انا اطالب بالاشراف............اليس من حقي؟؟؟؟

[ل..ب..ن..ى]

السلام عليكم ورحمة الله تعالى وبركاته


موالفين كي تشوفو مواضيع كيما هادي
تطالب بالاشراف
و... انا اكره هدا العضو ووووو
في الاخر نلقاووا فيها زعما زعما
حكمة شابة
تهدي بعض اعضاء الامة


انا مافيها لا هادي لا هادي

راني نحكي ديراكت

انا اطالب بالاشراف .............
1*راني كبيرة في السن ........ يعني السن القانوني للرشد 19 سنة
راني لحقتلو ......
2* عندي شهادة البكالوريا....... اقصد الحمد لله قارية
3* صارلي عامين في المنتدى ........... ونعرف كل ركن في المنتدى
4* عمدي ايكسبيريونس في الحظر ........... حافظة القوانين ....الحمد لله
5* عندي 43 صوت اعضاء هههههههه
.......... يعني كاين على الاقل 43 عضو في المنتدى يحبني

واش مانستاهلش الاشراف على الخيمة الجلفاوية ؟؟؟؟؟؟؟؟


انا اطالب بالاشراف ....... لا لأنني احب المسؤولية
فبالعكس انا اكره المسؤولية
ولا احبد الاشراف


ولكن ما نحبش الحقرة


أرجوووووووووووكم أيها المشرفون
خلو الموضوع سمانة واحدة برك

لمادا نغطي الشمس بالغربال .........
الاستطلاع ... ندته اسبوع واحد فقط

خلوه يكمل
برك باش نعرف الحقيقة ادا كنت ماعارفتهاش انا !!!!
ولا تعرفو الحقيقة اللي ماراكمش تشوفوها
ولا ماحابينش تشوفوها


ماشي انا اللي خصني الاشراف
خصنا مشرف جديد في الخيمة
يصوتو عليه الاعضاء بردودهم لان الاستطلاع فيه غش
وماكاش مصداقية

والاعضاء اللي يصوتو لازم تتوفر فيهم شروط تؤكد انهم عاشو في المنتدى فترة تؤهلهم للتصويت

..............
انا لست ضد الادارة تاع المنتدى
بصح اؤكد لكم ان الحقرة ستؤدي بالمنتدى للتهلكة...........
راح الشعب الاعضائي كامل يرفد قشو ويروح !!!!!!

ويرجع المنتدى الى ماكان عليه اول ايامه

ماناش حابين نخسرو المنتدى
خاطر تربينا فيه وكبرنا مع بعض

ايه صح تربينا وكبرنا ......... لوكان تقعد 6 اشهر برك في المنتدى
راح تتربى ولو باية
راح تكبر ب6 اشهر !!!!!!!


موضوعي هدا ليس انقلابا عسكريا اقصد انقلاب ضد الادارة
تعرفوني شحال حكيت على الديمقراطية في المنتدى
وحُظرت وانا احكي على الديمقراطية في المنتدى

حدفت باقة من مواضيعي تحكي على الديمقراطية
واش درت؟؟؟؟؟؟
غلقت فمي ..... لالا هدرت شوية عاود تغلق فمي ....
علاه؟؟؟ خاطر ماعنديش الحق نهدر !!!!

اهي القوانين؟؟؟؟
مامعني قانونا يمنعك من الابداء برايك؟؟؟
مامعنى قانونا يحدف ردك لانه لا يناسب رايه الشخصي في الموضوع

اكتب موضوعي هدا بعد تعرضي لهجمة حدف
ماراحش نشتكي لكي لا ينقل موضوعي لقسم الشكاوي

انا لا اشكي يا ادارة المنتدى .... فقسم الشكاوي احفظ مكانه في الصفحة الرئيسية
انا لا اخون المنتدى يا ادارة.......... لانني بكل بساطة احب المنتدى وتعلقت به
انا اطبق امر الله .........
قال الله تعالى: {وَأَمْرُهُمْ شُورَى بَيْنَهُمْ} [سورة الشورى: آية 38‏]

انا اشاور اخواني بالمنتدى
هل يودون مشرفا جديدا لهم

لن اشاورهم واقول:
ياالله نعاودوا قائمة الاشراف
واللي يستاهل يقعد هنا


ماقلتهاش باش مانرجعش في شكوى

ادن انا اود لو يترشح اهل الاشراف بالخيمة
ويقوم الاعضاء بالتصويت على من يرغبونه مشرفا جديدا بالخيمة
والتصويت يكون من خلال الردود لا الاستطلاع


اود مناقشة الموضوع
لا بعبارة......... تم التصويت

وشكرا لكم اخواني


سلاااااااااااام