طلب موديلات بساط من l'eponges

بنت عنابة · 2009-07-12, 18:09

السلام عليكم

من فضلكم أريد بعض موديلات لبساط من l'eponges للعرائس من لديه فلا يبخل علينا

وشكرا

الام الحنون · 2009-07-16, 18:22

اختى العزيزة اشترى لبونج العريض وتكون عنك زاورة او كوفيرتا قديمة ويكون عندك قماش زي لفراش تاعك لون جهاوك
تحطي البونج في وسط الكوفيرتاو القماش و تخيطيهم ثم تطرحيهم على الشكل الي تبغيه تعرفي يجيو هايلين بزاف انا درتهم
بيديا ربي يوفقك

بنت عنابة · 2009-07-16, 19:47

يعطيك ألف عافية يا أختي الغالية فكرة هايلة و جديدة ما كانش في عنابة ربي ينورلك طريقك

خولة93 · 2009-07-17, 13:00

مشكورة علي الفكرة
ولكن من الأفضل أن تكون معه صور

الام الحنون · 2009-07-18, 10:10

والله ماعندي الصور انا نخدمهم مباشرة وحدي

حياة نور الدين · 2009-07-18, 10:34

ازا القياس يعود الك وبعد اخد القياس راح يكون على طبقتين قماش عمل اللحاف المبطن بالبولستر والبولستر هو زي القطن الصناعي شكله وبستعمل لحشو المخدات والالعاب وتبطين اللحافات او الكفرات.
الان ضعي قطعة واحدة من قطع الكفر (القماشه) وجهها المقلوب للاعلى اي مقابل نظرك وقومي بفرد الحشوة(البوليستر فوقها بالتساوي وبارتفاع وتخن متساوي.
الان بعد توزيع الحشوه على اول قطعة قماش وهي ممدودة على طاولة العمل سرجي البولستر باللحاف اي ثبتيه بغرزة السراجة اليدويه وتكون الغرزة كبيرة وواسعه لتمسك البولستر على القماش ولا يقع او يتحرك اثناء العمل(يكون الخيط للتسريج على طبقة واحدة).

الان ضعي قطعة القماش الثانية اسفل قطعة القماش الاولى التي ثبتنا عليها البولستر بحيث يكون وجهها الصحيح مقابل الوجه الصحيح للقطعة الاولى والذى هو بالاسفل ثم خيطي ثلاث اطراف واتركي طرف مفتوح لقلب اللحاف منه للخارج لتصبح البطانه داخل اللحاف.

اثني اطراف الكفر للداخل وخيطيه بغرزة مخفية بخيط على طبقتين او طاقين:

اخر خطوة قومي بعمل غرزات بشكل معين فوق اللحاف او الكفر لتثبيت البولستر بشكل دائم وحتى لا يتحرك او يتجمع بمنطقة واحده مع الاستعمال والغسيل وبعد ذلك قومي بفك خيط التسريج الذي ثبتنا به البولستر بالبداية.
وخلص اللحاف او الكفر.

طبعا بامكانك عمل تضريبات على اللحاف يدويا زي ما بتحبي :

اتمنى انني افدتك

ساكنة الجبل · 2009-07-18, 12:52

السلام عليكم اختي انا نخدم هاذو البساطات و مطلوبين عند العرايس السطايفيين
اولا لازم تكون عندك طمبولة من الخشب و التي يكون طولها وعرضها قيس البساط الى رايحة ديريه وتركبيهم في بعضاهم تتحصلي على مسطيل من الخشب وارتفاع الخشب يكون 6 سم او 7سم
تانيا تجيبي طراف كتان قديم تدوريهم على الخشب كامل لانه من بعد رايحين نلصقو فيهم الكتان بالخيط باش يحكم مليح
تالتا تكوني شريتي كتانك انا نستعمل من الظهر الملاس نركبوه باللابرة والخيط ساير داير على الخشبة ولما تقلبي الطمبولة يجي وكانه الكتان من التحت وعندك حواف الخشبة طالعين ويجي في وسطهم اولا الزورة تكون مستعملة اى قديمة باش يجي لبساط شاد روحو ومن تحطي البونج ومن بعد تحطي لواط باش يجي منفوخ مليح وكي تحطيهم في الطمبولة جيبي الكتان انتاع البساط اى الواجهة وركبيها كيما الملاس الابرة والخيط ساير داير وهكذا يكون عندك بساط على الطمبولا حقة كتان الملاس وكتان الواجهة لازم يكونو مرسومين بالطباشير يعني تحطي عليهم الرسمة الى رايحة تطرزيها مقروطات ولا وردات باش تبعيهم بالابرة الكبيرة و الخشينة لما تخلصي الرسمة انتاعك وتكوني تبعتيها بالخيط وحكمتي مليح الملاس مع الزورة و البونج ولواط والكتان الفقاني طبعا الخياطة تجي داخلاني
في النهاية نحي او انزعي الخيط الى ركبتي بيه الملاس والكتان الاصلي على الحواف يخرجلك البساط محكوم من القلب تقعد الحاشية خيطيها بلابرة ودخلي كلش داخل ومن بعد ما تخلصيه سار داير جيبي الكوردو انتاع لبساط الى يباع في المحلات باش يدرقلك الخياطة وركبيه في الحاشية ساير داير انشاء الله راهو عندي 2 بساطات انتاع عروسة و نصورهملك كيفاه نعملهم ولازم تصبري شوية ظرك عندي شغالات ونحطهملك انشاء الله و الا ما فهمتيش قوليلي واش ما فهمتيش وانا نعاود نشرحلك اوكي

ساكنة الجبل · 2009-07-18, 12:57

السلام عليكم اختي انا نخدم هاذو البساطات و مطلوبين عند العرايس السطايفيين
اولا لازم تكون عندك طمبولة من الخشب و التي يكون طولها وعرضها قيس البساط الى رايحة ديريه وتركبيهم في بعضاهم تتحصلي على مسطيل من الخشب وارتفاع الخشب يكون 6 سم او 7سم
تانيا تجيبي طراف كتان قديم تدوريهم على الخشب كامل لانه من بعد رايحين نلصقو فيهم الكتان بالخيط باش يحكم مليح
تالتا تكوني شريتي كتانك انا نستعمل من الظهر الملاس نركبوه باللابرة والخيط ساير داير على الخشبة ولما تقلبي الطمبولة يجي وكانه الكتان من التحت وعندك حواف الخشبة طالعين ويجي في وسطهم اولا الزورة تكون مستعملة اى قديمة باش يجي لبساط شاد روحو ومن تحطي البونج ومن بعد تحطي لواط باش يجي منفوخ مليح وكي تحطيهم في الطمبولة جيبي الكتان انتاع البساط اى الواجهة وركبيها كيما الملاس الابرة والخيط ساير داير وهكذا يكون عندك بساط على الطمبولا حقة كتان الملاس وكتان الواجهة لازم يكونو مرسومين بالطباشير يعني تحطي عليهم الرسمة الى رايحة تطرزيها مقروطات ولا وردات باش تبعيهم بالابرة الكبيرة و الخشينة لما تخلصي الرسمة انتاعك وتكوني تبعتيها بالخيط وحكمتي مليح الملاس مع الزورة و البونج ولواط والكتان الفقاني طبعا الخياطة تجي داخلاني
في النهاية نحي او انزعي الخيط الى ركبتي بيه الملاس والكتان الاصلي على الحواف يخرجلك البساط محكوم من القلب تقعد الحاشية خيطيها بلابرة ودخلي كلش داخل ومن بعد ما تخلصيه سار داير جيبي الكوردو انتاع لبساط الى يباع في المحلات باش يدرقلك الخياطة وركبيه في الحاشية ساير داير انشاء الله راهو عندي 2 بساطات انتاع عروسة و نصورهملك كيفاه نعملهم ولازم تصبري شوية ظرك عندي شغالات ونحطهملك انشاء الله و الا ما فهمتيش قوليلي واش ما فهمتيش وانا نعاود نشرحلك اوكي