غزال يعتزل اللعب دوليا

النور نور اليقين · 2010-07-01, 20:07

ما تتخلعوش و ما تفرحوش

على بالي بلي عنوان كيما هدا راح يجبد اللي يحبوه و يعرفو قيمته و يفهمو بلي حتى احسن لاعبي العالم يديرو اخطاء

و راح يجبد تاني المسنطحين و اللي يعرفو غير يعسو الللاعبين ( و حتى في حياتهم اكيد يعسو في خاوتهم وجيرانهم و زملاءهم وووووووو

لوكان جا غزال ما يسواش تاكدو بلي ما يجي حتى نادي يحوس عليه و يشريه

ما نظنش بلي الطلاين حابين يخسرو دراهمهم في الجزايريين

اللي نسا الهدف تاعو ضد مصر ولا الهدف تاعو ضد روندا

انا نقولو ما ينطبق عليك الا المثل القائل ( ياكل في الغلة و يسب في الملة )

اما اللي راح يستنتج بلي سعدان هو اللي مش مليح

انا نقولو بلي سعدان ما هوش سحار و ماعندوش خاتم سليمان و مش هو اللي يدخل يلعب في بلاصة اللاعبين

ولوكان مش الخطط تاع سعدان كون رانا تبهدلنا بمهرجانات اهداف

فريق مليح لازملو وقت

اعتذر لاكان فرحتكم ولا غششتكم بهذا العنوان - المقصود -

جنان14 · 2010-07-01, 20:12

انا فعلا اقدره ختى روني ورونادو ما سجلوش وما خلاصتش الدنيا وكل لاعب معرض أنه يغلط

النور نور اليقين · 2010-07-01, 20:30

احنا عندنا الخطا ممنوع

كون كل واحد فينا يشوف شحال من غلطة يديرها في اليوم مانظنش بلي يقدرو يزيدو يعلقو

بصح المشكل انه البعض يقولك " راه لاعب محترف - كيفاش يدير غلطة كيما هادي "

هدا يبين بلي ماكاش ثقافة كروية

روحو حوسو على اخطاء اللاعبين العالميين

اللي دخلو اهداف ضد بلدانهم و غفرولهم

شوفو مارادونا شحال من مرة استخدم يدو

اللي ما يعرفش الامور هادي انا نقولو ثقف روحك و ارحم شوية

ayoubesg10 · 2010-07-01, 20:41

راني فاهمك بصح حنا خويا نحكيو بالواقع.................هدا جوار يلعب مهاجم خاطي ديفنسار والمهمةتاعو راهو فشل فيها لاكثر من 12 مباراة.................بصح الشي الي محيرني هدا الجوار كيفاش بارد
الدم هكا؟؟؟؟؟؟؟؟

dina-dz · 2010-07-01, 20:50

كبير يا غزال

مانو · 2010-07-01, 20:54

اقل مثال ميسي لم يسجل و غزال مع الكبار ههههههههههههههههه

النور نور اليقين · 2010-07-01, 20:54

على حساب هدرتك حتى روني و كريستيانو رونالدو ماهمش دي جوار

درك نهدر مع كابيلو و كيروش---- اااااااااااه وي لازم ينحيوهم

ما تقوليش برك هاداك روني و لاخر رونالدو و فرق كبير بينهم و بين غزال

بصح علاه تقول عليه بارد - لازم يبزق في الكاميرا ولا يسب الجمهور كما دارو ( رونالدو و روني )

ولا لازم يبكي دم

علاش انت كي تشوفو ديما متبسم تحسبو ما يحسش و مش حاب يلعب مليح

كاينين عباد هكدا و ربي خلق و فرق

عبد الكريم علي · 2010-07-01, 21:00

غزال كان يوظفه سعدان في غير مكانه الأصلي لذلك لم يسجل لكنه يبقى لاعبا موهوبا لو استغلت إمكانياته في موقعها الصحيح ..ولا ألوم سعدان لأنه لم يعثر على البديل وما كان أمامه إلا غزال وصاحب الدار وحده يعرف اللي يصلح واللي ما يصلح والبراني دائما يشوف بعين قلبه