قصيدة فيها كل ما تتمناه

[جزااائرية]

بسم الله الرحمن الرحيم


السلام عليكم ورحمة الله وبركاته


عندما يكون الغدر حدث من احداث حياتك اليومية والحزن كالعبادة واجب عليك ...


عندها فقط
( ودك تموت اليوم وتعيش باكر )

قصيدة خليجية رائعة صراحة انا اشوف انها تحكي كل ما يتمناه كل شخص انو يموت اليوم و يعيش غدا لحتى يشوف من حزن عليه و من افتقده و ...

اترككم مع القصيدة


( ودي اموت اليوم ... وارجع اعيش باكر من جديد ...
لجل اعرف من هو على الود صادق ....
ومن هو بعد موتي بطعنات الغدر بيزيد .....
ومن هو تمنى ان عمري باقي مديد )

***********

ودي اموت اليــــوم واعيش باكــــــر
واشوف منهو بعـــــد موتي فقدنــــي

ومن هو حملني لين ذيــــك المقابـــر
واشكر انــــا كل من كرمني ودفنـــي

وبشوف يرثيني انـــــا كم شاعــــــــر
ومن هو تركني وما كتب شي عنــي

شخصن تعنا لي مـــــع انه مسافــــر
وشخص قريبن وانــــا ميت طعنـي

وشخصن يمثل دمعتـــــه ماهو قـادر
وشخص تطيح دموعه كل ما ذكرني

ومن هو من اهلي فالعزا كان حاضر
ومن هو دعا لي في صلاته ورحمني

ومن هو بنى باسمي سبيل ومنابــر
ومن هو يفز قلبه الا من لمحنــي

ومن هو عشاني طول الايام ساهر
ومن هو ثلاث ايام راح وتركنــي

ومن هو يرتب غرفتي والدفاتـــــر
وان شاف صورة لي مات وحضني


***********


يالله عسى ما تخفي كل المشاعر
ويالله عسى ما ينصدم يوم ظني

خايف يروح العمر واكون خاسر
وان طار طيري ما يفيد التمنـي

وخايف يجيني وقت اكسر خواطر
ان دارت الدنيا وزماني كسرنــي

ومدام هذي الدنيا صارت مظاهر
وكل من على كيفه وجوّه يغنـي

صحيح مسلم لكــــن الهم كافــــر
كل ما بغيت اضحك يهددني حزني

الضيق وافي والحزن حيل وافر
والجرح اكثر شي شفته يحبنـي

عايش وميت بين ماضي وحاضر
والصبر مفتاح الفرج ضاع مني

قل وش تبي وتتركني يا حزني آمر
مسكين فرحي تصدق انه وحشني

شاعر .... ولكني ماني بشاعر
ودي اموت اليوم وارتاح مني

**********


منقـــــــــــــــــول