ضيعت الشهادة المدرسية ماذا أفعل ؟؟؟؟؟

[ENPIE2010]

يا جماعة راني سجلت في الجامعة وعطاوني 3 شهادات مدرسية واحدة للمنحة وواحدة للإيواء وأخرى تعتبر كشهادة التسجيل وقد أضعت هذه الأخيرةوأنا أحتاجها قبل الدخول الجامعي أرجوكم ماذا أفعل؟؟؟؟؟؟؟؟؟؟

[ميرثا]

كيفاش مدولك شهادة مدرسية نورمالمون يمدو 3 شهادات تسجيل مفهمتش واش لضيعت
ادا شهادة التسجيل لازم تحوس علها وادا عندك يطاقة الطالب و القارئ لا ضرر ماش مشكل لانو عندك الدليل
على التسجيل بهتيين البطاقتين اي استفسار انا تحت الخدمة

[ENPIE2010]

أنا راني معول نسجل في معهد الاتصالات وطالبين شهادة التسجيل وكي سقسيتهم قالولي هي نفسها الشهادة المدرسية وراني ضيعتها

[ميرثا]

اها كيفاش معهد يطلبو شهادة تسجيل نورمالمون ميطلبوهاش لاعلينا روحلهم وقولهم بلي ضيعتها بلاك يقبلولك تدير بطاقة الطالب -صورة طبق الاصل ومصادق عليها-وتاني ياك مدولك ورقات بلي مديتلهم الدوسيي ورقة الايداع بلاك تنفعك
--------
ممكن تمدلي معلومة على هدا المعهد دايرين كونكور ولا وشن

[youcef_99]

معهد الاتصالات يقع في وهران ... مدة الدراسة 05 سنين
التخرج يكون بشهادة مهندس دولة في الاتصال السلكي و اللاسلكي
معدل القبول 13 فما فوق ...

[islam-02008]

سلام عليكم

خويا شهادة التسجيل هي نفسس الشهادة المدرسية

وادا ضاعت لك خصك تدير فوطو كوبي وتقاليزيها في الجامعة

انا هكدا قالو لي

وادا حبيت تتأكد روح اهبط تحت ورقة التسجيل تلقا مكتوبة واحد الملاحظة قراها مليح ورد لي الخبر

[ميرثا]

المشاركة الأصلية كتبت بواسطة youcef_99

معهد الاتصالات يقع في وهران ... مدة الدراسة 05 سنين
التخرج يكون بشهادة مهندس دولة في الاتصال السلكي و اللاسلكي
معدل القبول 13 فما فوق ...

اخي عندو سيت هدا المعهد
واسك يقبلو غير لباك الجداد ولا لعندو باك قديم يقدر يدخلو

[youcef_99]

حسب علمي ممكن يقبلوه في المهد هو يتصل بيهم ويشوف

[sif017]

المشاركة الأصلية كتبت بواسطة ENPIE2010

يا جماعة راني سجلت في الجامعة وعطاوني 3 شهادات مدرسية واحدة للمنحة وواحدة للإيواء وأخرى تعتبر كشهادة التسجيل وقد أضعت هذه الأخيرةوأنا أحتاجها قبل الدخول الجامعي أرجوكم ماذا أفعل؟؟؟؟؟؟؟؟؟؟

والله يا خويا عندك الزهر أنا عييت تروحلي نتهنا منها

[Vimana_Ch+]

المشاركة الأصلية كتبت بواسطة ENPIE2010

يا جماعة راني سجلت في الجامعة وعطاوني 3 شهادات مدرسية واحدة للمنحة وواحدة للإيواء وأخرى تعتبر كشهادة التسجيل وقد أضعت هذه الأخيرةوأنا أحتاجها قبل الدخول الجامعي أرجوكم ماذا أفعل؟؟؟؟؟؟؟؟؟؟

السلام عليكم,
أختي إذا بحثتي جيدا و لم تجدي, فعليكِ الإتصال بالحرم الجامعي للإستفيار, أكيد فد صادفتهم بعض المداخلات المماثلة ,,, إذا لم تعلمي من أين تأتين برقم الهاتف للجامعة التي سجلت بها, يمكنك البحث عبر الانترنيت في موقعهم الخاص و كطلك إستخدام دليل الهاتف اونلاين annuaire téléphonique

كما قال الإخ بما أنك تملكين بطاقة الطالب فهي تعد دليل على أنك سجلت في الجامعة, كل شيء سيكون على ما يرام ^ ^

نحن في الخدمة دائما,


السلام,

[lona-99]

انا عطاوني وحدة..............

[fares1256]

السلام عليكم
اخي دير عليها نسخة طبق الاصل photocopie و روح للبلدية صادق عليها égalisation

[minar_2]

cherche bien t'a pas une copie???

[ENPIE2010]

الحمد لله وأخيرا وجدتها شكرا على مجهوداتكم الرائعة

[ENPIE2010]

المشاركة الأصلية كتبت بواسطة vimana_ch+

السلام عليكم,
أختي إذا بحثتي جيدا و لم تجدي, فعليكِ الإتصال بالحرم الجامعي للإستفيار, أكيد فد صادفتهم بعض المداخلات المماثلة ,,, إذا لم تعلمي من أين تأتين برقم الهاتف للجامعة التي سجلت بها, يمكنك البحث عبر الانترنيت في موقعهم الخاص و كطلك إستخدام دليل الهاتف اونلاين annuaire téléphonique

كما قال الإخ بما أنك تملكين بطاقة الطالب فهي تعد دليل على أنك سجلت في الجامعة, كل شيء سيكون على ما يرام ^ ^

نحن في الخدمة دائما,


السلام,

أرجو الاطلاع على معلوماتي الشخصية سامحك الله فأنا لست أنثى