خسارة عليك يا عبد المالك زياية

[رفيق حليش]

البارح كي شفت واش قال عبد المالك زياية للصحافي كيما سقساه على المونديال وجعني قلبي وما قدرتش نسكت
الصحافي قال : ماذا عن دعوة سعدان هل صحيح انك رفضتها ؟
زياية جاوب : رفضتها هيه و لأسباب شخصية
خسارة يا عبد المالك يا بطل يا كبير نظن انو مهما كبرت المشاكل بينك وبين الشيخ ربي يطولنا في عمرو الجزائر بلادك تجي هي الاولى
ربي يخرجها على خير في المونديال ربي يستر ما بقالنا غير غزال هو أملنا الوحيد
ولا واش تقولو؟؟؟؟

[yasmine.bis]

عندو الحق انا ما نشتيش الظلم
هو دار لي عليه من أجل الجزائر و راك سمعتو واش قال .
لكن هو عندو اسبابو

[رفيق حليش]

واش من اسباب يا خو هاذي بلادو نورمالمون ما يشوفش لحوايج سطحية كيما هذي
و واش راح تكون السبة زعمة ؟؟؟
غير كي ما لعبوش سعدان تيتيلار في لا كون دافريك؟
اسمحلي هذا حاب الشهرة برك مع احتراماتي لزياية داخل المستطيل الأخضر

[kadi_red]

نعم خسارة و الف خسرة عليه يا اخت ياسمين نداء الوطن لا يمكن ان يرفض مهما كان السبب .. كم جلس عبدون و بوعزة في كرسي الاحتياط .. هل صدر منهما شيء ! زياية حب يفرض روحو بالهدرة مشي باللعب و صراحة ماهوش مستوى تاع فريق وطني لا فنيا و لا اخلاقيا

[alouani]

عندو الحق زياية لاعب ممتاز

[ساحلية]

يا اخوتي تحب الحقيقة بدون عطف زياية ما يفرحشحتى في جدة مع اصحاب العباية اللعب في المنتخب بعيد عليه بعد الارض من الشمس منمننننننننننننننمنمن الشمس

[bes86]

زياية حاب الشهرة صح
خليه درك دوم عليه السعودية

[فتي التوحيد]

hata maya3raf yal3ab hadak footbal ta3 lkhalij
yakhi kima jach khir

[بالقيم نرتقي]

ربي يثبتنا على العقل والدين
والله ماولينا نفهمو والو فيهم

[Amelkhadra]

كون جا حاب الشهرة راهو جا للمنتخب، اصلا اللاعبين كلهم تشهرو كي لعبو في المنتخب، قولولي شكون فيكم يعرف مجاني؟ درك تشوفو بعد المونديال كيفاش يعود الغاشي كل يعرفو،
نستعرف بيك يازياية يا ولد ولايتي

[fafa zizi]

الله أعلم وهو أعلم بظروفه التي لايستطيع البوح بها على العلن وأنا أنتقد كل من شكك في وطنيته لأنكم لو كنتم تعلمون بأسبابه لما قلتم ما قلتم لأن الله وحده أعلم بأسبابه التي جعلته يرقض اللعب للمونديال الذي كان يحلم به هو وكل لاعب على وجه الأرض أطلب منكم جميعا عدم ظلمه حتى لايندم أحد على كلمة قالها في حق هذا الإنسان . والوقت سوف يكشف المستور بإذن الله.

[سيريناد]

حقيقة انا راني مع عبد الملك زياية انا متاكدة لو انه قبل الدعوة
الشيخ سعدان راح يحطو احتياطي ولا يحاوزو هادي حاجة اكييييييدة
يعني زياية خمم ملييح و باينة بلي يديرو احتياطي ادا مايبهدلش روحو خير
ديجا اليوم شفتو مع فريقو داو كاس خادم الحرمين الشريفين وهو ماركا هدف في ضربات الترجيح
و سلم عليه خادم الحرمين
ياعني بالمفهوم العام مايسحقش دراهم سعدان بالتبهديلة راهو شبعو ملك السعودية بالدراهم و راهو مشهور عندهم ماكان ماخصو
انا راني مع زياية

[wox]

صحيت يا زياية ماتروحش مع هادوك ... سعدان يحب القور وميشتيش العرب .. واحسن قرار اختاره زياية ...لانه عارف بلي الشيخ ماهوش رايح يعتمد عليه ...شفتو يا جماعة هاداك المسمى غزال مادار والو في كاس افريقيا ..حتى في ماتش الكوتيفوار جاتو لقطة قدام رجليه ماعرفش يسددها ...ومع دلك اصر عليه الشيخ ...ما علاباليش اعلاه ... حتى المباراة الاخيرة مع نجيريا قلنا جات فرصة زياية ....ولكن المدرب يصر ..ويعطي للزياية بعض الثواني ...لكي يهمشه ...اخويا انا ما نشتيش الحقرة ... لا خاطر سعدان حقار ...وحقر زياية ..... وربي معا زياية ... وستنصف العدالة الللاهية اللعب .....علابلي بلي تقلولن هدا المنتخب وما لازمش يرفض ....ولكن الحقرة ..اصعب شيىء في الحياة ...يا خويا افضل الموت على الحقرة..

[مجنونة بخيالي]

حقيقة انا راني مع عبد الملك زياية انا متاكدة لو انه قبل الدعوة
الشيخ سعدان راح يحطو احتياطي ولا يحاوزو هادي حاجة اكييييييدة
يعني زياية خمم ملييح و باينة بلي يديرو احتياطي ادا مايبهدلش روحو خير
ديجا اليوم شفتو مع فريقو داو كاس خادم الحرمين الشريفين وهو ماركا هدف في ضربات الترجيح
و سلم عليه خادم الحرمين
ياعني بالمفهوم العام مايسحقش دراهم سعدان بالتبهديلة راهو شبعو ملك السعودية بالدراهم و راهو مشهور عندهم ماكان ماخصو
انا راني مع زياية

انا ثاني كنت معاه كي رفض المرة الاولى علاجال الحقرة والتهميش نتاع سعدان بصح يا خوي الدراهم مهمش كل شي وكان قادر مايقولهاش علنا بانو رفض اللعب للجزائر
عمبالك هذي معناتها راهو رافض بلادو حتى ولو يكون مش قاصدها
انا متوقعتهاش تجي منو وراح تبقالو نقطة سوداء في المستقبل

[المتفاني]

غلط عندما أجاب الصحفي فالسكوت في هذه المواقف من ذهب