إلى أختي أم رامي . عاجل

غزالة الصّحراء · 2012-05-28, 14:08

السّلام عليكم ورحمة اللّه وبركاته.
تحيّة تقدير واعتراف لك ولكل العضوات اللّواتي يساهمن بكيفياتهنّ لنستفيد كلّنا. أنا واحدة ممّن استفدن من المنتدى كثيرا.
أم رامي اللّه ايعزّك . راني اطرحت عليك أسئلة فيما يخص العجينة المورّقة.
هاهي الأسئلة وأنا أنتظر منكّ الرّد فلا تبخلي عليّ من فضلك.
يعطيك الصحّة على مجهوداتك لكبيرة . جاوك روعة . تسلم أياديك . وربّي ايخليلك ابنك رامي.
شوفي حنونة. حبيت انسقسيك على معلومة انا مافهمتهاش. هي: نقوم بعملية تبادل بسيطة نقسم المرغرين شرائح نحط منها شريحة مع الفرينة وناخذ فنجان فرينة ونضيفه للمرغرين . من أين أخذتي هذه القطع من المارغرين . هل من مارغرين التوريق. وكم بالتّحديد أضع في العجينة.
اسمحيلي : "أم رامي"حبيت ثاني أنسقسيك على الملوّن الأبيض ألي يتباع بالميزان . إذا مالقيتش . بماذا يمكن أن أعوضّه؟

مشكورة

أم رامي. ربّي ايعشك .ردّي على تساؤلاتي. راني حابة أنجرّب طريقتك. بصّح راني نستنا في ردّك. ربّي ايخليلك رامي لعزيز . ردّي عليّ.
ايضا اريد ان أطرح عليك سؤالا فيما يخص الطّريقة التّي أطوي بها العجينة لمّا قلتي: ثم الجزئين فوق بعض

ثم على اثنين
ماذا تقصدين على اثنين . هل يعني : بالطّول ؟؟ لأنّكي لفيتيها مرتين وكانت طويلة حسب الصّورة. هل يعني بعد ذلك نأخذ الطول ونلفه على بعضه لتصبح لدينا طيّتين؟؟
https://up.djelfa.info/uploads/13341342061.jpg
https://up.djelfa.info/uploads/13341343461.jpg

ام رامي أكيد رايح أنزيد نطرح عليك مجموعة من الأسئلة فقط لاتتضايقي منّي من فضلك. لأنّي جرّبت الملفاي بطريقة أخرى وبمارغرين الباريسيّة لكن منجحتش أمليح .
فمن فضلك هل من ردّ بعد كلّ هذا؟

*ام رامي* · 2012-05-28, 16:26

وعليكم السلام ورحمة الله وبركاته
شكرا لك اختي الفاضلة على كلامك الجميل
الله يحفظك ويخليك
اكيد نرد عليك حنونة
500غ مرغرين صالحة هي اللي قطعتها شرائح خذي منها شريحة عادية لا كبيرة ولا صغيرة نضيفها الى كمية الفرينة اللي هي 800غ ومن نفس الفرينة ناخذ مقدار فنجان نضيفه الى شرائح المرغرين والباقي واضح
بالنسبة للملفاي اذا ما لقيتيش الملون الابيض استعملي الفوندون وحدها عادي انا تصرفت حسب الموجود مش شرط الخليط الابيض كانت عندي الفوندون قليلة اضطريت نزيدالخليط الابيض

نعم بالنسبة للطي راكي فاهمة جاتني طويلة لفيتهاعلى اثنين اذا ما جاتك طويلة تكفي الطيات الاولى يعني من اليمين الى الوسط ومن اليسار الى الوسط ثم على اثنين فقط تكفي

اي سؤال اتفضلي حنونة
ربي يوفقك

غزالة الصّحراء · 2012-05-28, 20:53

اللّه ايفرحك كيما فرحتيني بهذا الرّد المتواضع والوّاضح.
- حبيت أنسقسيك على نوع الملغارين انا عندي الملغارين البارسيّة. يادرى تصلح بها الملفاي وإلاّ لالا؟ .
بالنسّبة لطريقة طيّ العجينة كلما نطويها أنخليها كيما على الصوّر مانضغطش عليها ثمّ أنرجعها للكونجيلاتور؟ ياخي هكذا.؟؟؟
أم رامي اسمحي لي رايح أنكثّر عليك اشويّة. على خاطر جربتها بطريقة ألقيتها في واحد الكتاب بصّح منجحتش 100/100. راني حابة أنجرّب طريقتك. وعلى اللّه تنجح لي هاذي المرّة.

غزالة الصّحراء · 2012-05-28, 20:58

اللّه ايفرحك كيما فرحتيني بهذا الرّد المتواضع والوّاضح.
- حبيت أنسقسيك على نوع الملغارين انا عندي الملغارين البارسيّة. يادرى تصلح بها الملفاي وإلاّ لالا؟ .
بالنسّبة لطريقة طيّ العجينة كلما نطويها أنخليها كيما على الصوّر مانضغطش عليها ثمّ أنرجعها للكونجيلاتور؟ ياخي هكذا.؟؟؟
أم رامي اسمحي لي رايح أنكثّر عليك اشويّة. على خاطر جربتها بطريقة ألقيتها في واحد الكتاب بصّح منجحتش 100/100. راني حابة أنجرّب طريقتك. وعلى اللّه تنجح لي هاذي المرّة.
ربّي ايشدّ لك في اوليدك لعزيز رامي وفي الزّوج انتاعك. ويطوّل في عمرك. ويهنيك

غزالة الصّحراء · 2012-05-29, 21:14

أين أنت يا أم رامي؟؟؟؟؟؟ أنتظر ردّك بفارغ الصّبر. لا تتعطّلي عليّ من فضلك.

*ام رامي* · 2012-05-30, 08:12

اقتباس:

المشاركة الأصلية كتبت بواسطة غزالة الصّحراء

اللّه ايفرحك كيما فرحتيني بهذا الرّد المتواضع والوّاضح.
- حبيت أنسقسيك على نوع الملغارين انا عندي الملغارين البارسيّة. يادرى تصلح بها الملفاي وإلاّ لالا؟ .
بالنسّبة لطريقة طيّ العجينة كلما نطويها أنخليها كيما على الصوّر مانضغطش عليها ثمّ أنرجعها للكونجيلاتور؟ ياخي هكذا.؟؟؟
أم رامي اسمحي لي رايح أنكثّر عليك اشويّة. على خاطر جربتها بطريقة ألقيتها في واحد الكتاب بصّح منجحتش 100/100. راني حابة أنجرّب طريقتك. وعلى اللّه تنجح لي هاذي المرّة.
ربّي ايشدّ لك في اوليدك لعزيز رامي وفي الزّوج انتاعك. ويطوّل في عمرك. ويهنيك

آمين يارب
المرغرين الباريسية لا اعرف اذا كانت للتوريق ام عادية مش متعودة نستعملها
شوفي اذا مكتوب فيها ..للتوريق ..استعمليها ولو اني متعودة نستعمل غير ..صالحة ..لا ادري ان كانت النوعية اللي عندك جيدة ام لا
نعم اطوي ولا تضغطي عليها مباشرة الى الكونجيلاتور
ان شاء الله تنجحلك هذه المرة
وشكر ا لك عزيزتي
بالتوفيق

*أم كوثر* · 2012-05-30, 08:26

للافادة فقط اباريسية هااايلة وهي خصيصا للتوريق
شخصيا موالفة نستعملها
حظ موفق اختي

غزالة الصّحراء · 2012-05-30, 12:23

اقتباس:

المشاركة الأصلية كتبت بواسطة *ام رامي*

آمين يارب
المرغرين الباريسية لا اعرف اذا كانت للتوريق ام عادية مش متعودة نستعملها
شوفي اذا مكتوب فيها ..للتوريق ..استعمليها ولو اني متعودة نستعمل غير ..صالحة ..لا ادري ان كانت النوعية اللي عندك جيدة ام لا
نعم اطوي ولا تضغطي عليها مباشرة الى الكونجيلاتور
ان شاء الله تنجحلك هذه المرة
وشكر ا لك عزيزتي
بالتوفيق

يعطيك الصحّة على الرّد . فعلا واللّه ماتأخّرتي عليّ.
فعلا مكتوب عليها للتّوريق. لكن لم أرغب في استعمالها كنت أنتظر . تركتها جانبا وطلبت شراء مارغرين صالحة لكي تصلح معي الملفاي هاذي المرّة على اللّه.
نعم اطوي ولا تضغطي عليها مباشرة الى الكونجيلاتور . مشكورة كثيرا على التّوضيح. ربّما هذا هو الخطأ ألي عملته في المرّة الأولى كلّما نطوي .. نضغط.
إن شاء اللّه هاذي المرّة تنجحي معي. رايح أنخبرك بالنّتيجة مجرّد مانعملها.
مشكورة كلّ الشّكر غاليتي. ربّي ايخليلك لضغير رامي ويحفضلك الزّوج انتاعك ويطوّل في عمرك ويهنيك.

غزالة الصّحراء · 2012-05-30, 12:30

اقتباس:

المشاركة الأصلية كتبت بواسطة *أم كوثر*

للافادة فقط اباريسية هااايلة وهي خصيصا للتوريق
شخصيا موالفة نستعملها
حظ موفق اختي

أم كوثر يعطيك الصحّة على الإفادة. ربّي ايخليك كوثورة الغالية ألي ماشاء اللّه واخموس عليها راهي غير تكبر وتزيد تزيان. وربّي ايسهّل عليك حملك كيما راكي اتساهمي في تسهيل الكثير من الأمور على العضوات . واللّه استفدت اكثير من أعمالك . وزنها اللّه لك في ميزان حسناتك.

ربّما المشكل معي في المرّة الأولى كان في طريقة طيّ العجينة . كلّما نطويها أنزيد نضغط عليها. راهي وضحت لي ام رامي اللّه ايخليها الطّريقة .

اللّهم يسّر عليّ تحضير الملفاي على خاطر أنحبها بزّاف وكامل في الدّار ايحبوها.

manothebest · 2012-05-30, 12:48

ربي يوفقك غزالة الصحراء و إن شاء الله ينجحلك انا مازال ماجربتوش
ألف شكر لأم رامي و أم كوثر

غزالة الصّحراء · 2012-05-30, 13:26

اقتباس:

المشاركة الأصلية كتبت بواسطة manothebest

ربي يوفقك غزالة الصحراء و إن شاء الله ينجحلك انا مازال ماجربتوش
ألف شكر لأم رامي و أم كوثر

آمين ياربّ العالمين. فعلا ألف شكر لأم رامي وأم كوثر.
علس حساب توقيعك أنت تحضرين لشهادة البكالوريا . بالتّوفيق عزيزتي . اللّه ايفرحك هذا العام . ماتنسايش أتخبرينا بنجاحك. وإذا نجحت معاك الملفاي ماتنسايش حقّنا. كامل اهل الجلفة راهم معروضين عندك.

manothebest · 2012-05-30, 14:02

ههههههههه نعم أختي أكيييييييد نحضرلكم حلويات و طبخات و لكن انا نعقب البكالوريا العام القادم 2013

غزالة الصّحراء · 2012-05-30, 15:46

اقتباس:

المشاركة الأصلية كتبت بواسطة manothebest

ههههههههه نعم أختي أكيييييييد نحضرلكم حلويات و طبخات و لكن انا نعقب البكالوريا العام القادم 2013

عندك الحّق . واللّه لم أنتبه للسّنة مثل ما نتبهت لعبارة bac ميزانها ثقيل . لازم تتعبي عليها ليل وانهههههههار . بصّح ماتهربيش برك من التحضيرات أنتاع الحلوة والطّبخات. أتمنّى لك النّجاح والتّوفيق.
غير ماتخميش هاذا العام والعام القادم راه كفكيف . لعوام راهي تجري....... كاليوم أتقولي : " راني من النّاجحات " باركولي .....

manothebest · 2012-05-30, 20:16

و الله كيما قلتي الأعوام تجري