من اعجبه كلامي فمرحبا به ومن لم يعجبه فمعذرة .......

[غلام123]

سلام عليكم

اهلا بالاخوة

كل عام ارفض ان اكتب هذا الموضوع في وقته
وارفض الكلام حوله بوقته

مخافة ان يقال (( هذا الشخص لئيم يود افساد فرحة الطلبة ))

اليوم قولوا وش تحبو نهدر يعني نهدر ولي ما عجبوش كلامي كاين الجدران

مادمت اعلم اني على حق فلن ابالي

موقف مر علي قبل قليل

كنت برفقة صديقي نتجول بالسيارة كالعادة ونقضي حاجاتنا من اوراق وما الى ذالك (( كي العادة مع الجريات ))

ركنا السيارة امام احدى العمارات واذ بزغرودة رقيقة وقوية تطلق من احدى (( البالكونات ))

ههه كنت حاط الحطة حسبتهم عليا زغردو هههه

لا شعوريا رفعنا رؤوسنا واذ بشابتين في مقتبل العمر يقفن في ذالك (( البلكون ))

لتني لم ارى المشهد

الرقص يا بن عمي والتزغريييييييييييييييييد يويويويويييي

دون اي حياء

وش كاين ؟؟؟

داااات الباك

الله يبارك هذا كلو باه تروح للجامعة ؟؟؟

وش فيها الجامعة ؟؟

فيها 40% حرية + 55% فسق +5% قراية

(( واذا قلتوا كذاب جيبو لحطب وآآآحرقوني واذا قلتو كذاب جيبوووووا لحطااااب وآآآحرقوني ....... جيبوا لحطآآآب وآآآحرقونييييييييييييي ))


صح من حقو الانسان يفرح بثمرة مجهود عام كامل وهو يستنا فيها
صح يقفز الانسان ويبتسم ويضحك من شدة سروره
صح يبلغ كل الناس ويعلمهم بنجاحه ويعزمهم ان شاء لمأدبة عشاء او غداء او حتى قهيوة


لكن ان يعلم الخلق كلو بهذا الشكل فهذا قد تعدى الحريات

نعم انا شخصيا ارى انها تعدت على حريتي الشخصية بهذا الشكل

رفعت راسي لا شعوريا الله غالب مع نزلت زغردت البنت كانت فالبالكون لا هي متحجبة ولا هي لابسة فضفاض


فتنتني وهذا اعتبره انتهاك لحريتي

معليش انا نسمح في حقي باه ما تقولوش قلبو كحل اع انو قلبي ماشي غير كحل هههه

لكن ربي سبحانو وينو حقو ؟؟؟

البنت هاذي نحجحت وكل الناس لي راها تنجح

هل يا ترى بجدها وكدها وتعبها ؟؟؟ اكيد لا بتوفيق الرحمان وشييييييييييييتح برك تاع خدمتها

نورمالمو غير تشوف النتيجة تخر ساجدة لربها

نورمالمو على الاقل تصلي ركعتين شكر

نورمالمو بهاد النجاح والفرحة لي جات من عند ربي وكرمها بيها وفضلها على كثير من خلقه تتحجب

انا لا اتحدث عن هذه الفتاة فحسب انما عن جميع الفتيات وايضا اخواني الشباب

الباك راه نعمة ومفتاح من مفاتيح المستقبل بزاف ما عندهمش

ربي اذا عطاهولك ما تكونش دوني

ما تكونش قليل الخير

روح للجامعة حاول تعدلها

حاول تقرى صح

ما تروحش تتعلم الدخان كي تلقا الحرية

وانت اختي ما تروحيش تديري صاحبك وحبيبك ثم

الجامعة لا تعني انك الان حرة وغير مقيدة

الدين يقيدك والعرف يقيدك والاصل يقيدك

ما يغروكش ذوك الناس لي تشوفوهم فالجامعة بالسيارات وفلانة راكبة معاه

اني نعرفهم واني خالطتهم والله اتفه ناس في الكرة الارضية

تقوللهم علاه ما نتوبوش يضحكو عليك

تقوللهم هاد الشي حرام يضحكو عليك

حياتهم ضحك

مخلوعين الله غالب

لانو ماشافوش ما عرفوش ما حسوش بالميزيرية


المهم مبروك على كل المترشحين لي فازو وربي يصبر لي ما فازوش نقوللهم راه خير ليكم شافو ربي ما تزعفوش

ممكن كون رحت يا خويا للجامعة قادر تولي فاسق وتموت ثم
ممكن تدير برونش ماشي رايح يناسبك وقادر المرة الجاية تروح وين حاب انت


نعرف واحد ماداش الباك 5 مرات
من بعد كي جابو كمل قرايتو

من بعد راح للسوربون في فرنسا ززاد كمل وربي فتح عليه ورجع لبلادو وراه حاجة كبيرة بزاف فالبلاد

هاد الانسان يا جماعة راه يجيني حتى للبيت للعلم فقط

المهم نتمنى ما يكونش موضوعي فسدلكم الفرحة ولي ما عجبوش كلامي

ههههه الحيوط بزاف
سلام

خوكم لحو ثورب حوحو حسين غلام الغلام thorpe

[ghaza_01]

اخي ساختار جدار الاعجاب بهذا الموضوع ونخبط راسي
نعم والله لك الف حق
لم افهم تللك القطات
انا امي اليوم عندما خرجت نتيجت اخي
توضت وصلت حمدا لله

[nina love]

هههههههههههه ياهذا ارحمنا mais موضوع صح و يعطيك الصحة اوافقك الراي اااممممم تعجبني مواضيعك اخي دمت بووود

[غلام123]

المشاركة الأصلية كتبت بواسطة ghaza_01

اخي ساختار جدار الاعجاب بهذا الموضوع ونخبط راسي
نعم والله لك الف حق
لم افهم تللك القطات
انا امي اليوم عندما خرجت نتيجت اخي
توضت وصلت حمدا لله

حمد لله ومبروك عليكم وما تنساوش الباقلاوة برك ههه
يعطيها الصحة ميمتك

[الجزائرية 1995]

بارك الله فيك ما ذكرته واقع مرير رب يهدي والف مبروك للناجحين وفرصة اخرى للراسبين

[غلام123]

المشاركة الأصلية كتبت بواسطة nina love

هههههههههههه ياهذا ارحمنا mais:d موضوع صح و يعطيك الصحة اوافقك الراي اااممممم تعجبني مواضيعك اخي دمت بووود

نينا هههه مرحبا بيك بالذراع يا الاخت وليتي
شكرا جزيلا وانا ايضا تعجبني مداخلاتكم
الله لا يحرمنا منكم

بارك الله فيك

[غلام123]

المشاركة الأصلية كتبت بواسطة الجزائرية 1995

بارك الله فيك ما ذكرته واقع مرير رب يهدي والف مبروك للناجحين وفرصة اخرى للراسبين

وفيك بارك الله
واقع نعم لكن نحاول تغييره كيفما استطعنا

لعقوبة ليك انت ايضا النجاح

[ghaza_01]

المشاركة الأصلية كتبت بواسطة غلام123

حمد لله ومبروك عليكم وما تنساوش الباقلاوة برك ههه
يعطيها الصحة ميمتك

ان شاء الله اخي
تستاهل البقلاوة والمقروظ وكلش

[غلام123]

المشاركة الأصلية كتبت بواسطة ghaza_01

ان شاء الله اخي
تستاهل البقلاوة والمقروظ وكلش

الله يحفظك
كي شغل راني كليتها

شكرا جزيييييييييييييييييييييييلا على كرمك

[محمد الثاني الفاتح]

[ghaza_01]

المشاركة الأصلية كتبت بواسطة غلام123

الله يحفظك
كي شغل راني كليتها

شكرا جزيييييييييييييييييييييييلا على كرمك

هههههههههههه اوكي خويا بصحتك

[*ثزيري*]

(( واذا قلتوا كذاب جيبو لحطب وآآآحرقوني واذا قلتو كذاب جيبوووووا لحطااااب وآآآحرقوني ....... جيبوا لحطآآآب وآآآحرقونييييييييييييي ))
صراحة اخي غلام هذا الذي اعجبني وتكرارها ثلاث مرات
اين اجدك لاحرقك
شكرا على الموضوع

[بسمة تحدي]

كيما قال الاخ فعلاا جدار الاعجاب بهذا الموضوع والله


يارب يهدي بنات المسلمين


الواحد يفرح ولكن في حدود


موضوعك مميز والله


ت

ح

ف

ة

[صفــاء]

بــــــــــــارك الله فيك

[hasnaoui2006]

بارك الله فيك موضوع في القمة ننتظر المزيد