هل من مساعدة

[بستان الورود]

ابواي سيتركانني انا واختي لمدة 7 ايام في المنزل لوحدنا مع جدي


وانا اللتي ستطبخ لهما ولكنني لا اعرف سوى حاجات اللتي تقلى وجدي انسان كبير ولازم نطبخلو حوايج تساعدو


واريد ان تقترحن لي الاكلات المناسبة و طريقة طبخها من فضلكم وجزاكم الله خيرا

[بستان الورود]

خسارة واحدة مقدرت تساعد معليش راح ندبر راسي

[سَلْسَبِيّلْ]

شوفي اختي ديريلو البويون صحي ولذيذ وسهل
الخضر اللي عندك بكل انواعها
بصل ثوم وبهارات
شوية طماطم مصبرة
ملح وزيت الزيتون
الكل قطعيهم قطع متوسطة الحجم وطيبيهم وعد مايطيبو ارحيهم وفي كل صحن ضعي شوية دبشة صدقيني جدك سيدعيلي لان كل كبار السن يحتاجونا الى وصفات سهلة الهضم وابي وامي يموتو عليها ربي يوفقك

[imene08]

بسم الله
شوفي أختي ديريلو شربة فريك:
أنا نديرها بالخضر
نحكم بصلة كبيرة نرحيها بالميكسور وحدها ثم حبيبة قرعة و حبيبة بطاطة و حبيبة زرودية ترحيهم كيف كيف و تخلطيهم مه لبصل يتقلاو و تسكرفجيلهم حبة طماطم من الفوق و حقليهم مع شوية لحم (لي عندك ) و فلفل أسود و جومبو (لأن جومبو عبارة عن توابل مغربية) و شوية ملح لأن الجومبو مالح (إذا أضفتي طبعا الجومبو)و يدبالو و او تزيدي تحكمي طماطم تاع لباطة تخفيفها في شوييييييية ماء مع فلفل احمر و تخليهم يتقلاو حتا يخلاصلهم الماء تاع لبصل و في نفس الوقت ديري ماء يغلي كي يتقلا وتضيفي الماء لي يغليللقدرة و تزيدي تضيفي الفريك تاعك قيس فنجال كبير
و تخليه يطيب و شهية طيبة

[imene08]

لي عودة لكي أختي دوك نروح ندير لعشا
حاندير كباب

[بستان الورود]

هنادي وايمان مشكورين بزاف

[مانو]

سامحني انا منعرفش اطبخ عمري 13 سنة تقبلي مروري

[imene08]

هاذي الوصفة تاع الكباب
تحكمي البطاطة تقليها
تحكمي بصلة كبيرة الحجم أو زوج صغار تسكرفجيهم و لا ترحيهم في الروبو
و تحطيهم في المرميطة (لي هي نوع من القدور على هذا الشكل)

ديري البصل تاعك في المرميطة و شوية فلفل أسود و حبة جومبو جاج (لا تضيفي الملح لأن جامبو جاج مالح و هو عبارة عن توابل مغربية) و إذا عندك طرف صغير جاج و شوية زيت
تقليهم حتا يدبال البصل (و في هذه الأثناء حطي كاسرونة ماء تغلي) و كي يدبال البصل زيدي الماء المغلي و لحميصة و خليها تعقد و كي تعقد نحي الجاج و فتتيه و رجعيه للقدر و خلطي البطاطة تاعك و خليهم فوق النار الهادئة و في نفس الوقت كسري 3 أو 4 حبات بيض ضربيهم في طبسي و أرميهم من الفوق و ردي الغطاء تاعك حتا يطيب البيض (ماتخلطيش البيض مع الكباب خليه من الفوق باش جي طبقة وحدة متجانسة تاع البيض) و من بعد شللي شوية معدنوس و قطعيه ملفوق
إن شاء الله تكوني فهمتيني

و شهية طيبة
لي عودة إن شاء الله

[noussaiba2007]

تقدري ديري الغراتان خضر مفورة بالسوس بيشامال لذيذة ومفيدة ولا معرفتيهاش قوليلي نشرحلك بالتفصيل

[noussaiba2007]

تقدري تفوري خضر وطيبيي دجاج في مرقة بيضة ومباعد ديري الخضر والمرقة البيضة والبيض ومعدنوس وشوي فرماج وديريها في الفرن

[noussaiba2007]

ايوا انا ذك نروح نطيب ومباعد نولي نزيدك افكار قوليليي واش رايك وكان مفهمتيش راني هنا

[بستان الورود]

المشاركة الأصلية كتبت بواسطة imene08

بسم الله
شوفي أختي ديريلو شربة فريك:
أنا نديرها بالخضر
نحكم بصلة كبيرة نرحيها بالميكسور وحدها ثم حبيبة قرعة و حبيبة بطاطة و حبيبة زرودية ترحيهم كيف كيف و تخلطيهم مه لبصل يتقلاو و تسكرفجيلهم حبة طماطم من الفوق و حقليهم مع شوية لحم (لي عندك ) و فلفل أسود و جومبو (لأن جومبو عبارة عن توابل مغربية) و شوية ملح لأن الجومبو مالح (إذا أضفتي طبعا الجومبو)و يدبالو و او تزيدي تحكمي طماطم تاع لباطة تخفيفها في شوييييييية ماء مع فلفل احمر و تخليهم يتقلاو حتا يخلاصلهم الماء تاع لبصل و في نفس الوقت ديري ماء يغلي كي يتقلا وتضيفي الماء لي يغليللقدرة و تزيدي تضيفي الفريك تاعك قيس فنجال كبير
و تخليه يطيب و شهية طيبة

درتها وصلحتلي يعطيك الصحة على الوصفة

[بستان الورود]

المشاركة الأصلية كتبت بواسطة imene08

هاذي الوصفة تاع الكباب
تحكمي البطاطة تقليها
تحكمي بصلة كبيرة الحجم أو زوج صغار تسكرفجيهم و لا ترحيهم في الروبو
و تحطيهم في المرميطة (لي هي نوع من القدور على هذا الشكل)

ديري البصل تاعك في المرميطة و شوية فلفل أسود و حبة جومبو جاج (لا تضيفي الملح لأن جامبو جاج مالح و هو عبارة عن توابل مغربية) و إذا عندك طرف صغير جاج و شوية زيت
تقليهم حتا يدبال البصل (و في هذه الأثناء حطي كاسرونة ماء تغلي) و كي يدبال البصل زيدي الماء المغلي و لحميصة و خليها تعقد و كي تعقد نحي الجاج و فتتيه و رجعيه للقدر و خلطي البطاطة تاعك و خليهم فوق النار الهادئة و في نفس الوقت كسري 3 أو 4 حبات بيض ضربيهم في طبسي و أرميهم من الفوق و ردي الغطاء تاعك حتا يطيب البيض (ماتخلطيش البيض مع الكباب خليه من الفوق باش جي طبقة وحدة متجانسة تاع البيض) و من بعد شللي شوية معدنوس و قطعيه ملفوق
إن شاء الله تكوني فهمتيني

و شهية طيبة
لي عودة إن شاء الله

نديرها للعشا ان شاء الله ميرسي

[بستان الورود]

المشاركة الأصلية كتبت بواسطة noussaiba2007

تقدري ديري الغراتان خضر مفورة بالسوس بيشامال لذيذة ومفيدة ولا معرفتيهاش قوليلي نشرحلك بالتفصيل

المشاركة الأصلية كتبت بواسطة noussaiba2007

تقدري تفوري خضر وطيبيي دجاج في مرقة بيضة ومباعد ديري الخضر والمرقة البيضة والبيض ومعدنوس وشوي فرماج وديريها في الفرن

المشاركة الأصلية كتبت بواسطة noussaiba2007

ايوا انا ذك نروح نطيب ومباعد نولي نزيدك افكار قوليليي واش رايك وكان مفهمتيش راني هنا

ميرسي اختي .....

بصح كان تحطي بالتفصيل احسن ..

[عفة روح]

حساء الخضار متنوع بمكوناته وغني بفوائده صحي ولذيذ:



المقادير:
ـ ملعقتا زيت زيتون للتحمير.
ـ بصلة متوسطة الحجم.
ـ 3 حبات من الثوم.
ـ 1 بطاطا متوسطة الحجم.
ـ جزرتان متوسطتا الحجم.
ـ كوب من البازلاء الخضراء.
ـ كوب من الفاصولياء الخضراء.
ـ حبتا بندورة متوسطة الحجم.
ـ حبة كوسا مقطعة.
ـ كوب من الكرفس المقطع.
ـ كوب من اللوبياء المقطع.
ـ ملعقة صغيرة من الكمون + ملعقة صغيرة من الفلفل الأسود + ملعقة صغيرة من البهارات المشكلة + ملح حسب الرغبة.
ـ خلاصة الدجاج الجاهزة.
ـ 3 ـ 4 أكواب ماء للطبخ أو حسب الحاجة.
طريقة التحضير:
1 ـ نضع في وعاء كبير زيت الزيتون ونحمّيه قليلا، ثم نضع عليه البصل المفروم والثوم ونقلبه إلى أن يذبل ويصفر لونه.
2 ـ نضيف أنواع الخضار ونتركها مغطاة على نار هادئة لمدة 10 دقائق مع التحريك بين الحين والآخر.
3 ـ نضيف البهارات جميعها والملح وخلاصة الدجاج أو اللحم ونحركها جيدا. نضيف الماء حتى يغمر خليط الخضار.
4 ـ نتركها على نار متوسطة لمدة 20 دقيقة حتى نتأكد من أن الخضار نضجت.


طريقة أخرى:

المقادير:
لتر من مرق الدجاج
1 حبة جزر
1 حبة بطاطا
بصلة خضراء
1حبة كوسا
عود كرفس (سلري)
كوب من الذرة
ملح
فلفل أسود

طريقة التحضير:
1. تقطع الخضروات إلى مكعبات صغيرة
2. تضاف الخضروات إلى مرق الدجاج وكذلك يضاف الملح والفلفل الأسود ويترك على نار هادئة إلى أن تنضج الخضروات ثم يقدم ساخنا.