ما اخبار المعيدين عندكم؟

[ريحانة 07]

هل دخلو جميع المعيدين و لا مزالو خرين و الى طردو خرين قولولي و من اي ولاية.

[مصطفىdz]

المعيدين صامطين كي يكون الاستاذ يشرح ولا يسال يبداو يجاوبا على خاطر راهم فاهمين كلش وجاو يسمطوا علينا " الاغواط "

[Dark_princess]

والله لا اعرف عندنا دارو قسم خاص بالمعيدين

[Dark_princess]

المشاركة الأصلية كتبت بواسطة مصطفىdz

المعيدين صامطين كي يكون الاستاذ يشرح ولا يسال يبداو يجاوبا على خاطر راهم فاهمين كلش وجاو يسمطوا علينا " الاغواط "

ايه صح هكذا حنا يديرولنا في السنوات الماضية

[kader7989]

عادي و كاين وحدين فرحانين بالاعادة و مين تسالهم يقولك مزيا عاودنا العام

نجيب الباب ب 10 و نلقف بلاصتي و ما نجيبهش 15

[أحلام البليدة]

انا صحاباتي لي عاودوا دخلو فسمانة الثانية

[djauida]

السلام عليكم احنا عندنا كنا 15تلميذ وظروك زادولنا غير الطوايشيين ميقراوش والكلاسة رجعت مخلطة وبالنسبة للدراسة نصف الاساتذة مكانش ويقولك راح جيب الباك ب14

[جلال المياسى]

ايه صح اكثر المعيدين يجابوا على الاستاذ و هو ما زال يشرح يلعباوها فاهمين

[رحاب بن عودة]

معنا في القسم حوالي 12 معيداً .. وكيما راكم تقولو .. يبقو يجاوبو على الأسئلة زعما راهم فاهمين كلش .. أنا ننصحكم ماتخالطوهومش .. على خاطر يبقو غير يهبطولنا في المورال .. إلا إذا كان واحد تعرفوه مليح ..

بالتــوفيق ..

[الفلاح المحترف]

معنا 7 معيدين في القسم الحمد لله - كلهم ناس ملاح- بغض النظر عن مستواهم الدراسي