اللي يهدرو على مجاني

[النور نور اليقين]

مجاني لاعب ممتاز
واش جاكم عليه
زعمة كي عاد اسمو كارل
ماوش هو اللي سما روحو المسكين
يعني ما كفاهمش فرنسا " راسيست " معاهم
والله باين يلعب من قلبو
و هو اللي يصلح في بلاصة حليش - كون كاشما يصرالو بعيد الشر عليه -

حقا - باش تكونو علابالكم هو من بكري كان حاب يلعب للجزائر - من 2006 على الاقل -يعني قبل حكاية المونديال
وتقدرو تتاكدو من ارشيف les forums تاع فرنسا
وصاحبو " لانتيم " هو يزيد منصوري

[r.star]

راني معاك.......

[manel77]

كارل مجاني لاعب جيد مادام يقدم في مردود طيب مع المنتخب و نتمناله كل التوفيق
وما يهمني لا اسمه ولا الوشم ولا حاجة اخرى
راهم غير هنا في البلاد وهابلين
والفاهم يفهم
شكرا على الموضوع

[ameryahi]

لو كانت فرنسا رسيست معاهم كيما راكي تقولي ماراناش نسمعوا بكارل مجاني
وصحيح أن الاسم غريب عنا

[nadjela]

هذا اللاعب اعجبني كثيرا و اعجبتني الروح القتالية التي لعب بها مع المنتخب الوطني الجزائري أما الإسم أنا صحيح اراه غريب عن عاداتنا و تقاليدنا و لكن هذا ليس بالمشكل الكبير الذي يمنع لاعب من اللعب لوطنه

[source de vie]

je le trouve bin et pour le nom c pas grave ici on algérie ya des familles qui nome leurs files des noms etrangére comme katia ou nanci c pas europiens ça ?

[شاربة بيبسي ومضيعة]

شكون هدر عليه راهو قريب يثبت روحوا في المنتخب

[النور نور اليقين]

المشاركة الأصلية كتبت بواسطة ameryahi

لو كانت فرنسا رسيست معاهم كيما راكي تقولي ماراناش نسمعوا بكارل مجاني
وصحيح أن الاسم غريب عنا

الجزايريين كامل علابالهم بلي فرنسا راسيست
ما نعرف انت منين جاتك القناعة بلي العكس
راك تسمع بكارل مجاني على خاطر لقاو مصلحة معاه
بصح كون يدير غلطة صغيرة راح يسلكها غالية
صار زين الدين زيدان كي ربحهم كاس العالم و ماش مستعرفين بيه
ورا الماتش جاك شيراك سلم على اللي اصلهم فرنسي برك
حتى بهدلتو الصحافة باش طبب لحكاية و استقبلهم كامل في القصر الرئاسي
وكي " نطح " ماتيرازي - ياخي وراها نحاولو عقود اعلانات كان راح يديرهم
و ماللي كان زيدان الفرنسي ولا زيدان الفرنسي ذو الاصل الجزائري او الجزائري طول
الجزايريين برك هوما اللي ساندوه دون شروط او عتاب
و ثمة عرف قيمة البلاد
وكي حب يساند الفريق تاعنا ولو معنويا كلاه الجمهور الفرنسي و الصحافة ثاني
ادخل برك للمنتديات الفرنسية باش تعرف بلي العنصرية في دمهم

[المحارب الجديد]

بالشوية عليك اختي الموضوع لايستحق

[ameryahi]

المشاركة الأصلية كتبت بواسطة النور نور اليقين

الجزايريين كامل علابالهم بلي فرنسا راسيست
ما نعرف انت منين جاتك القناعة بلي العكس
راك تسمع بكارل مجاني على خاطر لقاو مصلحة معاه
بصح كون يدير غلطة صغيرة راح يسلكها غالية
صار زين الدين زيدان كي ربحهم كاس العالم و ماش مستعرفين بيه
ورا الماتش جاك شيراك سلم على اللي اصلهم فرنسي برك
حتى بهدلتو الصحافة باش طبب لحكاية و استقبلهم كامل في القصر الرئاسي
وكي " نطح " ماتيرازي - ياخي وراها نحاولو عقود اعلانات كان راح يديرهم
و ماللي كان زيدان الفرنسي ولا زيدان الفرنسي ذو الاصل الجزائري او الجزائري طول
الجزايريين برك هوما اللي ساندوه دون شروط او عتاب
و ثمة عرف قيمة البلاد
وكي حب يساند الفريق تاعنا ولو معنويا كلاه الجمهور الفرنسي و الصحافة ثاني
ادخل برك للمنتديات الفرنسية باش تعرف بلي العنصرية في دمهم

كل واحد وين صفاوه رجليه زيدان صفاوه رجيليه الى كأس العالم وهو لي فرض نفسو مي كارل قدو قد الحال ما يقدر يدير والوا ولوكان يلعب كيما زيدان نراهنك ريحا فرنسا هي الأولى تفتح لو البيبان لإنها لا تعترف إلا بالأقوياء باختصار.
ولكن حنا نقدرو نسقدوا بيه (نغلقوا بيه ثغرات )
ونزيدك حاجة زيدان ماهوش محبوب الجماهيز الجزائرية فحسب بل هو محبوب جماهير العالم وكي يغلط لازم يستعرف بغلطوتو مهما قالوا ماتيرازي ماشي حق عليه ينطحوا لأن الانسان لا ينطح مع احترامي لزيدان
الحب الكبير للمصلحة لا يسمى عنصرية لأن الشيئ الذي ليس لي فيه مصلحة لا أحتاجه وأناضل من أجل الأشياء التي فيها مصلحتي بالغالي و الرخيس
مع تحياتي وما فيناش زعل

[rezki85]

مجاني من افضل لاعبي المنتخب الوطني

[moussa18]

vive madjani vive real madrid

[etoile filante]

فابيو اليساندرو جيرارد مجاني
ههههههههههههههههههههههههههه