نكت جديدة .... New

[foufatone]

غبي رجع البيت لقى مراته مع واحد .... راح ساحب سكينة و راح يقتله الراجل قاله استنى احنا الكاميرا الخفية ... مات الغبي على روحه من الضحك و قال : مش ممكن يا جماعة دى خامس مرة تعملوها فيا و برضه ماتذيعوهاش

عيل فاضح أبوه في كل حتة كل ما يروحوا حتة يقوله : عايز أعمل حمام ... فأبوه قاله : عيب انت كبرت لما تبقى عايز تعمل حمام قولي أنا عايز أغني و أنا ح أفهم و أوديك الحمام ... في اليوم ده الواد بات عند جده و بالليل و هما نايمين صحى جده وقاله : أنا عايز أغني .. راح قاله : عيب الناس نايمة ... قاله : الواد مليش دعوة أنا عايزأغني ... قام جده قاله : طب غني في ودني بس بالراحة

واحد بخيل مات أبوه فراح يعمل له نعي فى الجريدة فقال لهم : إيه أقل سعر مساحة عندكم ؟ قالوا له : سطر واحد به خمس كلمات .
قال لهم : اكتبوا : رزق ينعى أبوه ... قالوا له : لسه فاضل كلمتين ... قال لهم : اكتبوا : وبيصلح تليفزيونات

مرة واحد غلس جدا دخل سينما مفيهاش غير واحد بس راح قاعد وراه وقاله دماغك لو سمحت

مرة واحد غبى ماشى فى الشارع لقى قرد أخده و مشي بيه قابل عسكرى مرور سأله : أودى القرد ده فين ؟ العسكرى قاله :وديه جنينة الحيوان ... تانى يوم معدى بالقرد العسكرى قاله : مش قلتلك وديه جنينة الحيوان ... قاله : ما أنا وديته امبارح ، النهاردة بقى ح أوديه السينما

واحد خلف ولد و لما كان عمره خمس سنوات ولسه مش بيتكلم ... في يوم الولد تكلم وقال :خالو .. ثاني يوم مات خالو .... وبعد اسبوع قال الولد: عمو .. وثاني يوم مات عمو ..... وبعد اسبوع قال الولد : بابا ... وثاني يوم مات جارهم

مدرس غبي جاتله بعثة لدولة أوروبية ، فأخد مراته وراح ... بعد تسع شهور كانت مراته حامل .... وجابتله واد أبيض ، وشعره أشقر ، و عيونه ملونة الراجل استغرب وسألها : إيه ده ؟ فجاوبته : وانا اعمل إيه ؟ إنت بتروح المدرسة ، وانا بقعد في البلكونة . إشي أوروبي رايح ، وإشي أوروبي جاي . الظاهر إني اتوحمت على واحد أوروبي . فهز صاحبنا راسه وقال لها : إذا كانت الحكاية كدة ،اذا مافيش مشكلة . بعد فترة جاتله بعثة لدولة في أفريقيا . وكمان تسع شهور وكانت مراته حامل ، وجابتله واد أسود ، وشعره أكرت ، ومناخيره مفطوسة !! إتنطط الراجل وقال لها : وإيه الواد ده كمان؟ قالت له : وانا اعمل إيه ؟ إنت بتروح المدرسة ، وانا بقعد في البلكونة . إشي أفريقي رايح ، وإشي أفريقي جاي . الظاهر إني اتوحمت على واحد أفريقي . فهز صاحبنا راسه وقال لها : إذا الحكاية كدة ، اذا مافيش مشكلة . خلصت مدة البعثة ، و رجع الراجل على بلده ، وراح يزور أمه في الفلاحين . الست استغربت جدا واصابتها الدهشة ، وسألته : مين العيال دي ؟ قال لها : ولادي . قالتله : إزاي يعني ؟ فشرح لها إن مراته مرة اتوحمت على أوروبي ، ومرة على أفريقي . فهزت أمه راسها وقالت له : تعرف يا ابني أنا كمان حصل معايا كدة وقت ماولدتك .. قال لها : معقول يا امـَّه ؟ ماحكتيليش يعني قبل كدة . ها إيه اللي حصل ؟ قالتله : أبداً ........ أبوك كان يروح الأرض وأنا قاعدة في الدار،
إشوف حمار رايح ، وإشوف حمار جاي فتوحمت وولدت حمار ..قالها لكن هو فين ؟ .. قالتله إنت