دنية العجب

[أبوبكر/ح]

هذه القصيدة ، سبق لي و نشرتها في منتديات ( الشروق ) قبل أن اقرر الانضمام لمنتدى الجلفة و نشرها و محاولة نشر كل كتاباتي الى في هذا المنتدى الذي أتمنى أن أجد فيه ما افتقدته هناك .
عَجَبْ العُجاب دنيتنا عَجْبـــــة ....
................مايل ديما حالهـــــــا مليان أعجب
هذا زاهي بضحكتك و بلا سبّه...
...............و لاخر من غاشيه متزعف يغضب
و هذا بَزّْ أصغير يحلم بالهربه....
..................و هذا شيخ أكبير طامع فالمكسب
هاذوك أنساوين عاشوا بالطلبه...
....................و أنساوين أْخْرِين بالزينة تلعب
و هذا ثاني عشرته مُرّة جربة .....
.................و لا خر عيْن أتفجرت مليانة حُبْ
و هذا قاع أفهامته حجم الكُبَّة .....
.................و لاخر عُمق فهامتك علم مجرب
و كاين منّا اللي حياته غي كذبه....
...................وكاين منهو عاش مترفح بالكذب
و فينا الخاوي اللي ما فيهش طبّه..
........................و العامر أصحيح للقلة ينسب
هذا ناقص دين يعبد في قبّة.....
.................و لاخر مولى دين عارف و مرتّب
و هذا ما يقرا ما تبع سبّة....
.....................ما يعرفشي كبدته وين من القلب
و لاخر بين سطور هاذيك الكتبه....
.....................يعرف كي يقرا يحكي لك لعجب
و فينا اللي بالبخل أكبر و تربّى....
...................و ما يفهمشي فوق يعرف ما يحلب
و فينا اللي مهوش قانع ما يَعْبَى...
.....................و فينا اللي كَـــــريم قانع ما يتعب