يالله توكلوا على الله ويدا بيد نتحدى من ضيع بكالوريتنا ونعاودوه وانجيبوه بمعدل شباب

[ريم91]

السلام عليكم

والله يا دنيا قهرررررررررررررررررررررررررررررررررررررررررررررررر ررر

انا بقالي شوي وانتشوكا

بصح انا صليت الاستخارة وطلبت من ربي يريح لي قلبي

انا جبت الباك ب 13 بصح ما دارتلي والوا اعطاوني علوم طبيعية في مسيلة مع العلم انا من سكان بوسعادة

والله صدقوني ان هذا المعدل لا يعكس ابدا جهدي و قرايتي .....صدقوني بلي كملنا العام بدون استاذ انجليزية ولا

فرنسية واستاذ الادب راقد والله العظيم وكان تسقسوني وش قريت في الفرنسية او في الانجليزية لا اعرف الرد

والله ....والله عينيا طابو بالبكا لما شفت المعدل ولما شفت التوجيه لكن الان الله هداني وعرفت انو مش لازم نسمح

يحقروني مرة اخرى ,,,,,,,,,,,,,,,,,


اروجكم يااخواني الكل يساعدني لاني قررت نقرا في الجامعه ومام تون نعاود الباك

1- الي عندو برنامج فرنسي وانجليزي جيد يفيدني بيه

2- الي عندوا دروس انجليزية وفرنسية جيدة يعني هو استفاد منها وتكون بشكل بسيط وفيها مختصر يعن الي يجي في الباك لانو في بزاف دروس ما تجيش

3-دروس في كل المواد

4- وكل شيء اسفدتم منه حتى لو بنصيحة

5- الي عندوا معلومات عن العلوم الطبيعية والحياة في المسيلة ونظام الدراسة يفيدنا بيه

6-والي عندوا معلومات عن العام الدراسي الجديد اذا كان الباك اصعب اولا واذا كان هناك وضعية ادماجية او موضوعين ...........

الله يدخلكم الجنة ان شاء الله

والى كل البنات الي حابين نكون ايد واحدة انا نمدلكم *****ي او الامسن ونتواصل حتى نهز كل شيء بالصيف و في العام الدراسي ان شاء الله بدو الدراسة

بالله عليكم ان تردوا لا تطنشوا موضوعي

[gnawa_diffusion]

oh purée ...... je suis tombé amoureux de toi juste en lisant t'es quelque ligne !!!!

[✗ ┋ وَړْﮃَةُ آلـﭴَزآئـړْ ┋ ✗]

أختي ريم 91 ربي يوفقك وإن شاء الله تجيبي الباك العام المقبل بمعدل أحسن أنا من المترشحين اللي راح يعقبوا شهادة البكالوريا أول مرة العام الجاي إن شاء الله تعاونوا كامل المترشحين الجدد واللي حابين يعاودوا ونقراوا مع بعض ونستفيدوا من بعضانا ونجيبوه كامل

والله باش ما نكذبش عليك الباك يقولوا عام صعيب وعام ساهل يقولو العام هاذا ساهل وراكم تشوفوا اللي جابوه الله يبارك يعني العام الجاي صعيب بالنسبة لموضوع أو موضوعين ما علاباليش تبالي مازال ما قرروش مع أنو أنا شخصيا مع سياسة الموضوع الموحد في جميع المواد كاعاد بزاف اللي جربوا موضوعين مثلا في الرياضيات تختاري موضوع يبان سهل تحلي تمرين وكي تجي للثاني يبان ساهل السؤال الأول تحبسي فيه وكي تكملي للوضعية تلقايها كيف كيف والموضوع الآخر يبان صعيب بصح حقيقة ساهل وفي الأخير تندمي واله صدقيني صرات بزاف مع ناس نعرفهم نتمنى صراحة يكون موضوع واحد

[ريم91]

لا اختي ما كنش منها واحد ما يقلقك

عزيزتي اذا حبيتي تربحي الباك ما تسمعي حتى واحد اكل يكذبوا عليك الموضوعين جيدين جدا حتى انا قالولي كيما انتي هكا بصح الموضوعين تقدري واحد يجيك صعيب ولاخر ساهل طبعا كل بمستواه

صدقيني اذا حبيتي تربحي الباك اسمعي لصوت النجاح الذي بداخلك فقط لا تسمعي احد غيره واقراي مليح ...انا راني قعدت نخمم في الابك اكثر ما قريتلوا لكثرة حديث الناس عنه وانتي تعرفي جيدا الثقافة الجزائرية

والله يوفقك يا رب

[douniazed_setif]

و انا ثاني ختي راحة نديلر كيفك نقرا في الجامعة و نعاودو مي مانكدبش عليك خايفة بزااااااااااااف لانخسرهم في 2 و أرجو ان تساعدو في الورطة تاعي دزوني بيئة و محيط و مانعرف عليها والو

[ADNANGFX]

وش نقولك يا اختي
والله غير اللي كتبهالك لربي هي اللي تجيك
ما نعرفيش كامل الخير وين راه

انا قاسوني هندسة انتاجية وميكانيكية في تيارت
معدلي 13.14 علوم تجريبية

[virus00m]

ريم 91 اختي و انا شا نقول لي داروني كلاس سبيسيال و نقرا غير 3 مواد علوم فيزيا و رياضايات
العلوم ملي يدخل وهو يدير في لاليست و يعاود حتى تفوت الساعه
الفيزياء يقوللنا الا كاش معندكش جورنان اقراوه ول الا كاش معندكش صحاباتكم اكتيفيو ال هدرة انتاع 100 و احكوها معاهم
الرياضيات قرات يومين و من بعد قاتلنا كي نفري لي بروبلام انتاوعي راني نعوضلكم
ولكن الحمد الله راني جبت الباك يعني ماشي باك انتاع الصح باك انتاع الزوالية جبتوا غير ب 10 و الحمدو الله يعني لو كان مجبتيهش لوكان راكي في حاله
المهم احمديها من ربي و السلام

[ريم91]

المشاركة الأصلية كتبت بواسطة douniazed_setif

و انا ثاني ختي راحة نديلر كيفك نقرا في الجامعة و نعاودو مي مانكدبش عليك خايفة بزااااااااااااف لانخسرهم في 2 و أرجو ان تساعدو في الورطة تاعي دزوني بيئة و محيط و مانعرف عليها والو

انظري اختي لا تفشلي فقط قوي ارادتك ..........وان شاء الله نقراوا مليح وانجيبوه ونظمي وقتك برك يعني كل عطلة ديريها للباك وشوي جمعه وسبت هكذا ان شاء الله ما نضيعوا والوا

[ريم91]

المشاركة الأصلية كتبت بواسطة ADNANGFX

وش نقولك يا اختي
والله غير اللي كتبهالك لربي هي اللي تجيك
ما نعرفيش كامل الخير وين راه

انا قاسوني هندسة انتاجية وميكانيكية في تيارت
معدلي 13.14 علوم تجريبية

اخي العزيز

عندك الحق بصح راك تعرف لما تقرا وامبعد تحس روحك محقور لكن الحمد لله انا الان تيقنت بان كل شيء بالمكتوب

وانت يا اخي اذا كانت عاجباتك هذي الدراسه واحد ما يقلقك وما كالاه تعاود الباك ...واذا شت الاحسن تعاودوا دير وش تريحلوا بصح بلاك تبلوكي العام لان هذه الدراسه يعني تعودك على الجامعه وجوها

والله يعيناا يا رب

[ريم91]

المشاركة الأصلية كتبت بواسطة virus00m

ريم 91 اختي و انا شا نقول لي داروني كلاس سبيسيال و نقرا غير 3 مواد علوم فيزيا و رياضايات
العلوم ملي يدخل وهو يدير في لاليست و يعاود حتى تفوت الساعه
الفيزياء يقوللنا الا كاش معندكش جورنان اقراوه ول الا كاش معندكش صحاباتكم اكتيفيو ال هدرة انتاع 100 و احكوها معاهم
الرياضيات قرات يومين و من بعد قاتلنا كي نفري لي بروبلام انتاوعي راني نعوضلكم
ولكن الحمد الله راني جبت الباك يعني ماشي باك انتاع الصح باك انتاع الزوالية جبتوا غير ب 10 و الحمدو الله يعني لو كان مجبتيهش لوكان راكي في حاله
المهم احمديها من ربي و السلام

شكرا اختي على الرد

هذي حياتنا وش نقلك يعني هذي الدوله مهتمه اكثر شي بتاع الشمال ...وفي الحقيقة الله يعين الوزراء يعني ما عندهمش المقدره يراقبوا وطن باكملوا يعني في النهاية هم بشر و العيب في مدراء المؤسسات الذين هم بدون كفاءات

[ريم91]

يالله اين البقية ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


لا تتركوا طريقا للفشل

[jana46]

chui avc cous jé 15.19 +mathelem darouni architec yakhi tamaskhir

[sofiane_2052]

يا جماعة انا راني مشوكي
انا عندي13.45
وعطاوني حاجة مخيرتهاش خلاص ومش حاب نقولها
لحل لي عندي
اما نعاوند لباك
ولا نقاجي
؟؟؟؟؟؟

[tarikou]

li 7ab y3awed bac aw ybedel yfowto math khir men tejribi prsq awlawiya daymen lihom w zid na9raw kif kif ghir science 7na ktar w f batel ebin yedharli tfowtouh math w frat w mathabouch menha rana khir menhom

[marina-sa]

اهلا ريم
حبيت نجاوبك psk moi aussi bousaadia
ربي ينجحك وماتخافيش
سارة من بوسعادة