مخلفات سنوات الاستخلاف

[raouf1981]

الي الاخوة الذين صدقو اكذوبة المخلفات لسنة 2008و 2009 أين هي هذه المخلفات لم نتحصل عليها ؟و اذا كان هناك متعاقد في أي ولاية تحصل عليها فليفدنا من فظلكم جزاكم الله خيرا

[وئام الروح42]

اخي اني من ولاية المدية وتحصلت على مخلفات 2008 كاملة في 4 جويلية

[raouf1981]

شكرا علي المعلومة

[toufik28]

يا أخي نحن في المسيلة تحصلنا على مخلفات السداسي الأول من عام 2008 وكان ذلك في شهر جويلية كذلك .فلا داعي لتكذيب المعلومة.صح فطور الجميع

[raouf1981]

شكرا أخي توفيق نحن لا جديد

[sousouhalima]

ممكن تقولولي شحال هزيتو مخلفات 2008.

[سعيد الجزائــري]

كاش واحد في التعليم يصرح براتبه؟ الله يهديك خيو

[sousouhalima]

انا هزيت 14 مليون مخلفات 2008/2009 هذي دراهم تعبت عليها وانا نقول وما نخبيش .واحد ما راح يحسدني لاه كاش مستخلف يحسد مستخلف رانا كامل في الهم .والله حابا نعرف شحال هزو مخلفات المردودية تاع 2008 باه ندير حسابي برك .كشما ندير كاش مشروع يدخلي دراهم ونتهنا من التعليم .

[وئام الروح42]

يا اختي كل شهر يعطيولك عليه 4200 اذا خدمتي عشرة اشهر كاملة يعني رايحة تدي فيهم 42000 دج

[سعيد الجزائــري]

المشاركة الأصلية كتبت بواسطة sousouhalima

انا هزيت 14 مليون مخلفات 2008/2009 هذي دراهم تعبت عليها وانا نقول وما نخبيش .واحد ما راح يحسدني لاه كاش مستخلف يحسد مستخلف رانا كامل في الهم .والله حابا نعرف شحال هزو مخلفات المردودية تاع 2008 باه ندير حسابي برك .كشما ندير كاش مشروع يدخلي دراهم ونتهنا من التعليم .

السلام عليكم الأخ الفاضل كنت امزح اعملتها صح صضح صحوركم

[bakoissi]

هل يمكن لاصحاب شهادة الدراسات العليا بيولوجيا تدريس اللغة العربية في الابتدائي

[أبو عبد المالك2007]

المشاركة الأصلية كتبت بواسطة sousouhalima

انا هزيت 14 مليون مخلفات 2008/2009 هذي دراهم تعبت عليها وانا نقول وما نخبيش .واحد ما راح يحسدني لاه كاش مستخلف يحسد مستخلف رانا كامل في الهم .والله حابا نعرف شحال هزو مخلفات المردودية تاع 2008 باه ندير حسابي برك .كشما ندير كاش مشروع يدخلي دراهم ونتهنا من التعليم .

ما تنسايش يا سوسو تدخليني معاك شريك....هههههههه

[staali]

المشاركة الأصلية كتبت بواسطة sousouhalima

انا هزيت 14 مليون مخلفات 2008/2009 هذي دراهم تعبت عليها وانا نقول وما نخبيش .واحد ما راح يحسدني لاه كاش مستخلف يحسد مستخلف رانا كامل في الهم .والله حابا نعرف شحال هزو مخلفات المردودية تاع 2008 باه ندير حسابي برك .كشما ندير كاش مشروع يدخلي دراهم ونتهنا من التعليم .

السلام عليكم
أختي هل المبلغ تاع 14 مليون هو أجر الأشهر التي عملتي فيها أو هو زيادة فوق الأجر ؟؟
علما أني عملت كأستاذ مستخلف في 2008-2009 و أستاذ متعاقد في 2009-2010 لهذا أريد الاستفسار

شكرا مسبقا و صحى فطوركم

[الأستاذ رمزي]

يا أخي رؤوف يظهرلي انو راسك خشين :d
قلت لك منذ مدة انه كل من عمل من 2008 الى يومنا هذا سوف يستفيد من مخلفات في المردودية ولكن متى ستدفع هذا حسب الولاية التي تنتمي اليها

[sousouhalima]

المشاركة الأصلية كتبت بواسطة staali

السلام عليكم
أختي هل المبلغ تاع 14 مليون هو أجر الأشهر التي عملتي فيها أو هو زيادة فوق الأجر ؟؟
علما أني عملت كأستاذ مستخلف في 2008-2009 و أستاذ متعاقد في 2009-2010 لهذا أريد الاستفسار

شكرا مسبقا و صحى فطوركم

اخي الكريم هزيت 4ملايين و 600 تاع الصيف 2008. 1مليون و 100 تاع 15 يوم عطلة تاع الربيع 2008 . 8 ملايين و 300 تاع 2009 من سبتمبر الى غاية 30 ديسمبر . اما بخصوص الراتب من جانفي الى جوان 2010 فلا نزال ننتظر ربي يكون معانا .انت من الممكن تكون خلصت الصيف و العطلة في العام الماضي2008 .