البطاقة الحمراء لعنتر يحيى

[كنوز المعرفة]

بسم الله الرحمان الرحيم

والله يعني قلبي معمر من البارح وحبيت اليوم نفرغوا
وحبيت نهدر على ماتش البارح الجزائر وامريكا كونا قادرين نسجلو في الدقيقة السادسة والحظ ماكانش عنا
بصح انا نقول الحق الهجوم صفر ماعادا مطمور والله هو كان رجل المباراة تلقاه دفاع هجوم وسط كان فور
خرج زياني وكنت حابة يخش بودبوز دخلي قديورة قلت بلاك هدي المرة يحطو هجوم مادام خرج مطمور جابلي بلاصتو غزال الموحال
والله في القهوة الي تحتنا تسمعهم يقولوا هدا ملاد يعني مريض لاه يخش فيه اوووووووووووووووووووووووووووووو
وانا الي نرفزني بزاف خروج عنتر يحيى لو تعاد اللقطة تشوف حليش تدخل بقوة ومعاه يبدة والي هداهم هو عنتر وراح للحكم فقط للتهدئة يعطيه حمرة هدا وعطاهالو بطريقة كون نعاودو نشوفوها بلي محترمش اللاعب ماجعلني اتنرفز زيد والتماس الي هي جزائرية سي عمي الحكم قلبها مريكانية باه لا يخيب ظن الرئيس السابق مع مدير الفيفا هدي فيها انة
المهم حنا مثلنا روحنا احسن تمثيل
والمصريين ماحبوش يقتنعوا املا الحيوط في الدنيا بزاف الي تلقاه اخبط راسك فيه
لولاه يقولك حنا احق بالتاهل يا عمي يا عمي ماركينا بيت ماي تسلل ماهي خطا المهم انت غياريين الله لا حبيتونا حنا منسحقوكمش وكي يرجعو نروح نستقبلهم هازا الورد ومكرا فيكم

[محمَّد أمينْ ~]

أختي أرجوك زوري موضوعي بعنوان ترفعوا عنهم، الجزائر مثلت شعبها

البطاقه الحمراء غير مستحقه لكنها لا تهم لأننا خسرنا في كل الأحوال

[كنوز المعرفة]

شكرا على الرد وانا ثاني قلت مثلونا احسن تمثيل

[كنوز المعرفة]

شكرا لردك الاعصار انا مهما كان معهم

[amlamdja]

one two threeeeeee
viva l'Algérieeeeeee

[كنوز المعرفة]

راح نحبس نكتب خطراكش ماتستاهلوش كل مرة نلقى ردين برك مع ان عدد المشاهدا فاق 50

[كنوز المعرفة]

راح نحبس نكتب خطراكش ماتستاهلوش كل مرة نلقى ردين برك مع ان عدد المشاهدا فاق 50

[سطايفية بكل فخر]

كفى لوما كفى كفى كفى

[حسين افترى]

يمكن الحكم مرتشى !!!!

[سطايفية بكل فخر]

المشاركة الأصلية كتبت بواسطة كنوز المعرفة

راح نحبس نكتب خطراكش ماتستاهلوش كل مرة نلقى ردين برك مع ان عدد المشاهدا فاق 50

لالا يابنت بلادي ماتقوليش هكذا راني قلتها قبلك وبينولي العكس رانا عايلة وحدة وهذي الحوايج هي لي تفرقنا انت ديري لي عليك وهوما يدبرو روسهم يردوا ولا يقراو

[karima.akram]

هذيك مزال مافهمتهاش قضية البطاقة الحمراء

[karima.akram]

المشاركة الأصلية كتبت بواسطة حسين افترى

يمكن الحكم مرتشى !!!!

من كلامك انت مصري يا اخي روح لعب بعيد

[كنوز المعرفة]

المشاركة الأصلية كتبت بواسطة حسين افترى

يمكن الحكم مرتشى !!!!

عمي موت بالغيرة روحنا وخليناكم ههههههههههههههههههههههههههههه فيفا لالجيري 123.
دعه يتكلم اتركه يتالم

[كنوز المعرفة]

المشاركة الأصلية كتبت بواسطة karima.akram

هذيك مزال مافهمتهاش قضية البطاقة الحمراء

شكرا على ردك كريمة مهما كان راني معاهم وراح نستناهم ل2014 وراح نبقى معاهم مهعما كان

[حسين افترى]

المشاركة الأصلية كتبت بواسطة karima.akram

من كلامك انت مصري يا اخي روح لعب بعيد

المشاركة الأصلية كتبت بواسطة كنوز المعرفة

عمي موت بالغيرة روحنا وخليناكم ههههههههههههههههههههههههههههه فيفا لالجيري 123.
دعه يتكلم اتركه يتالم

ليه كده بس
دا احتمال كبير يكون الحكم مرتشى ونحن نطالب بنقل مقر الفيفا من سويسرا نوديها كفر ابو اتاتة