مساعدة صالوني

**همسة حنين** · 2013-03-14, 15:28

السلام عليكم ورحمة الله تعالى وبركاته

ضرك نرجعو للصالون

أنا راني حبيت صالون ماروكان
في اللون نوار سامبل و الأبيض
مع لي بوف تاوعو

ولون الخشب يعني لي كانابي و ولاتابل و لاتابل دو كوان في المارون شكولا

و الأرضية كرام و بلون كاسي

يعني هادو راهم مشريين خلاص

وضرك يا خياتي تعيشو واش تنصحوني بالنسبة

للزربية
الريدو والكاش ريدو
ولون الجدران؟؟

وبارك الله فيكن
راني نستنا في مساعداتكم

kiya · 2013-03-14, 15:55

عزيزتي اذا تقدري حطلينا الصور باش نقدرو نعاونوك
مبدءيا نقرح عليك الريدو يكون ابيض ومع قري فونسي او اسود
لون الجدران ابيض او بلون كاسي
والزربية ولله حرت ممكن تكون سوداء وفيها القري

**همسة حنين** · 2013-03-14, 16:16

اقتباس:

المشاركة الأصلية كتبت بواسطة kiya

عزيزتي اذا تقدري حطلينا الصور باش نقدرو نعاونوك
مبدءيا نقرح عليك الريدو يكون ابيض ومع قري فونسي او اسود
لون الجدران ابيض او بلون كاسي
والزربية ولله حرت ممكن تكون سوداء وفيها القري

مشكووووووورة أختي ربي ينور ياماتك

والله فكرة الريدة عجبتني واكنت في راسي حبيت نديرو أبيض

أما ندخل القري يعني تصلح هادي الفكرة؟؟

يعني مام الزربية تكون ب 3 الوان؟؟

وهكدا الصالون راح يجي ضاوي ولا كفاش ندير راني حايرة

مي يا أختي واشمن تصاور؟؟

وصحيتي بزااااااااف

ام عبودة · 2013-03-14, 22:31

كي راه الاثاث تاعك في المارون شكولا صافي عندك اربع الوان البني والاسود والبيض والرمادي
الصلون كبير ولا صغير
اذا كان كبير ممكن تزودي الالوان الغامقة باش مايبانش الاثاث شوي
واذا كان صغير زودي الالوان الفاتحة باش يبان واسع
منهذى الفكرة اختاري الالوان
ممكن الصبيغة تاع الستيكو راهي على المودا ديري 3 جدران ابيض والرابع تاع البلازما او التلفاز ديريها سوداء او رمادي
والزربية ديري وحدة يغلب فيها اللون الاسود وشوي بني وممكن فيها الابيض
الريدو يكون بالرمادي والابيض والاسود حتى ممكن يدخل البيج لكن بنسبة قليلة
ويبقى اللون الاسود هو الغالب
يا رب نكون وصلتلك ذوقي
والمهم انتي واش حابة راهي الفكرة في راسك انت ما عرفتيش ترجميها برك
وربي يعاونك وبصحتك التغيير

ام قصي · 2013-03-14, 23:16

ما شاء الله اعليك ام عبودة
ما خليتيناش انضيف حاجة
تدخل مميز

درة بيتي · 2013-03-15, 00:53

ههههه كيما قلتلك الأخت أم قصي يعطيك الصحة أختي أم عبودة كفيتي ووفيتي إن شاء الله تكون فهماتك والفكرة راهي وصلت بالنسبة ليا تحياتي أختي وبصحتك التغيير ننتظر إنتهاء العمل لنرا النتيجة بفارغ الصبر

**همسة حنين** · 2013-03-18, 12:22

بارك الله فيكن أخواتي خاصة أم عبودة

ربي يصونك و يفرحك

والله عجبوني أفكارك بزااااااااااف
ماشاء الله

راني قررت الريدو نديرو أبيض وحدو سامبل
والكاش ريدو ندخل فيه الالون لي قلتيلي

وقولولي تعيشو الالكاش ريدو راني حابة غير واحد سامبل محكوم في لي كوتي
ياك مليح ماشي ديمودي؟؟؟

و اعطوني كشما عفايس تاع كاش ريدو سامبل محكوم في لي كوتي

وبارك الله فيكن

والله لا انسى لكن هدا المعروف

و اسمحولي على طول الرد والله مارانيش نكوناكتي بزاف عليها مانزربش نرد
سلامي و مودتي