فيما يخص النفقة

[fidou1860]

السلام عليكم
زوجتي غضبانة عند اهلها شهرا كاملا ولي منها بنتان وهي لا تريد ان ترجع الى البيت حتى اخرج من بيت اهلي علما ان بيتنا عبارة عن عمارة ولكل طابقه وانا في الطابق الأخير اي بمثابة سكن مستقل
وابوها لا يريد ان يريني ابناءي وقال لي ادهب الى القضاء
وقد دفعت لها حوالة ب 6000 دج عن طريق البريد
وقيل لي ان ارفع دعوى قضائية للرجوع
ولكني لا اريد ان ترجع بهده الطريقة


- هل مبلغ النفقة الدي ارسلته كافي
-هل يمكن ان تلجأ هي الى القضاء بتهمة الأهمال
-هل سكني المشار اليه اعلاه لا يعتبر لائق
-وبمادا تنصحوني

[sali-sali]

اهلا خويا انا راح نقولك وجهة نظري و هي تحتمل الصواب او الخطا
هدي الزوجة نتاعك ماراهيش تحمد ربي من حقها تغضب ادا انت كنت تسيئ المعاملة معاها حتى وهنا ولازملها تكون ذكية وتعرف كيفاش تتصرف
السكن يا خي راك تقول وحدكم وهدا سكن لائق علاش تحب تبعد على اهلك الا ادا كان فيه مشاكل و حتى وسكن مستقل الا انه ممكن اهلك يضايقوها

انا نقولك راهم بيناتكم اطفال حاول تحكي معاها و ترجعها ولا تنصحها من الافضل انو ابنائكم يعيشو بيناتكم كيف الاطفال العاديين

وادا كبرت راسها الجا الى القضاء كما ذكرت بتهمة الاهمال

ربي يجيب الخير

[fidou1860]

بارك الله فيك

لا تريد ان تتكلم معي ولا ان تيرني ابناءي وتستعملهم وسياة للضغط علي كيف ارضخ

[sali-sali]

المشاركة الأصلية كتبت بواسطة fidou1860

بارك الله فيك

لا تريد ان تتكلم معي ولا ان تيرني ابناءي وتستعملهم وسياة للضغط علي كيف ارضخ

ارسللها الوالد و الوالدة يحكو معاها
ماحبتش استشر محامي و شوفي واش يقلك

[fidou1860]

والله فعلت كل شيء
ولا اريد ان ادهب الى القضاء علما انه قيل لي اني عندي الحق
ولكن لا اريد ان ترجع بهده الطريقة
واردت فقط ان اعطيها فرصة
واخاف ان تستغل هده الفرصة قانونيا

[شقراء سوف]

ربي يكون معاك هذ وش حابة اكثر من هكا عايشة وحدها /// اهلها هم الي يكبرو في الموضوع ويعمرو فيها ///لوكان جات عايشة مع اهلك تخدم فيهم وهم يعفسو فيها هذ تموت ؟؟ تحمد ربي صباح وعشية ربي يهديها

[fidou1860]

بارك الله فيك

[sarl02]

اه يا النسا كي يلقاو الطليق ..اخي اتصل بمحامي شاطر والله راح تندم على النهار الي زادت فيه وراح اتمرمدهم بيها بالشواكر تاع اماليها.

[مـجيد]

هي تعتبر ناشز
و ليس من حقها ان تفعل ما فعلته
و لا تستطيع ان تجبرك على دفع النفقة بهده الطريقة
تقدم انت الى القضاء و سترى كيف سيمكنك من رؤية اولادك
و ارغامها على الرجوع رغما عنها
كما ان سكنك لائق

[sarl02]

اه يا النسا كي يلقاو الطليق ..اخي اتصل بمحامي شاطر والله راح تندم على النهار الي زادت فيه وراح اتمرمدهم بيها بالشواكر تاع اماليها.

[منهاج]

السلام عليكم

اخي ما تروحش للقضاء مباشرة فالتقم بجلسة صلح وتأخد امك او ابوك لرؤية بناتك هدا ليس لاجل زوجتك

بل من اجل بناتك لانو زوجتك على قولك كلشي موفر ما عندهاش علاه تغضب ،وهذي جلسة الصلح

في وجه بناتك

[مـجيد]

المشاركة الأصلية كتبت بواسطة منهاج

السلام عليكم

اخي ما تروحش للقضاء مباشرة فالتقم بجلسة صلح وتأخد امك او ابوك لرؤية بناتك هدا ليس لاجل زوجتك

بل من اجل بناتك لانو زوجتك على قولك كلشي موفر ما عندهاش علاه تغضب ،وهذي جلسة الصلح

في وجه بناتك

انا لا اوافقك في هدا
كيف يأخد والديه الى زوجته ؟؟؟؟؟؟؟؟؟؟؟؟
مستحيل
كرامة الوالدين يجب ان يحافظ عليها و ليس يجرهما معه الى امرأة مثل هده

[عطر الدنيا]

السلام عليكم
خويا ما تقلقش روحك كلش يتحل بالهداوه و يقولو يدرك بالرفق ما لا يدرك بالعنف
مبلغ النفقه راهو كافي لاني علابالي بلي نفقة الطفل الواحد 200 الف كل شهريعني من الجهه هاذي ماتقلقش اما من ناحية انها راحت غضبانه لدار باباها ومارجعتش اكيد كاين سبب انت ما تعرفوش بالاك الاهل تاعك يسيؤا معاملتها ولا كاش ماكان واش رايك راحت هاكذاك وحدها
شوف كاش ناس من اهلك يعرفو نسابك مليح يروحو يهدروا معاهم ويفهموا وين المشكل و يفهموهم انك قادر تشكي بيها مي ماكش حاب العيب وان شاء الله تتحل مشكلتك

[**مياس تسنيم**]

السلام عليكم
مجرد راي ولك الخيار ارجوك لا تلجا الى المحاكم لك منها بنتان يعني محتاجتا الى اب وام خليها في بيت اهلها و متبخلش بالنفقة على بناتك و اصبر حتى تشبع من رايها اذا زادت عندت هددها بالزواج بمن ترضى العيش في ذلك السكن ربما تستوعب غلطها

[منهاج]

المشاركة الأصلية كتبت بواسطة مـجيد

انا لا اوافقك في هدا
كيف يأخد والديه الى زوجته ؟؟؟؟؟؟؟؟؟؟؟؟
مستحيل
كرامة الوالدين يجب ان يحافظ عليها و ليس يجرهما معه الى امرأة مثل هده

السلام عليكم

عندك الصح يا سي مجيد انا مشي قصدي نجرح الوالدين وانما كون كانت مرته بلا بنات الله يسهل عليها

لانها هي ختارت على قوله ، ولكن الخلافات دايما تبدا تنحل بالصلح بالصلح والقضاء والمحاميين

اخر شيء او اخر حل نفكرو فيه .

وأنا دكرت والديه لانو الاحفاد يجو عزاز على الجدود وقلت ممكن كي تشوفهم جاو لاحفادهم

ممكن ترجع بلا مشاكل

وربي ان شاء الله تنحل الخلافات بلا قضاء