لقد ماتو في حوادث بمجتمعي......وانا تعلمت وفهمت ماكان مبهما!!!

[ل..ب..ن..ى]

السلام عليكم ورحمة الله تعالى وبركاته

صرا في مجتمعي .................

العام اللي فات في شهر ماي
4شبان استاجروا سيارة من دار للايجار
وخرجو للنزهة بعيدا عن المدينة

في البداية كانو 3
ومرو على صديقهم الرابع
مرو عليه وهو كان رايح لدارهم
قالولو: واش فلان ماتجيش معانا نحوسو؟؟؟

قاللهم : لا ... ماهيش في بالي التحويسة .

قعدو معاه : ايا ارواح نجوزوا نهار شباب و...و...و...

وفي الاخر استسلمو وقالولو: ايا ومبعد اتهلى في روحك ...

هما راحو حتى عاود عيطلهم
قاللهم: دقيقة راني جاي

راحو الجماعة ...وفي طريقهم ربي كتب
ودارو حادث سير

نجا ال3 وقعد الرابع --اللي ماكانش حاب يروح معاهم في البداية--
وقغد في السيارة
انحرقت السيارة
وانحرق الشاب ابن العشرينات

رجع فحمة سوداء بها روح ...!

دخل الشاب الى كوما
والداه يدعيان له وكل احبابه

خرج من المشفى ورجع لدارهم ....
قعد 20يوم وهو في اسوا العداب

حتى اضحت والدته تطلب الله ان ياخد روح ابنها
لم تقدر الصمود امام الم ابنها .....!

مات الشاب باسوا حالاته

-الله يرحمو-

في ماي من سنة 2010
اقصد هده السنة
استاجر ال3 شبان الباقون على قيد الحياة سيارة

اخدوا مايلزم للنزهة
وانطلقو نحو غابة قريبة من شاطئ رشقون
التابع لولاية عين تموشنت

في طريقهم نطق احدهم فقال :

العام اللي فات كيما هدا الوقت كنا 4
هدا العام رانا 3
والعام الجاي ربي يعلم!!!

قالولو صحابو: ايا ماتفكرناش باللي صرا
ياك رانا رايحين نحوسو !!

وصلو الشبان ال3 الى الغابة
قعدوا هناك وكان صاحب المقولة بالاحمر فوق
يتصور
كان حاب يتصور بزاااف تصاور باه منين يخرجهم يكونو مجموعين
وبزاف

المهم قال لصحابو حاب نتصور وانا نقز //اقفز// من روشي //صخرة كبيرة//
قالولو انعل الشيطان رانا جايين نحوسو في الغابة
ماشي في البحر

قعد معاهم معاهم ...حتى قالولو ايا نروحو للبحر

صعد الشاب على صخرة عالية
وقاللهم ايا صوروني الفوق ومن بعد صوروني وانا نقز

صوروه وهو في الاعلى ينظر الى البقعة التي سيقفز فيها
ثم قفز الشاب

ولكن..........................
دخل وماخرجش
خلى من موراه بقعة حمرا....!


اصطدم بصخرة
وكانت نهايته كدلك


--ربي يرحمو---



************************************************** ******************************************


شاب في العشرينات من عمره
كان سيحتفل بيوم زواجه
في الاسبوع الاخير قبل زواجه كان رايح هو واصحابو يعرضو

قبل ليلة العرضة ...نامت ام العريس جنازة ببيتها
ففي الصباح استيقظت
وقالت لابنها :
ربي يحفظك يا ولدي ماتروحش
ادا راك حاب دعوة الخير وربي يسخرلك في زواجك ماتروحش

الراجل ماحبش يخلي خاطر امو
قال لاصحابو روحو انتم وانا راني قاعد

قعد هاكداك كاره راح يرقد وهو مشنف ...!

وقعت الفاجعة
وصل خبر حادث مريع قام به رفقاء العريس وهم في طريقهم
ولم ينج احد منهم ...!
راحت والدة العريس تجري تنوض ولدها باه تخبرو

هي توقظ فيه فادا بروحه ليست بجسمه
مات مع اصحابو.....


انا بهده الحوادث رحت نسقسي وبحثت عن معلومة كانت خاطئة بدهني

طالما اعتقدت ان الله يكتبلك وقت ومكان الدي تموت فيه
ولكن اكتشفت ان الله يكتب لك الزمن بالتدقيق الدي ستموت به
ولكن المكان انت المسؤول عنه ..................


وهدا وجدته منطقي اكثر من فكرتي السابقة عن المكتوب
فبهدا المنظور:

الواحد يكون هو المسؤول عن خاتمته
ويجوز سؤال الله حسن الخاتمة
///ادا كان مكان موتي ربي مكتبهولي.....ونعلم ان ربي يكتبلنا هدا يوم ولادتنا
كيف لي ان اساله حسن الخاتمة؟!!!!///

فهمت ليس بالزمن البعيد لمادا نسال الله حسن الخاتمة

يعني بهدا التفكير نحن نفعل دائما مافيه خير
وان شاء الله نموتو ونحن في طريقنا الى شيء يرضي الله


يا رب ارحم موتانا
اننا نسالك حسن الخاتمة يارب العالمين


حبيت ان اكتب الموضوع
لانني همت جزءا من المكتوب كان مبهما وقد توضح

الموت مكتوب زمنها لا مكانها


معا نتعلم
سلاااااااام

[الباشـــــــــــق]

السلام عليكم ورحمة الله وبركاته

قال تعالى :
{ وما تدري نفس ماذا تكسب غدا وما تدري نفس بأي ارض تموت }

الله يرحم الاموات ويسكنهم فسيح جناته

[توفيق3480]

اللهم انا نسألك حسن الخاتمة .... بارك الله فيك اختي الفاضلة

[حمراوي نت]

بارك اله فيك أختي ، " و ما تدري نفس بأي أرض تموت "

[كمال الاسلام]

وعليكم السلام


سبحان الله اليوم خطيب الجمعة هدر على القضاء والقدر


وسبحان الله انا بديت نهدر راه يأذن




بصح نقولك باختصار

راكي غالطة لان الله يكتب الزمان والمكان وكل شيء

حتى الورقة تسقط من اخصان الشجرة هو كتب سقوطها وكيفية سقوطها وموقع سقوطها وزمان سقوطها




ولي عودة بعد حين اذا كتب الله ذلك




سلام

[كمال الاسلام]

ولكن اكتشفت ان الله يكتب لك الزمن بالتدقيق الدي ستموت به
ولكن المكان انت المسؤول عنه ..................

قبل ما نروح قوليلي كيفية هذا الاكتشاف اختي لبنى

هل فكرتي بعقلك والمنطق

او قرأتي شيئا عنه او سمعتي درسا


اجبني ولي عودة اذا قدر الله ذلك





سلام

[حبيبة القدس]

الله يرحمهم.

[الجزائري_dz]

السلام عليكم



ربي يجازيك اختي

موضوع اعجبني كثيرا


ربي يرحم كل امواتنا



اللهم رزقنا حسن الخاتمة

دمت بخير ان شاء الله

[batina]

قال تعالى :
{ وما تدري نفس ماذا تكسب غدا وما تدري نفس بأي ارض تموت }
بارك الله فيك

[كمال الاسلام]

كتابته سبحانه لجميع الأشياء من خير وشر وطاعة ومعصية وآجال وأرزاق وغير ذلك كما قال سبحانه: {أَلَمْ تَعْلَمْ أَنَّ اللَّهَ يَعْلَمُ مَا فِي السَّمَاءِ وَالْأَرْضِ إِنَّ ذَلِكَ فِي كِتَابٍ إِنَّ ذَلِكَ عَلَى اللَّهِ يَسِيرٌ}[


. وفي الصحيحين من حديث علي رضي الله عنه أن النبي صلى الله عليه وسلم قال: ((ما منكم من أحد إلا وقد كتب مقعده من الجنة ومقعده من النار))،
قالوا: يا رسول الله أفلا نتكل على كتابنا وندع العمل؟ فقال صلى الله عليه وسلم: ((اعملوا فكل ميسر لما خلق له، أما كان من أهل السعادة فييسرون لعمل أهل السعادة، وأما من كان من أهل الشقاوة فييسرون لعمل أهل الشقاوة))، ثم قرأ رسول الله عليه الصلاة والسلام قوله تعالى: {فَأَمَّا مَنْ أَعْطَى وَاتَّقَى وَصَدَّقَ بِالْحُسْنَى}[ الآيتين ] سورة الليل الآيتان 5- 6.

[صائد الافكار 28]

الحكاية سبق وان سمعت بها بروايات مختلفة واضنها من نسج الخيال فقط

[قلم ضائع]

مسالة القضاء و القدر ... ان تعمقت فيها فانك تصلين الى متاهات
فانها فوق مستوى العقول ...ما بيدنا الا ان نسلم بها ...و نسال الله
حسن الخاتمة ...هي قصص للعبرة ...مشكورة على الموضوع

[سِدْرَةِ الْمُنْتَهَى~]

اللهم انا نسألك حسن الخاتمة
باركـ الله فيكـ أختي لبنى

[ل..ب..ن..ى]

المشاركة الأصلية كتبت بواسطة صائد الافكار 28

الحكاية سبق وان سمعت بها بروايات مختلفة واضنها من نسج الخيال فقط

السلام عليكم

والله هي حقيقية

من اي منطقة انت؟؟؟؟؟؟؟؟؟؟


لي رجعة وساثبث لك اخي كمال


سلاااااااااااام

[محبة الحبيب]

الموت هو الحقيقة الغائبة في حياتنا ننساه او نتناساه و تأخذنا الدنيا