كان يامكان

[alwarda dhahabiya]

كان يامكان في قديم الزمان كان واحد الملك عندو فتاة صغيرة جميلة وصحتها جيدة لما كبرت هذيك الفتاة وصارت شابة مرضت و رجعت ماتهدرش وما عرفوش السبب واشي هو
جابلها الملك الطبة نتاع المملكة كامل بصح ماقدروش يشفويها.
واحد النهار دار هذا الملك اعلان كتبو لعامة سكان المنطقة
ألي يقدر ينطق بنتي نزوجهالو، اي شخص كان فقير أو غني.
جاو لعند الملك العديد العديد من الناس لكن ماقدروش ينطقوها، يأس الملك ،لكن في واحد النهار جا واحد الشاب هو في الواقع فقير و طلب من الملك يعطيه فرصة لكونش يداويلو الأميرة،وافق الأمير
جلس الشاب وقاللهم جيبولي الأميرة و خليوني وحدي معاها ،لما جات الأميرة جلست و طلب الشاب يجيبولوا شمعة ،حكم هذيك الشمعة و شعلها و حطها مابينو و ما بين الأميرة و قاعد يحكي ،لكن يحكي مع الشمعة و يقولها
يا شمعة نحكيلك حكاية واسمعي مليح:كاين واحد النهار ثلاث رجال واحد نجار،واحد خياط، واحد عطار.راحو مع بعض يحوسوا على خدمة طاح عليهم اللليل في واحد الجبل و كان لازم عليهم يباتو في هذيك لبلاصة بصح الجبل واعر وما نعرف واش راح يكون فيه لازم واحد يعس عليهم،واش داروا،قسموا الوقت مابيناتهم وكل واحد يعس شوية .
أول واحد كان هو النجار قعد هذاك النجار يعس و يقول في نفسو انا قاعد قاعد علاه مانجيبش حاجة نشغل بيها روحي؟ واش دار راح جاب جذع شجرة و خدم بوبية لما كملها قدقد جات دالت الخياط، لما قعد الخياط يعس شاف هذيك البوبية عرف بلي النجار هو ألي خدمها واش قال : صاحبي خدمها علاه انا مانخيطلهاش حاجة نلبسهالها؟وبالفعل خيطلها روبة كي كملها جات دالت العطار كيف كيف كي شاف هذيك البوبية قال: صاحبي النجار خدمها و الخياط لبسها خلي أنا نزينها.
قال هذاك الشاب للشمعة يا الشمعة جا الصباح و طاحوا هذوك الرجال في مشكلة ؟؟؟؟؟؟؟؟؟؟؟؟؟؟؟؟ نقولك واش هي ............. المشكلة هي شكون ألي راح يدي البوبية النجار ألي خدمها ولا الخياط ألي لبسها ولا العطار ألي زينها؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يتبع
ألي عندو اجابة يحاول أنتظر الرد

[ريم الفيفاء]

و الله قصة مشوقة شكرا جزيلا
لكن ارجو انهاءها في القريب العاجل

[ٵڶقًـ۾ًـږღٵڶڝۼےـړ]

قصهـ شيقهـ ،، بانتظآر التكملهـ على أحر من الجمر


,,,, بوركتـ أختي ،،

[alwarda dhahabiya]

شكر على المرور و باذن الله سأكملها في القريب العاجل

[بنت الحجاج]

انا في الانتظار ...............

[العملاق2009]

نعم قصة رائعة ومشوقة، ننتظر التكملة ........

[alwarda dhahabiya]

اريد بعضا من اقتراحاتكم في ايجاد حل لهذه المشكلة

[dana maram]

شكراا قصة رائعة في انتظار التكملة

[لطيفه1]

شكرا لك و بارك الله فيك
قصة مشوقة جدا اختيارك موفق اختي
*دمت بخير*
سلام

[ٵڶقًـ۾ًـږღٵڶڝۼےـړ]

أين التكملة أختآه ،، بانتظآركـ

[** سدرة المنتهي **]

قصة هايلة وانا متوشوقة

ممكن يتفاهمو ايبيعوها باش ايجيبو بيها الدراهم ومبعد يقسمو الدراهم لانهم خرجو ايحوسوعلي خدمة

هذا اقترااااااااااحي

وانا بالنتظار اكمال القصة

شكرا لك اخي

[alwarda dhahabiya]

شكرا اختي سدرة المنتهى على اقتراحك

[alwarda dhahabiya]

التكملة : لما طرح الشاب المشكلة على الشمعة قا للها : يا الشمعة انا راح نطفيك و نخليلك مدة تفكري فيها
وبالفعل طفى هذيك الشمعة ألي كان يقص عليها لحكاية و ألي في نفس الوقت كانت محطوطة بينو و بين الأميرة وفجأةةةةةةةةةةةةةةةةةةةةةةةةةةةةة ناضت الأميرة من مكانها و قالت للشاب (لا ماطروحش قولي برك شكون ألي راح يدي البوبية)قالهااااااااااااااااااااااااااااا ألييييييييييييييي ينطقها هو ألي يديها.
وأخيرا نطقت الأميييييييييييييييييييييييييييييييييييييييييييييي يييييييييييييرة

[** سدرة المنتهي **]

المشاركة الأصلية كتبت بواسطة alwarda dhahabiya

التكملة : لما طرح الشاب المشكلة على الشمعة قا للها : يا الشمعة انا راح نطفيك و نخليلك مدة تفكري فيها
وبالفعل طفى هذيك الشمعة ألي كان يقص عليها لحكاية و ألي في نفس الوقت كانت محطوطة بينو و بين الأميرة وفجأةةةةةةةةةةةةةةةةةةةةةةةةةةةةة ناضت الأميرة من مكانها و قالت للشاب (لا ماطروحش قولي برك شكون ألي راح يدي البوبية)قالهااااااااااااااااااااااااااااا ألييييييييييييييي ينطقها هو ألي يديها.
وأخيرا نطقت الأميييييييييييييييييييييييييييييييييييييييييييييي يييييييييييييرة

مشكوووووووووووووووووووووووووووووووورة كثير والله غير عجبتني وتشتيهم هادو الحكايات

اتمني ان تضيفي لنا حكايات اخري مثل هذه

شكراااااا

[بهاء الغروب]

فصة مشوقة مشوقة مشوقة جدا انا في رأيي ما يديهاش حتى واحد طيشوها ويرتاحو بصح نحب القصة تكمل انا على الجمر بسرعة بسرعة كملها