من يفهم فن التعامل مع المرأة ؟؟

[حميد 78]

السلام عليكم ..................سؤال بسيط أسئله واريد الاجابة من خبراء المرأة ..

كيف يمكن التعامل مع المرأة لكي تدوم العلاقة وتستمر ولا تنغسها اي منغسات ؟؟؟

ما هي نفسية المرأة وكيف يمكن التعامل معها ربما لا يوجد من يمكنه فهم المرأة الا هي ؟؟

[dana maram]

ماكاش حاجة اسهل من معاملة المراة اهم حاجة تحوس عليها هي راجل حقيقي يعني صادق و يحترمها و يقدرها يعني يعرف قيمتها و اهم حاجة لازم تحس معاه بالامان يعني ماتخافش منو باي شكل من الاشكال متخممش دايمن بلي ممكن يبدلها و لا يخونها ..................... و ثاني تحب تعيش معاه في الفقر و الغني يعني ماشي غير يترفه شوية يبدلها .................................................. .....

[حميد 78]

السلام عليكم.........................ربما ما قلتيه صحيح بالنسبة لك انت لكن النساء لسن مثل بعض ...أنا أرى ان الرجل هو الذي اصبح يخاف من ان تغيره المرأة ؟؟؟؟؟

[dana maram]

و عليكم السلام
يا خويا الراجل الي تغيرو مرا مايستهلش كلمة راجل الا اذا غيراتو للاحسن هنا تولي فيها هدرة و حدوخرة ...............

[حميد 78]

السلام عليكم .................انا لم اقصد تغير طباعه قصدت تغيره برجل ثان ................

[dana maram]

اه اوكي و الله هادي الدنيا فيها كامل الانواع كيما كاين رجال خداعيين كاين نسا ثاني خداعيين لكن على حسب علمي ان نسبة النسا اقل بشوية بسبب العادات و التقاليد و نظرة المجتمع للمرا الي تخدع الي هي عكس نظرته للرجل الخداع يقولو ايه هوا راجل مايعيبو والو ........... ولا نزوة وتفوت معليش اصبري مصيرو يرجع ....المهم عندنا وحد المنطق معوج كامل رايح فيها .............. المهم خويا مازال كاين الخير في الدنيا كاين رجال صح رجال و كاين بنات الفاميلية عندهم مبدا و يخافو مولاهم و مربيين مليح باه تعرفهم راهم يقولولهم البيريمي و الحابسات في هدا الوقت ..................

[حميد 78]

هههههههههههههههه شكرا على الصراحة .....................

انا اعتقد ان الرجل ان خان المرأة فاعرفي ان السبب المرأة وليس الرجل الا في مرات قليلة ....................

[dana maram]

صح ممكن لكن من المستحيل نلقو لوم فشل زواج ولا تهديم اسرة على طرف واحد اللي هوا الزوجة الذنب يتحملو كلا الطرفيين و ممكن في بعض الحالات 3 اطراف الا تدخلت مرة وحدوخرة في العلاقة وممكن عدة اطراف الا تدخلت الاسرة و ممكن مجتمع كامل المهم نولي للسبب الاول الي هو الزوجين اللي من الممكن الزوجة تهاونت في بعض واجباتها اتجاه الاسرة علاه ميصبرش شوية عليها الراجل و يكون بيناتهم حوار و يوجها و ينصحها و هو يفوت مرة كيما هيا فوتتلو شحال من مرة و ين راهي المودة و الرحمة .................................

[حميد 78]

فعلا كلام جميل لكن في الواقع من الصعب تطبيقه .............بالنسبة للطرف الثالث اعتقد ان الزوجين الصادقين والوفيين لحبهم لا يمكن ان يهدم عش زواجهما اي احد ولو كان من اقرب المقربين ..............في هذا الزمان ينقص شيء وحيد هو الصدق القلب الصافي الذي لا يعرف الخداع ............

[dana maram]

ليس من الصعب تطبيق هدا الكلام ادا كان الاختيار صح من الاول يعني يكون كل واحد حاط فكرة في راسو حول شريك حياتو المستقبلي و تكون نظرة واقعية معنتها الواحد يشوف السلبيات قبل من الايجابيات و يدرسها الا يقدر يتعايش معاها و يصلحها ولو بشكل جزئي و الا كل واحد ربي يسهل عليه ويرزقو احسن من الثاني معنتها كل واحد يحط اولويات لازم يلقاها في الطرف الاخر مثل التدين قلت التدين ماشي التعصب و التطرف ........... ولا الاصل والاخلاق الطيبة معا كل هدا الواحد ميقدرش يحكم على الاخر الا بعد العشرة هدا ماشي معناه الراجل يعيش مع المرا كاش 20سنة و مبعد يكتشف انها ماشي مناسبة ليه او العكس لكن الواحد يحاول يختار صح و في النهاية اللي كاتبها ربي لازم نعيشوها

[حميد 78]

شكرا لك على التفاعل مع الموضوع ................ههههه لقد غيرت نظرتي لك ؟

[dana maram]

شكرااا لك انت سعدت بالحوار معك هههههه على ما اظن انها عربية فصحى اوكي ههههه

[حميد 78]

المشاركة الأصلية كتبت بواسطة dana maram

شكرااا لك انت سعدت بالحوار معك هههههه على ما اظن انها عربية فصحى اوكي ههههه

لم أفهم ما معنى ربما لغة فصحى

[dana maram]

و لا انا عارفتها وقيلة من الفصاحة يعني الصحيحة و المفهومة المهم صحيت خويا و نتمني تسمع اراء اخرى حول موضوعك من اعضاء المنتدى .

[1954مريم]

السلام عليكم اخي الكريم اردت معرفة شخصية المراة فالمراة ليست مخلوف عحيب او غريب او مخلوق فضائي هي اولا انسان له مشاعر واحاسيس وشخصيتها تنطبع من خلال المجتمع الموجوزدة فية والاسرة
اما عن الثقة والخيانة هذا يعود للبعد عن الدين والتقليد لاعمى للمسلسلات والافلام اخي الكريم خيانة خيانة لطرفين بغصض النظر للمجتمع بل ننظر لها من جهة خالق المجتمع ....لاتز وازرة وزر اخرى
المرأة مع من تخون مع رجل هو من ساعدها لوكل الرجال غظو ا ابصارهم وتركوا الفاسقات دون ادنى اعتبار مع من تنحرف المرأة لكن الرجل هو مشجع لانحراف المراة سواء كان زوج او اخ او اب اين القوامة ؟
كذلك ننظر للمجتمع نسبة الزواج في صفوف المتبرجات والمستهرات وهذه رسالة ودعوة للانحراف بعنوان من لاتتبرج لاتتزوج
وعن معرفة التعامل بين الزوجين عليك بكتاب رائع جدا وهو كتاب المرأة من الزهرة والرجل من المريخ
والسلام