لو سمحتم لإذا قدرتوا ساعدوني في فهم أمر ماقدرتلوش

[imene08]

داما نسمع جملة يقولوها و يكرروها سواء المعلقين أو المدرب أو ...........إلخ
و هي: "المهم اللأداء و لا تهمنا النتيجة"
حاولت نستوعبها ماقدرتش
لأنه كي تعلمت المنطق تعلمت أنه
عندما يكون الأداء جيد يستلزم النتيجة داما تكون جيدة
إلا عندنا حنا فالأداء جيد على حساب قولهم و النتيجة على ربي

يعني إذا قدرتو أشرحوهالي


"ما تهمناش النتيجة المهم الأداء"!!!!!!!!!!!!!!!!!!!!!!!!!!!!!!!!!!!!!!!:con fused:


صحا فطوركم خاوتي

[the kamikaz]

روحي لسعدان يفهمك

[Lolito]

يحبو يغطيو الشمس بالغربال

[حًٱجَز≈ ٱلصِمتُـ ♥]

هههههههههههههههههههههههههههههههه
ههههههههههههههههههههههههههههه
هههههههههههههههههههههههه
ههههههههههههههههههه
هههههههههههههه
ههههههههه
ههههههه
هههه
هه
ه

[walidpresse]

شوفي اختي هذا لكلام ايقولوه كيمايلقاوش واش ايقولو حجة دايما يتحججون بها ويصبرو في رواحهم وفينا

[the perfect2]

ههههههههههههههههههههههههههههه
واحد ماراهو فاهم
ههههههههههههههههههههههههه
غير سعدان

[imad cabiste]

وعلاه جامي شفتي ماتش كيما هاك
انا نعطيك مثال وهو في رابطة ابطال اوروبا
انتر ضد برشلونة
برشلونة تلعب وتمتع وتضغط لكن في الاخير تأهل الانتر
البرتغال ضد اليونان 2004 البرتغال تهاجم 90 دقيقة وتضغط
اليونان من ركنية واحدة في الدقيقة الاخيرة سجلت هدف وفازت بكاس اوروبا
هذا كلام منطقي ولا ابهام فيه

[chinwiya khalwiya]

بالنسبة لي يهمني الاداء و النتيجة و كل شخص له راي مختلف في هذا الموضوع و لا تنسي باننا جزائريين فان خسرنا نقول الاداء كان جيدا لنغطي على النتيجة نغطو الشمس بالغربال
merci

[✗ ┋ وَړْﮃَةُ آلـﭴَزآئـړْ ┋ ✗]

نقولك حاجة أختي عندنا في الجزائر ما يهمش الأداء تهم النتيجة واللي يقولك أنا يهمني الأداء راهو يكذب عليك خاصة المصيبة هذاك كريم آيت عثمان كرهت التعليق تاعو غير من جملتو الشهيرة '' لا تهمنا النتيجة بل يهمنا الأداء المهم أننا كسبنا فريقا شابا''

أقعدوا صبروا رواحكم بالأداء الجيد حتى يطلعوا جميع الفرق لكأس العالم 2014 واحنا نقعدوا نتفرجوا في الدار

[دمعة على خد الزمن]

هي في الحقيقة العكس ميهمناش الاداء بصح تهمنا النتيجة لأنو كرة القدم أهداف ماشي اداء والماتش يتعد للسجل ماشي لللعب مليح

[hiba308]

"المهم اللأداء و لا تهمنا النتيجة"
نتاع بكرى

[نينا الجزائرية]

صح فطورك ايمان ربي يصبرنا

[والله يا الجلفة]

لا لا الدزيريين دايما كي يخسرو يقولو"""""" المهم المشاركة مش الفوز"""""""""
يصبرو في رواحهم

[fati38]

ما عادي نصبرو في رواحنا
حنا هاك كي ما نفوزوش نحاولو نلقاو سبة تهدينا برك
و خيرها في غيرها
ياخي هذي هدرتنا
و الله اعلم

[IKRAM/95]

شوفي حبيبتي ايمان

الجماعة نتاعنا في الدزاير

ايلا ربحو يقولوا الهدف هو الفوز و حققناه

و ايلا خسرو يقولو المهم المشاركـة

وطبعا في حالة الخسارة يجيبو عذر أقبح من ذنب

شفيتي واحد المرة قالو عشب الملعب ...

يعني العشب لعبو عليه وحدهم الفريق الخصم لعب في ملعب آخر ههههه

و هاذي المرة في المونديال قالولنا ....الكرة ماطاوعتناش .ههههههه


و الله عيش تشوف


و القادمـ أحلى ...

وبعد ما نشرته عليهم النهار

أتحداهمـ يرجعوا حب الشعب ليهمـ هههههههه