جاوبوني

fatih84 · 2010-02-10, 18:22

إخواني عندي بابا كرهني في حياتي راهو إنسان متعصب و عندو واحد لعقلية مكانش لي يقدر يصبر عليها و السبب انو عاش في فرنسا 34 سنة ضرك راهو متقاعد راهو ديما يحب هدرتو لي تمشي و إذا أنا رفضت يهددني و يقول تعاودها ما تباتش عندي راهو إيحاسبني على كل كبيرة و صغيرة ما لقيتش حل معاه راني خايف نغلط معاه او خايف من دعوة الوالدين و أنا عمري 25سنة و العائلة كلها تشكي منو و بالأخص أنا راهو لا يرحم لا يشفق راهو كرهني في حياتي حتى من الدراسة نتاعي رايحة تضيع و هو السبب كل شيء حرمو عليا و الشيء لي نعملو ما يرضاش عليه راني و ليت ما نطيقوش و حتى نكرهو من الشيء لي دارو فيا
او هو عمرو 70سنة

صُبح الأندلس · 2010-02-10, 19:19

والله والدك بلغ من العمر عتيا و أنت تعلم أن الكبر يفعل ما يفعل فالشيخ الكبير أشبه بالطفل الصغير الذي أيضا لا يعجبه شيء و يعاند و لا يريد إلا أن تنفذ رغباته ، إياك أن تعصى والدك في آخلر عمره ، لعل الغربة هي التي جعلته شخصا قاسيا باردا من العواطف و لكن أكيد هو لا يكرهك ، ربما لا يعرف كيف يعبر عن خوفه عليك إلا بهذه الطريقة ، أنا أقدر الموقف الصعب الذي أنت فيه لذلك اسأل الله أن يلين قلبه فوحده تعالى يملك ذلك

/زهرة عصفور الجنة/ · 2010-02-10, 20:50

قال تعالى: (( وقضى ربك ألا تعبدو إلا إياه وبالوالدين إحسانا إما يبلغن عندك الكبر احدهما او كلاهما فلا
تقل لهما اف ولا تنهرهما وقل لهما قولا كريما* واخفض لهما جناح الذل من الرحمة وقل ربي إرحمهما كما ربياني صغيرا )) سورة الاسراءاختي ابوكي عاد اليكم بعد غياب طويل يعني مازلتي لم تتعود على طباعه انصحكي ان تفهميه فهوفي سن اشبه بالطفل الصغير لا تقولي ابدا اني تكرهين والدكي التمسي له العذر وحاولي ان ترضيه وادعي الله في كل صلاة ان توفقي لارضائه

*جوداء* · 2010-02-10, 22:32

كن اقوى من هذا يا اخي ..مهما كان ومهما فعل لايجب ان تنطق كلمة كره حتى لاتغضب الله ..اصبر عليه وربي رايح يجازيك ..وفكر انو انت ايضا يوما ما رايح تكون اب ..هل تحب ان تسمعهم يقولو عنك هكذا مها عملت معاهم؟؟

اسئل له الهداية وكن اقوى واصبر كثيرا

hero.dz · 2010-02-11, 01:20

ناس بكري يقولوا :

الشيخ لي لحق الستين يكثر حسو و الدورو ليحكمو يدسو
________________________________________

الهوامش : ( شرح المصطلحات )
حسو = مفرد حس و هو الضجيج
الدورو = عملة جزائرية قديمة كانت مستعملة هنا في الجزائر و هي كناية عن الدراهم أو المال
يدسو = من الدس و هو الإخفاء
المهم :
أعانك الله على تحمل غطرسة والدك و في نفس الوقت على البر به
لا يمكنني نصحك لأن عقلية والدك مازالت غامضة بالنسبة لي فالحكم على الشيء فرع عن تصوره
إضافة إلى ذلك أهل مكة أدرى بشعابها
أنت أعلم بوالدك منا فتصرف بحكمة و حنكة

نينا الجزائرية · 2010-02-11, 01:31

أخي اصبر اخي
ما عساك تفعل مهما عمل ابوك يبقي باباك
احتسب ذلك ابتلاء وان شاء الله ربي يفرج عليك

fatih84 · 2010-02-11, 08:22

يا إخواني راني نفكر نرحل أو مبعد عليه هكذا نكون متهني و مرتاح لكن خايف يدعيني دعوة شر أو نسلكها غالية في الدنيا و الأخرة راني هكذا قاعد نفكر .

fatih84 · 2010-02-11, 08:24

يا إخواني راني نفكر نرحل أو مبعد عليه هكذا نكون متهني و مرتاح لكن خايف يدعيني دعوة شر أو نسلكها غالية في الدنيا و الأخرة راني هكذا قاعد نفكر

صُبح الأندلس · 2010-02-11, 08:37

إذا كان لابد أن ترحل فتزوج على الأقل تكون لديك حجة مقنعة لكن أن ترحل بلا سبب فأكيد سيغضب عليك

*جوداء* · 2010-02-11, 10:08

اذا كان هذا هو الحل اخي ارحل ..لكن اذا كان يعتمد عليك ..يعني انت الابن الوحيد لديه فلا داعي لانك رايح تزيد تغضبو منك ودعوة الوالدين راهي واعرة بزاف ...هو امتحان من الله يا اخي فكن بقدر هذا الامتحان وانصحك بالصبر الصبر والدعاء الى الله

h_hakima08 · 2010-02-11, 11:09

اخي الكريم اسمح لي بهذه النصيحة ،(عن تجربة):
لو قدر الله وتوفى والدك وهو غاضب عليك( وان كان ذلك غير صحيح ) ثق بي سوف تندم طول حياتك وسينغص هذا الامر عليك طول العمر..ولن تعرف راحة البال. كل ماعليك هو الصبر والصبر و الصبر وان لا تفعل شيئا تندم عليه بعد ذلك.

recco · 2010-02-11, 13:31

اخي التزم الصبر فطاعته واجبة

أنوار لجين · 2010-02-13, 14:20

ياااااااااااااااااااااااه كراك غالط و راه عميك بليس سمحلي على هد الهدرة بصح هذي حرقة راني عايشتها في قلبي أنا بابا مات الله يرحمو عندو عام و نص كون تعرف كيراني عايشة حياتي و الله راك تروح تجري تقبل رجلين بابا و تقلو سمحلي و تدعي ربي باش يحفظولك و يطولو في عمرو و الله يا أخي أنا لكان يقلولي رجعولك باباك و الله لوكان نعرفو يعذبني طول حياتي و يديرني تحت رجلو و ما نعرف واش راح يدير غيلا قلتلهم واه ألف مرة عمرك ماراح توجد واحد كما باباك يا فاتيح......... صح قلي؟ انت راك عايش في الدار عندو و لكان يكرهك علاه راهو مخليك عايش عندو و علاه و علاه و علاه كاين صوالح بزاف دارهملك باباك و أبسط هذه الأشياء أنه رباك نعل الشيطان يا خويا و بالاك تفكر أنك ترحل كيما قلت و دير أي حاجة أخرى تخلي بابا يغضب عليك راهي صعيييييييييييييبة دعوة الوالدين و راك تعرف هدا الشي ما عليش صبر شوية تنال بزاف و راني رايحة ندعيلك باش ربي يوسع خاطرك و يهدي باباك و يهدينا أجمعين مع كل تحياتي أختكم لجين

fatih84 · 2010-02-15, 08:58

خواني الفضل لكم و لنصائحكم لقد تحجبت الأن بفضل ردودكم لقد طبعت جميع ردودكم و هي قرأت ردودكم و تحجبت و أقتنعت بالحجاب .بارك الله فيكم

روح القلم · 2010-02-15, 18:19

السلام عليكم اخي
من خلال ما قراءة يتبين لي انك إنسان عجول و غير صبرو
لأن والدك لديه خبرة اكبر منك في هذه الحياة فكان عليك ان تنتبها لما يقوله فربما يكون في صالحك
أعتقد انك يجب ان تحاول ان تفهم والدك أكثر و لا تضيع الوقت في القول انه كرهني في حياتي
لان هذالن يحل لك شيء و لان الله امرنا بالبر لهما و أن لا ننهرهما فانصحكان تثبر عليه قليلا و تحاول ان تفهمه اكثر و أيضا أ تحاول ان التحاور معه بطريقة بعيدة عن الحدة و العصبية و إذا غضب حاول ان تمتص غضبه بالمسايرته في ما يقول ....
يعني حاول مرة واحدة فقط أن تكسب رضاه عنك و بهذه الحالة سوف تحصل على ما تريد ... صدقني
و بتوفيق
تحياتي للجميع