الرد على كل من قال بأن صايفي لم يضرب الصحافية.

[سمير الشاوي]

بعض الخاوة في المنتديات عندهم فكرة: معزة ولو طارت
يناقشو حتى يالوكان يكون الأمر باين
................................
قالوا:
الجزائري عمرو ما يضرب امرأة
الجواب:
على من يفوت هذا الكلام، رانا نشوفو فيهم في كل مكان يضربو في النسا
أدخل البلدية ولا البوسطة وشوف عقلية الجزائري الحقار مع البنات اللي يخدمو في هذاك المكان.
...........................
قالوا:
راجل ما يديرش هذا الشيء
الجواب:
من صايفي متوقعة
نسيتو كي دخل يلعب ذراع في بلاصة بودبوز
علاه هذه هدة تاع رجال.
...................................
قالوا/
الصحافية راهي رخيصة وتتلاح على الناس
الجواب:
نهار كي شفتو هاذيك الصحافية الجادور في القاهرة تضرب في الصحافي المصري، قلتولها نستعرف بيك، وكي ضربت صايفي ولات ماشي مليحة.
...................................
قالوا/
هي الأولى اللي ضرباتو
الجواب:
علاه يوصل روحو، ياخي الراجل ما يعندش النسا.
...................................
...................................
الخلاصة:
ختم صايفي مشواره الكروي بتبهديلة، وسعدان رغم صراخ الجماهير في وجهه، إلا أنه مازال يلعب فيه، بلاك هذه الفضيحة تخرجو من الفريق ذراع.
نتمانو نسمع نفس الحكاية على غزال، وكريم زياني، وشاوشي، باه يعود عندنا فريق مسقم.