{؛ الظاهر مرايحينش تفكوها يا ناس..ماعلينا الحل عندي..واللي حاب يتهاوش يدخل؛}

[وشَـ،ـآحْ الـصـِـبـآا]

؛ السلام عليكم ورحمة الله وبركاته ؛

*شوفو الظاهر مفاكينهاش يامنتديات الجلفة للجزائريين والعرب ومفاكها بيناتكم لا الموضوع اللي دارو عمر ولا مواضيع الصلح بيناتكم وانتوما خاوتي وانا نعرفكم عرب دوريجين تاعكم تمشو غير بالعين الحمرا

روسكم خشااااااااااااان الله غالب فيكم الدم اللي يمشي فيا ..

وانا ياناس كرهت عدت منين ندخل نلقى يا المواضيع الأغلبية تقريبا رجعت غير التهاويش الثقة مكانش ؛

واش صرا فيكم الله أعلم ؛ مكناش هكذا كنا خاوة نعرفو بعضانا مليح ولا واحد ممكن يشك في خوه على حاجة

خلونا نفوتو هذي متحطش فيا الثقة الله غالب عليك ؛ معندي منديرلك بصح التهاويش فهموني علاه؟

انا دوريجين ندخل للمنتدى تقريبا من الأسبوع للأسبوع مرة أو مرتين ؛ واسمحولي هنا انا كرهت العادة ندخل نلقى خاوتي ؛نحكي ونقسر ؛ ونضحك من قلبي ؛ عدت ندخل نلقى عديان بين بعضاهم ؛ العادة ندخل نحط تقريبا 200 رد فاليوم درك ندخل نشوف الموضوع من الأول للآخر ونخاف نرد بويسك نلقاكم كليتو بعضاكم ديجا ؛ عادة منهدرش كي يهدرو خاوتي الكبار بين بعضاهم بصح لقيت بلي أنتوما مكانش اللي يحكمكم من وذنيكم

اني نعرفكم كامل عاقلين واش بيكم ؛ حامية العضمة فيكم المرة هذي ؛ واش تبدل

واذا برك حابين تتهاوشو روح للإيميل وبرد قلبك ماشي هنا هذا منتدانا كامل وعندي الحق نحكي معاكم هكذا كيما عندي الحق نطلب منكم طلب بسيط كيما هذا ؛

عيني نتهاوش نتهاوش نقعد فالدار منجيشهنا عالأقل فالدار نبرد قلبي مليح

واللي نتهاو شمعاه نشوف عينيه

لهذا انا عندي الحل

((ايقونة المشاركات السيئة))

من اليوم نلقى 2 يتهاوشو راني نستعملها ؛ واعتببروه كيما تحبو

تهديدولا منعرف واش كيما تحبو..

ومنعرف فيها لا قريب ولا حبيب وصديق

كامل صبة وحدة ؛ والمهم نظافة المنتدى من الغل اللي كلا قلوبكم المرة هذي

ولعلمكم متهمنيش نقاطي اصلا ندخل للمنتدى بالسمانة وزدتو كرهتوني فيه عدت قريب مندخلش خلااص

آيا صاي آآآآآو بزاف

السمانة هذي راني ننسى ؛ بويسك اني متوحشتكم اصلا بصح السمانة الجاية اني نبدا

خاوتي الكبار وقاعدين يتهاوشو تحتمت المرة هذي ننطق

ونجبد كل واحد من وذنيه اذا استلزم الأمر

وراكم هنا خاوة ؛ شئتم أم أبيتم

ونحبكم تقعدو خاوة شئتم أم أبيتم

وتتفكرو بعضاكم بكل خير ؛ ومتهزوش الغل

وتفكرو الهدرة هذي مليح

عينكم تصفيو حسابات روحو للإيميل

كاين اللي يجي هنا يهرب من الغل اللي فالدنيا يزيد يطل يلقاكم تاكلو في بعضاكم

؛ والسلام على من اتبع الهدى ؛
هذا الشي اللي يجمعنا
this love is difficult but it's real
هذا الحب صعب لكنه حقيقة