للمتزوجات + المخطوبات فقط

asma123 · 2010-09-20, 10:33

السلام عليكن اريد من كل سيدة متزوجة او فتاة مخطوبة
ان تروي اخطاءها مع زوجها او خطيبها لنستفيد من اخطاء بعضنا
ونتفادى الوقوع فيها
عني انا فخطئي اني شديدة القلق ولا استطيع التحكم
في افعالي وكلامي اثناء القلق فاجرح مشاعره دون قصد

أم احمد3 · 2010-09-20, 10:39

نفس الخطأ...............

asma123 · 2010-09-20, 10:42

لازم نغيروه والا نندمو شكرا على الرد

RaBaB · 2010-09-20, 11:09

موذذفكرة الموضوع هايلة
مشكورة واكيد راح ينفعنا بزاف

ليا عودة نشالله ¨^

maramme5 · 2010-09-20, 14:26

انا غلطتي اني تخطبت لواحد ما نحبوش و ضرك ما قدرتش نتعامل معاه مليح هو مليح معايا بزاف و انا ميش مدياتو حقو

البلبلة · 2010-09-20, 23:36

ربي يوفقكم في زواجكم
ويخليكم لبعضاكم
ويبعد عليكم المشاكل
انا مازالني صغيرة
راني غير 17 سنة

RaBaB · 2010-09-23, 20:10

انا رأيي انو كل مشاركة نتناقشو عليها
يعني نجبدو موضوع وكل وحدة تدخل تكتب تجربتها مع الموضوع
واش رايك حبيبتي أسما ؟
مودتي ¨^

asma123 · 2010-09-23, 21:03

السلام عليكن انا مغنديش اي مشكل
شكرا لك اختي رباب يعطيك الف صحة فكرة رائعة
وانا من جهتي اول واحدة راح تمدلكم رايها في المواضيع التي ستطرح

وئام الروح42 · 2010-09-24, 10:19

فكرة رائعة
انا غلطتي اني متسرعة ما نخليهش يشرحلي فكرتوا حتى نطير فيه
واكبر غلطة نديرها او هو تغيضوا بزاف كي تتناقش معاه ما يعجبنيش رايوا نكوبي التلفون فب وجهوا
وشنوا تحبوا الصح بدا يفهم بلي انا في حالتي العادية نحب نهدر 'تقدروا تقولوا ما نسكتش ) مي كي نتجرح ولا نزعف ولا ما تعجبنيش حاجة نتبكم 'نسكت لا اراديا)
انا لقيت الحل باني شرحتلوا حالتي يعني صارحتوا باني نسكت لا اراديا او ننعزلللللللللل
او مع ليامات هو بدا ايروماركي وحوا
انا الانسان الوحيد في هاذي الدنيا اللي نرجعلةا كي نكون زعفانة هو بابا
سالني خطيبي وعلاش من الناس كامل الي تكلميه كي تكوني زعفانة فهمت بانوا بابا هو اغلى الناس حتى اذا غلطت معاه في الهدرة راح اسامحني لاني بنتوا قطعة منوا
مي راجلك ولا خطيبك مهما حبك مهما تفاهمتوا حياتكم ديما قادرة تتهد على شعرة
بكلمة هي كلمة طلاق
اما في قاموس الاب والابناء ماكانش حد

ranya · 2010-09-24, 15:12

السلام عليكم
فكرا جد جميلة مشكورة اختي العزيزة
صراحة انا عندي مشكلة منذ شهرين معرفتش كيف نحلها
انا نحب نزعق بزاف و في يوم زعقت بحبي و هو ضن اني نتاستي فيه لاكن مكانش قصدي انا عطيت وحدة هدرت معاه و قاتلو لقيت هذا التليفون اذا كنت تعرف ملاه ارواح اديه وانا قلت انروح انا نجيبو باش نشوفو مي هو فهمها ................ماهو الحل يا اخواتي؟؟؟؟؟؟؟؟؟؟

RaBaB · 2010-09-27, 16:54

سلام أختي وئام الروح كيف حالك؟
وكيف حال خطيبك؟

بخصوص العفسة الي راكي تديريها وتكوبي عليه التيليفون
عادة ماشي مليحة ونظن راه علابالك شحال سيئة يكفيك انك تتخيليها تصرالك نتي معاه
يعني ينقلب الموقف
واش كنتي راحا تعملي؟

انا نظن راكي تظلميه بهاد التصرف حاولي تبطليه
انا بصراحة كانت فيا ومع الوقت بطلتها
بالتأكيد بالعقاب والزعاف هههههههههه

وبخصوص السكات الي يحكمك كي مايعجبكش كلامو
فــوصفتك جيدة أختي وئام الروح
عملتي مليح كي فهمتيه
بصح حاولي تنقصي منو لغاية ما تحبسيه
وحوسي على اسلوب وحداخر باه تفهميه انك مش متفقة معاه

خاطر ربما راح تكسبيه نقاط عوض ان تكسبيهم نتي
فهمتيني وئام؟
قصدي اذا لعبتي نتي هاد الدور وتحملتيه وتفهمتيه أكتر مما هوا يتحمل اخطاءك
تكسبي نقاط ذهبية وربما تربحي الورقة الرابحة

هاكدا كانت تسميها وحدة جارتنا متزوجة كانت تقولي :
قد ما ربحتي اوراق رابحة صدقيني راحا تلقيهم في الشدة

وغير هادا نتي ماعلابالكش وينتا راحا تغلطي
يعني اذا خبيتي هاد الاوراق الرابحة أكيد راحا تلقيهم في اكتر الوقت ضيق

ماعلاباليش اذا فهمتيني ولا لالا مي الي راني متأكدة منو اني نتمنالك كل كل خير ختي

تقبلي تحيتي أختي وئام وربي يكملك بالخير ويهنيك ويفرح قلبك
وكل لبنات نشالله

RaBaB · 2010-09-27, 17:06

اقتباس:

المشاركة الأصلية كتبت بواسطة ranya

السلام عليكم
فكرا جد جميلة مشكورة اختي العزيزة
صراحة انا عندي مشكلة منذ شهرين معرفتش كيف نحلها
انا نحب نزعق بزاف و في يوم زعقت بحبي و هو ضن اني نتاستي فيه لاكن مكانش قصدي انا عطيت وحدة هدرت معاه و قاتلو لقيت هذا التليفون اذا كنت تعرف ملاه ارواح اديه وانا قلت انروح انا نجيبو باش نشوفو مي هو فهمها ................ماهو الحل يا اخواتي؟؟؟؟؟؟؟؟؟؟

امممممممممممممم وضعك لايحسد عليه :d
بصح حاولي تفهميه برك

wassila21 · 2010-09-27, 19:36

سلام، بالنسبة ليا عندي مشاااااااااااااكل في نفسي أنا.
أولا، أني ما نهدرش بزاف، هو يحكي بالسوايع و ما يعياش و أنا غير ساكتة و إذا كثرت نحكيله على حالة والديا هذا ما كان، ما نلقاش مواضيع نحكي فيهم معاه، و أذا كان موضوع يخص زواجنا و كانت عندي فكرة نبعثله ميساج راني عامين نتفاهم معاه غير بهذه الطريقة ،تخيلوا مرة والدتي قالتلي سقسيه الكيل تاع نافذة الغرفة ، بعثتله ميساج ،نحشم منه بزاااااااااف و حتى هو بدأ يوالف و لكن راني نخمم للمستقبل تبقى فيا طبيعة.
ثانيا، أنا مقلقة بزااااااااااااف و بسرعة نزعف و نبين زعافي، حتى مرة قال لي كلام خوفني ، راني نتدرب باش نمسك أعصابي ، ربي يستر برك

و مازال و مازاااااااااااااال حكايات

عفة روح · 2010-09-27, 19:52

الفقير إلى الله2020 · 2010-09-27, 21:01

تعرف ماهي رسالة الله إليك ؟؟؟

رسالة الله إليك هي القرآن

شاركوا معنا في حملة القرآن الكريم

للتسجيل إضغط على الرابط التالي

إضغـط هنــا