ما رايكم بالطيران انا مرتبكة و حائرة

[asma1856]

اولا السلام عليكم صح فطركم الحمد لله ديت الباك بمعدل 15.39 بصح في التوجيه مدولي طيران بابا طارتلو قالي تبدلي ما نستعرفش بيك حبيت نستفسر يلا مليح هاد التخصص خصوصا الخدمة يلا هو نتع دراري برك يلا نبدل نهني رحي و ندير هندسة معمارية
ربي يعيشكم ما تنساونيش راني رايحة نجن و الناس قع قالولي وشنو هذا
لا تبخلووووووووني جزاكم الله الف خير

[sousoi285]

من رايي بدلي هندسة معماية

[widadmaadadi]

صح فطورك حنونة انا بالنسبة لي طيران معندها حتى معنى لخاطر انا ثاني جبت الباك بقدير جيد جدا وكنت حب بزاف طيران وكي ستفسرت عليه عند مختصين واساتذة في الجامعة اكل قلولي مشي حاجة اولا ’ نحن في الجزائر ماعناش شركات طيران وزيد الطيرات لي عندنا قاع تاع الخارج وثانيا ’ قالولي في الطيران الحاجة اللي يديروها هي انك تبدلي الزيت لالطائرة ولا تمسحيلها الكارو ولا تبدلي البياسات يعني مكانيسيا الطيارة أما هندسة معمارية ثاني ماشي حاجة سيرتو نظام lmd وربي يوفقك ختي في حاجة خير

[TAHA-FABREGAS]

ختي 15.39 تقدري تديري بيها كلش
شوفي كاش مدرسة عليا و اخطيك مالجامعة و تخصص رياضيات و اعلام الي في باب الزوار افضل من الهندسة المعمارية
هدا هو راي

[وسام المؤمنة]

ربي يجيب الخير

[mostefa82]

السلام عليكم
نصيحة غيري هذا التخصص في سبتمبر عندما تبدا فترة التحويلات

والنصيحة الثانية هي ان المدرسة العليا للاساتذة بالقبة هي افضل مكان يمكن ان تدرس فيه فتاة

بالتوفيق

[achwak.1993]

من الأحسن تخصص علوم طبيعية أستاذة تعليم متوسط راهي 15.13
أنا حبيت نديرها وما صلحتليش عندي 14 برك
وبالنسبة للطيران أنا ثاني درتها هي الرغبة العاشرة باش نعمر بطاقة الرغبات
والحمد لله يا ربي ما مدوهاليش

[salah_hyd]

.........بالتوفيق ان شاء الله

[نبيـل ناوي]

الحاجة اللي ما فهمتهاش كيفاه الناس اللي نجحو ب معدل 10.00 تخرج عندخم في الإختيارات

و هنا تقدري تقارني ... علاش مثلا ما تخرجلهمش الطب أ هندسة معنارية

[asma1856]

شكرا على الافادة اخواني بارك الله فيكم ربي يوفقكم اجمعين

[انتصار بوحوش]

السلام عليكم صح فطورك اختي لكان مازلتي حايرة عليك بصلاة الاستخارة وربي يوفقك للي فيه الخير.

[asma1856]

شكرا ختي لعزيزة ربي يوفقك

[achour idoughi]

في رأيي بدليها

[asma1856]

مرسي خويا عل رايك ربي يعيشك

[jana46]

changé architecture