قصص نسوان في الويكليكس !!

[حسام الاسلام]

فلسطين الآن – حارتنا

دار الحوار الهادئ المملوئ بالخبايا الكثيرة وبعض من الأكاذيب البيضاء والسمراء والحمراء بين حليمة المدحوس وجوزها المنحوس العاطل عن العمل بقالو سنين ويتقاضى راتبا من أحد الجمعيات علي فراش النوم الساعة الواحدة ليلا , الحوار سرعان ما تحول إلى مشاكل حادة في اللوز أثرت علي مسير العلاقة الزوجية بين الدول الأعضاء في مجلس الأمن .

أبو عنتر (صاحب الشنب الأبيض , الملون باللون الأصفر المتعفن من كثرة الدخان ) يجلس بجانب حليمة المدحوسة (الزوجة البدينة والتي فاق وزنها حسب مقياس ريختر ال150 كيلو جرام لحم بدون عظم ).

أبوعنتر : إدريتي يا حليمة عن قصية والولكس والفضايح ( كوم من الفضايح ) !!

حليمة : صحيح "ييي" (ييي كلمة تقال وبالذات عند النساء تعادل بالسوري, ولي علي آمتي , أو باللبناني تأبرني ) انسيت أقلك يا أبو عنتر كل التلفزيونات والراديوهات بتحكي عن الموضوع ؟

أبو عنتر : "ول" (كلمة تعني معقول وتستخدم عند وصف الشيء الكثير ) هذا الدنيا مقلوبة برة وجوا !

حليمة : كل العالم بتحكي عن والكلكس , ما خلو حاجة إلا حكوها ولا أشي ضايل .

أبو عنتر : معقول بيعرفو كل اشي , جواسيس كبار يا حليمة وعندهم مصاري كتير وبيتدخلوا في كل اشي ... بس معقول كل إشي معروف .

حليمة : آه أنتا شفت كوريا الشمالية ضربت الجنوبية والصين فزعت .. أمريكا السبب , بتحاول تشبك بين الناس والدول عشان تبيعهم طحين وسلاح .

أبو عنتر : والله يا حليمة اليوم عرفتك على حقيقتك بتعرفي عن الطحين والسلاح , يلا ما أنتي زي كيس الطحين ولا أقلك زي المدفعية ؟!

حليمة : شوف حالك بشنبك الأصفر , ويا خوفي بكرة ويكيليكس ينشر قصصك كلها والله فضيحة إلك يا ابو عنتر, وبأعرف إذا بدك تتجوز علي ولا لا؟!!! .

أبو عنتر : و إيش علي أنا .....قصة, قصتين.. , وبعدين الله يستر ما ينشر قصصكن كلها أنتي وأم راغب , والسوسة هذه جارتنا أم ضياء , والشباكة الكبيرة أم عوض .. بكرة ببين المخبأ يا حليمة .

حليمة " تلوي بوزها , وتدير وجهها علي الناحية الأخرى مع بعض الترنحات "

أبو عنتر : لويتي بوزك بأشوف .. قولي قري إيش بيصير .

حليمة : ولا خايف منك ولا من الوكلس ؟!! والله يسترنا .

أبو عنتر متنهدا تنهيدة المنتصر قائلا : والله كبير يا ويكليكس ........؟!

بكرة بنقعد تحت الحيطة وبنسمع الزيطة




مع تحيات : هلا عمي