ساعدوني من فضلكم هل أبقى رياضيات ولا نتحول علوم تجريبية

[لخضر66]

أنا أدرس الأولى تانوي وانتقلت التانية تانوي وجهوني رياضيات بصح انا راني خايفة منها وقاع لي نسقسيهم يقولولي لالا صاعبة مفيهاش نسبة مليح لي يدو الباك من فضلكمك نصحوني نتوما راكم قاريينها وراكم عارفين القرايا كي داير أنا نعشق المات بصح راني خايفة من بوبوزيد في عامنا يصعبلنا بصح لي عا جبتني في علوم تجريبية هيأنها لا ما خديمتش في علوم ترفدك الرياضيات وفيزيك مشي كما الرياضيات وازا ممكن تقولولي شحال معدل باش ندير فرمصيانا في الرياضيات وشحال في علوم طبيعية ارجوكم لا زم نقرر منيش حبا نندم من فضلكم

[شايب الدور بلقاسم]

السلام عليكم و رحمة الله
الأمر يتوقف على المنحى ...
على قدراتك و مؤهلاتك العلمية أعني
هل فعلا تجيد مادة الرياضيات و العلوم الفيزيائية ؟ و تحبنهما...؟
فالمساعدة لا تكون الا بمعرفة نتائجك الفارطة في جميع المراحل
التعليمية في مادتي الرياضيات
و العلوم الفزيائية ....
تبقى كل شعبة و لها مميزاته و خواصها ...فتناسب الشعب يساير
قدرات التلميذ ..و رغباته..

[عاشقة المحبة]

اختي في الله ان كنت متاكدة من قدرتك في الرياضيات والفيزياء فلا تترددي وانها والله شعبة رائعة لانني ادرس هذه الشعبة وتحصلت على شهادة البكالوريا

[تاج الكرامة]

يا أخي ما يخوفك حتى واحد الشعبة مش صعيبة لدرجة كبيرة كما يدعي الكثيرين

انا درست هذه الشعبة و الحمد لله تحصلت على شهادة البكالوريا هذا العام بمعدل جيد و الحمد لله

اذا كنت جد محتار ما عليك الا بصلاة الاستخارة

[cenabillal1]

السلام عليكم
كل ما أعرفه هو ان الإرادة والأجتهاد أساس النجاح سواء كان في شعبة العلوم أو الرياضيات
أو الاداب لكن تبقى كل شعبة بخصائصها المميزة
فشعبة الرياضيات تحتاج خاصة إلى الكفاءة والاجتهاد خاصة في الرياضيات والفيزياء
وحسب التجربة الشخصية كانت الثقة بالنفس والتحضير البسيكولوجي من أبرز العوامل التي
ساعدتني كثيييييييييييييييييييييييرا عند الدخول إلى الامتحان والحمد لله حمدا كثيرا
فالنظر إلى هذه الشعبة وكأنها غول لا يمكن إجتيازه شيء
مؤسف ...وبالتوفيق إن شاء الله

[أنس الدين]

ديري رياضيات حاجة باهية وبعد تقدري ديري وش تحبي كي تنجحي في الباك
أنا راني خيرت طب وو قلة باه يقبلونل
جبت 13.20

[fares1989]

bounjou moi mon brounche mathilame ...walah 3ajbatni hadi cho3ba bazaf mahich s3iba khlase

[كمال-رياضيات]

مرحبا يا اخت ...ليكن في علمك أن الشعبة التي تحصلت على أحسن نسبة في بكالوريا هذه السنة هي شعبة الرياضيااااااااات ...... ؟ ثانيا هذه الشعبة لها أولويات معظم الشعب الجامعية كالطب و الصيدلة وكل ماهو علمي او تقني .....ثالثا مادمت تعشقين الرياضيات فلا أرى أي مشكل في اختيارها لأن النجاح في مادة يتوقف على حبها ........................وبارك الله فيكم

[أسامه123]

ريا ضيات خير لخطراش مافيهاش العلوم وعندها الاولوية على جميع الشعب في الإختيارات

[سعديةنوراليقين]

أختي أنا ثاني العام اللي فات كنت خايفة لخاطر حطوني مات كنت نرعد قلت صاي طلعت ب 16.82 من الأولى ثانوي لثانية ثانوي وقلت صاي العام لجاي ولا طلعت ب10 راني من المحظوظات وسيرتو مي عرفت انو المات معاملها سبعة والفيزيك 6 بصح فوت عام مخير في كل سنوات دراستي عشرة في القسم تركيز عالي صحيح المات صعيبة شوي وتبغي اهتمام كبير وحل التمارينات والفهم الجيد في القسم والفيزيك ساهلة بزاف وتعاونك وممتعة واهتميت بالمواد الأخرى ماشي غي المات والفزيك وطلعت الحمد لله ب15.12 ولعقوبة الباك ان شاء الله وما تخافيش وأفضل شعبة هي المات كوني متأكدة وديري كيما قالولك إذا كنت فور في المات والفيزيك ديري مات ورقدي على وذنيك في زوج:d

[أبو شنب]

شعبة الرياضيات معدلات البكالوريا فيها منخفضة و كما تعلم و يعلم الجميع لن تستطيع اختيار التخصص الذي تريده مع المعدلات التي يحصل عليها التجريبيون و لا يغرك ذلك الحديث عن كون الأولوية للرياضيات لأنه ليس أغلى من الحبر الذي كتب به. أنصحك أخي أن تفكر جيدا و أن تفكر في الحياة الجامعية و ليس في الثانية و الثالثة ثانوي و لا يغرك قول الناس عنك أنك "ماتيلام" لأنه "هف في هف".لا تجعل كلامي هذا معيارا تبني عليه حياتك و لكن فكر فيه و اسئل أكثر و إن أردت نصيحتي فعليك بصلاة الإستخارة لأنها أفضل من القيل و القال .بالمناسبة أنا طالب علوم تجريبية حصلت و الحمد لله على شهادة البكالوريا في هذه السنة ب16.79 و أقول لك هذا لتدرك أن ما كتبته كان مبنيا على التجربة و على آراء زملائي من شعبة الرياضيات بعد حصولهم على شهادة البكالوريا.
اختر الطريق الأسهل في الحياة يا عزيزي و لا حاجة إلى المغالاة.
كنصيحة أخيرة تجريبيا كنت أم رياضيا لا غنى لك عن المعدل المحترم (يعني المرتفع 16.17.18).

[كمال-رياضيات]

يا أخي هل قرأت الدليل ولا حظت النتائج .. والسلام عليكم

[لخضر66]

أنا راني نقارع حتى ندخل ونشوف شكون لي معايا لا كما نا ولا قاع فور عليا و نقرر لا نتحول ولالا وانا راني خا يفا لا ميحبوش يحولوني صحبتي بابا ها راح لأكا ديمية وما بان والو مزال ما يحولوحا انا راني خايف بصح انا تبالي قاع القرايا قرايا لامقرايتش صاعبة ولا قريت ساهلة راني خايفة من حاجة وحدة برك قا لولي لا ما جيبيش المعدل فوق 13 مكان لاه تقارعي يعطولك حاج مليحة راني حا يرة بصح نشاء الله لي فيها خير جيبها ربي

[ندى النسرين]

شوفي انا هادا العام قريت رياضيات جبيت الباك
الحمد لله
بصح علوم احسن لانها اسهل من الرياضيات
وتاني عندهم نفس المعدل في التوجيه
انا لوكان كانت عندجي معريفة راني بدلت كان عندك معريفة
بدلي خير راهو معامل الرياضيات 7

[meriem_92]

سلام
انا راني ماتيلام ونتقلت للثالثة ثانوي بمعدل15.80 وانا لقيت هذي الشعبة مش صعيبة بزاف كيما يحكو عليها كون تقرا وتجتهد وسوغتو اذا كنت فور وتحب المات والفيزيك راح يعجبك الحال وخاصة القسم كالم ومفيهش الفوضى تلقى جو التنافس وهذا الي عجبني اكثر كما انهم يقولو ان لها اولوية في كل شي للتخصص
وزيد فكر وبالتوفيق