رايك في الفريق الوطني اليوم

[ام زهير]

السلام عليكم
حبيت بسقسي لي تفرجو في الماتش كيفاش كان مستوى الفريق الوطني لعبو شوية و لا والو يعني
نعولو عليه في جنوب افريقيا على حساب رايكم
انا مع الخضرا غالبة ولا مغلوبة و انشاء الله غالبة

[zarmilone]

منصوري وصايفي و لحسن اداء كارتي و لم نتخلص بعد من سياسة السوسيال

[sami1700]

اداء مليح
خاصة قديورة+بودبوز+زياني

[yassine1993]

ياخويا اللعب عجبني خاصة الجدد بالخصوص بدبوز بصح اللي فرشوهانا صايفي و غزال كثرا غزال وه والمهم لعبو بصح اللعب مل يكفيش حنا محتاجين نتيجة في المونديال والله يجيب الخير لا قعدنا كيمنهاك في المونديال

[anis74]

ziyani mlih bazaf ghazal walo djabour walo bodaboz mlih kadyora labes

[محمد شعبان 8]

فريق الجزائر يتميز بقدرته على امتلاك الكره والتحرك السريعو ايضا قوة خط الوسط وهذا مايميزه لكن يعيبه مايلى
1- عيوب قاتله فى دفاعات فريق الجزائر ايرلندا هاجمت الفريق هجمات قليه لكن حققت منها ثلاث اهداف
2- اصبح هجوم فريق الجزائر بلا فاعليه فبرغم امتلاك الكره معظم فترات الماتش الا ان الهجمات المؤثره الخطيره قليله جدا
3- فريق الجزائر يستنذف طاقاته البدنيه فى النصف ساعه الاولى فهو يلعب بكل قواه ويبذل مجهود زائد عن الحد فهو فى حاجه الى تنظيم هذا المجهود ويوزع على فترات الماتش
لابد من تدارك تلك الاخطاء قبل كاس العالم

[anis74]

nroh narghod khir tsabho 3lakhir yarabi mnahlamch bel match ta3 elyom

[mimi batna]

كان امستوى مليح و خلق فورص كثيرة خاصة في الشوط الثاني و من احس اللاعبين هم كريم زياني و بدبوز و غزال مي هد لخساراة ماعندها حتى معنى و المباراة الاهم هي في لمونديال لكن مكان بوقرة و عنتر و مطمور كان باين يعني المنتخب بلا بيهم ماعندو حتى معنى انا المهم مع الخضر غالبة او مغلوبة حتى لو لانربح ولا مباراة في المونديال المهم
123 vive l' algerie

[المتفاني]

لا حياة مع اليأس و هذا غير لقاء ودي المهم اللاعبون الجدد فيهم الفال الحسن ان شاء الله " رّب ضارة نافعة "

[zianiomar10]

المشاركة الأصلية كتبت بواسطة محمد شعبان 8

فريق الجزائر يتميز بقدرته على امتلاك الكره والتحرك السريعو ايضا قوة خط الوسط وهذا مايميزه لكن يعيبه مايلى
1- عيوب قاتله فى دفاعات فريق الجزائر ايرلندا هاجمت الفريق هجمات قليه لكن حققت منها ثلاث اهداف
2- اصبح هجوم فريق الجزائر بلا فاعليه فبرغم امتلاك الكره معظم فترات الماتش الا ان الهجمات المؤثره الخطيره قليله جدا
3- فريق الجزائر يستنذف طاقاته البدنيه فى النصف ساعه الاولى فهو يلعب بكل قواه ويبذل مجهود زائد عن الحد فهو فى حاجه الى تنظيم هذا المجهود ويوزع على فترات الماتش
لابد من تدارك تلك الاخطاء قبل كاس العالم

كل شيء صحيح الى انك قلت اخطاء دفاعية
نعم لكن الدفاع الحقيق ليس هنا مثل بوقرة وعنتر يحي

[بدرية 05]

كان الماتش شباب خاصة زياني+مصباح+حليش+قديورة

[LOSIANO]

بالرغم من تسجيل 3 اهداف من طرف الفريق الارلندي الا ان لعبهم لم يكن قويا
و لكن قد اعجبني اللاعب الذي سجل هدفين
بالنسبة لمنتخبنا فانا ارى ان خط الدفاع فشل في مهمته و ترك الحارس شاوشي يتخبط لوحده مما جعله يفقد تركيزه و يرتكب بعض الاخطاء.
بالنسبة للهجوم، لقد تالق غزال في هذا اللقاء بالرغم من تفويته العديد من الفرص، العيب ليس فيه فكثير من المرات تاتي الفرصة لتسجيل الهدف و لكنه يكون متسلل..... لذا الخطا ليس فيه
خط الوسط كعادته، متميز بوجود كريم زياني الذي اثبت عدم تاثير قلة المنافسة لديه
بالنسبة للاعبين الجدد، لم يعجبني احدهم في خط الدفاع، لا اذكر اسمه انما اعجبني كثيرا اللاعب بو دبوز

[خ جوهر]

لا لا لا لا لا يا خاوتي زياني راهو ناقص بزاف موالف ما يراطي حتى تمريرة ليوم اخفق في العديد منها و السبب واضح و هو نقص المنافسة.الجدد لعبو مليح مخصوصين شوية انسجام برك . اما اللعب فقد كان جميلا و الله غير ماتش شباب يعني كي تشوفو ما تعياش بالرغم من الخسارة. صح ثلاثة ثقال بصح 3 باداء جميل و لا 3 باداء تع الحومة كيما دارونا مع صربيا. ليوم ماقدرناش نوصلو البالون للهجوم و هذا لان بناء اللعب ضعيف يبدا من الدفاع و يطلع للوسط بصح الهجوم والو.الحارس مبلوحي كان مليح .انا عن نفسي ما شفتش دفاع قوي كيما موالف و المخالفات كانت كثيرة خصوصا على توعنا. ما تدحكوش عليا لوكان نقوللكم شفت التحكيم شوية شوية شوية مايللهم و لي سور كان بزاف قبيح. الحاصول كان ماتش شباب و النتيجة ما تعكسش المقابلة و معاك يا الخضرة رابحة و لا خاسرة.