايرين المنتدى في رايك
أليس للتمنشير فقط
هذي خدمتنا ياولدي العزيز فأعذرني

نحن هنا لتبادل الافكار أما التمنشير فنتركه لك هنا وللقندوز هناك

ameryahi · 2010-10-02, 21:23

اقتباس:

المشاركة الأصلية كتبت بواسطة المحارب الجديد

نحن هنا لتبادل الافكار أما التمنشير فنتركه لك هنا وللقندوز هناك

إذا كان نقاشك هكذا فيبدوا فعلا أنك اسم على مسمى

شمس الاسلام · 2010-10-03, 12:12

زيدان فضل الجزائرلكن تعنا الي يحسبو في روحهم يفهموا قالولو لعبك ثقيل ما تساعدناش فاختار فرنسا