حكاية النية والحيلة...ما رايك؟؟؟

[*جوداء*]

مرحبا
اليوم نحكيلكم قصة النية والحيلة

وفي الاخير كل واحد يعطيني وجهة نظروا في هذي القصة...

مرة في القديم ...كانت النية والحيلة يتمشاو...حتى لحق الليل وتعبوا...قالت النية :هيا نرقدو هنا ونرتاحو حتى الصباح ونكملوا المشي...وفعلا رقدوا...وفي نص الليل قتمت الحيلة وقالت في قلبها.....:هذي الطريق يمروا منها الفرسان بالعواد...لازم نبعد باش ما يقتلونيش.....وبدلت المكان..وتركت النية في مكانها....

لما جا الفرسان وكانت الظلمة شافوا حاجة في طريقهم فقرروا يبدلو الطريق لانهم خافوا تكون مكيدة...فمروا من الطريق الي نامت فيها الحيلة وقتلوها...ومن هذاك الوقت يقولوا:.....
مول النية اذا ماربح يخرج بخير.......
...............لكن.........
هناك من يقول ان القصة فيها خطأ بحكم ان الحيلة اصبحت منتشرة واصحابها هم الرابحين.....
فقالو ان الفرسان مابدلوش الطريق وقتلوا النية..ومن هذاك الوقت انعدمت النية في الناس....؟؟؟؟


الآن بعدما قرأت القصة هل تظن انوا الفرسان قتلوا الحيلة ام النية؟؟؟؟؟ولماذا؟؟؟

انتظر الردود....شكرا

[إلياس الجزائري]

يا أختي ما فهمنا والوا ربما أنت ذرك راكي تلعبي فيها بالحيلة

ههههههههههه

سلام أخت شيراز 2009

قصة جميلة

[*جوداء*]

المشاركة الأصلية كتبت بواسطة إلياس الجزائري

يا أختي ما فهمنا والوا ربما أنت ذرك راكي تلعبي فيها بالحيلة

ههههههههههه

سلام أخت شيراز 2009

قصة جميلة

صحييييت يا الياس صار هاك......
قول واش مافهمش وانا نقلك

[ابومحمد]

شكرا على القصة . النية والحيلة وحدة اتجيب وحدة . لو ماكانت الحيلة ماوجدت النية والعكس . والدنيا مازالت ابخير ....شكرا ت م

[*جوداء*]

كلامك صحيح اخي...شكرا لك

[le fugitif]

النية ان يكون قلب الانسان صافيا خاليا من الغدر والحقد والانانية ولذى ربنا دائما ينجيه فعلا حكمة صحيحة مولى النية دائما رابح لان قلبو صافي

[aek16]

شكرااااااااااااا القصة كانت جميلة جدا قبل كلمة " لكن "
يعني لازم الحيلة تموت لانها خبيثة

[تواضعي يانفس]

قصة رايعة أول مرة نسمعها
ولي نيتو صافية يرقد مهني ودايما يسلك واذا ماربحش ما يخسرش
النية:عكس الغدر والخداع ونسلك روحي واش دخلني في لي معاي

شكرااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااا.

[*جوداء*]

كل كلامكم صحيح واحترمه...انتم اجمل واحلى...شكرا

[perle]

يقول الرّسول صلّى اللّه عليه وسلّم:" إنَّمَا الأعمَالُ بِالنِّيَاتِ، وإنّما لِكُلِّ امرىء مَا نَوَى ". صدق رسول اللّه ( ص ).
إذن في البداية اتّفق الطرفان على قرار واحد ، ولكن هناك من خان القرار وذلك في الظلام الحالك. الحيلة خَدعَتْ النيّة . ثمّ خُدِعَتِ من طرفِ غَيْرِهَا . ( كمَا تُدِنُ تُدَانُ ).

[*جوداء*]

شكرا perle على المرور

[أحمد أبو عبد الرحمن]

السلام عليكم ورحمة الله وبركاته
مايربح مقير مول النية ختي شيراز
بارك الله فيك أختي شيراز على القصة

[thorpe]

الله يرحم النية كااااااااااااااااانت النية في ناس بكري يعني ما قبل الاستقلال اما بعد سنة 62 صايي كي راحت فرنسا راحت معاها النية
سلام

[*جوداء*]

هههههه وعلاش ربطت النية بفرنسا اخي الحسين .لا مازات النية ان شاء الله ونزرعوها في اخوتنا وولادنا مادامنا عايشين باش يبقى الخير فالدنيا
شكرا لاحيائك هذا الموضوع اخي احمد