يدور الزمان - بالعامية-

[الحسيني]

يدور الزمان وتتصرم الايام
وانايا راني في مْكاني حابس
نلوم الدْهر ونقول زماني ظلام
وجبيني مقطوب وْ بصْري عابس
لكن راني نشوف مانيشي خدام
واقراني على الخير والبر تتنافس
بين ضلوعي راهي شاعلة نيران
ومن نيل المطلوب دايما نتوجس
****************************
علاش عليك الخوف من غدر الايام
ورحْمة مولانا عْظيمة لا تيأس
هذا الشوك اللي راكْ تْراه اليوم
وهذا الغيم اللي في سْمانا حابس
لازم ييجي نهار تتبدد لهْموم
وتتبدل الاشواك بورد ونرجس
علاش راك تلوم الدنيا و تقول
من الخير في الدنيا أنايا آيس
عمر الخير زْمان في الدنيا مأمول
ياويح الجهول بحْياتو تاعس
ربي راه اعطاك من زين الصفات
وافضاله علـيك بيها تتبرنس
علم وعقل وعافيه والكلمــــــات
وقلب يحب الخير على الحب متأسس

[الحسيني]

أين انتم معاشر الشعراء *** هلا أجبتم صرختي وندائي
قد قدمت وفي جرابي نشيد***فيه رشدي وفيه كل غبائي
فيه صرختي من تصاريف دهر***من دهاليز حزن في المجاهيل ناء

[الحسيني]

[Radjaa]

[align=center]السلام عليكم اخي الكريم
ما اروع كلماتك اخي ما اروعها
دمت في حفظ الرحمن
تقبل مروري[/align]

[الحسيني]

المشاركة الأصلية كتبت بواسطة Radjaa

[align=center]السلام عليكم اخي الكريم
ما اروع كلماتك اخي ما اروعها
دمت في حفظ الرحمن
تقبل مروري[/align]

شكرا على المرور والثناء ..أيتها الفاضلة رجاء

[oumyahia]

السلام عليكم
لازم ييجي نهار تتبدد لهْموم
وتتبدل الاشواك بورد ونرجس
نسأل الله ذلك فهو القادر القدير الرحمان الرّحيم
بارك الله فيك أخي

[الحسيني]

المشاركة الأصلية كتبت بواسطة oumyahia

السلام عليكم
لازم ييجي نهار تتبدد لهْموم
وتتبدل الاشواك بورد ونرجس
نسأل الله ذلك فهو القادر القدير الرحمان الرّحيم
بارك الله فيك أخي

آمين ..
وتقبل الله منا ومنكم